السلام عليكم ورحمة الله

انا ودي استثمر حافز قبل ماينقطع

باي شي له


فكرت اسوي معرض في بيتي .. يعني احدد يوم في الاسبوع واعرض فيه بضاغتي سواء ملابس او ادوات تجميل او اي شغله من حاجات النسوان

بس خفت يكون ممنوع ولازم اوراق من وزارة التجاره ومدري ايش نفس تعقيدهم للبازار



تكفون الي عنده اي فكره عن الموضوع يوافيني فيه وبدعي له وقت الافطار

مرحبا أختي هدوء ..

حبيت أساعدك برأيي عسى تستفيدون مع تمنياتي لك بالتوفيق والنجاح ..

شوفي عندنا هنا حرمة بدأت تبيع بضاعة في بيتها شوية شوية وتخلي الحريم يجونها البيت بدأت بالجيران والأهل وكثفت الدعاية والإعلان وانتشر خبرها على مستوى حارتها والحارات اللي قبالها ونجحت بفضل الله واتوسعت وفجأة شرت لها قطعة أرض مقابل بيتها وبنتها وسخرت الطابق الأرضي لشغلها شربته بويا وزينته ورتبته للحرم وجابت لها مجموعة مانيكانات ولبستهم وصارت بتتاجر حتى في الأدوات الكهربائية حتى الميكرويف جابته وعرضته للبيع وصار بيتها مزار للحريم من كل صوب بصراحة نجحت نجاح باهر ماشاءالله لاقوة اللا بالله ..
أهم شي انتي اقدمي على الشغلة واتوكلي على الله وكثري استغفار ودعاء وبري والدينك واتصدقي وان شاءالله يحالفك النجاح ..
ادرسي سوقك وجيبي بضاعة مطلوبة .. وماأظن الشغلة هذي فيها أوراق واجراءات لانك بتشتغلي داخل بيتك ..
بالتوفيق ان شاءالله ..

فكره حلوه تستفيدي من حافز
بس انا رايي تسوي متجر الكتروني وتسوقي بضاعتك فيه
وانشري المتجر بين معارفك وجيرانك وممكن تسوي كتالوجات توريها لاي احد تقابليه او توزعيها بالمشاغل
واتمنى مشروعك مايوقف على مجرد فكرة وتنفذيه قريب
وبالتوفيق