الله يرزقك من واسع فضله ليه بس النظرة الدونية لنفسك ! انظر للحياة بنظرة تفاؤل ان شاء الله ربي مايخيبك الله سبحانه يقول (( ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) . حديث قدسي
اذا صلح القلب صلحت الجوارح ^_^ !

ترا الناس الطيبة تبحث عن ابن الحلال الكفوو وأهم شرط عند كل بنت وبيت سعودي في الخاطب هو مخافة الله في السر والعلانية ! التقوى والاستقامة شرط جدا مهم !!! اضافة الى وظيفة طيبة تغنيهم عن السؤال
المظاهر والجمال كله يزول مع التقدم في العمر الا طيبة القلب زيها زي المعدن الاصلي مايصدأ ولا يتغير زي الذهب يظل غالي على مر السنين !

اسأل الله العظيم رب العرش العظيم ان يوفقك ويرزقك الزوجة الصالحة والذرية الصالحة المعافاة

بقولك شي وابصم عليه بالعشره
الرجل الاسمر او البرونزي عبارة عن
ســـــــــــــــــــــــــــــــــحر ورجــــــــــــــــــــــــــــــــــولة وخـــــــــــــــــــــــــــقه
والسمن ع قالوا شويه رياضه
والناس والعوائل العاقله بتشتري راجل ع قولة المصاريه فكل الحكايه ثقه بالنفس وثقه فيما عند الله وبنسمع خبر زواجك قريب
جود لك

هههههههههه تكفي صراحتك وبقول شي ياما قريت حريم يمدحون ازواجهم ويقولون السمين عسل واحسن من غيره
يدلع وحنون ووو...إلخ

ف..أنت خل عندك امل كبير وانصحك بلاستغفار كثير مثل ماقال اخونا ..مستشار..

اذا سمين سوي رجيم او رياضه

واذا على السمر فا ابشرك انو االاسمر مطلوب اكثر من االابيض

انا لما دخلت المووضوع على بالي تتلكم على المجتمع بشكل عام

وبعدين لما شفت كلامك اخر الموضوع فطست ضحك ,

وكمان انا اعرف واحد سمين وقصير واسمراني ومتزوج 3

ههه الله يوفقك ويرزقك الزوجة اللي يحبها قلبك وترى ما كل الناس مثل ما ذكرت فيه ناس أهم شي عندهم إذا الولد مستقيم وفيه ناس أهم شيء عندهم الوضيفة تكون مرموقة وهكذا ...

الله يرزقك

اكيد ان الاغلبيه مايهمهم الشكل لكن انا اشوف المهم ان انت تكون راضي عن نفسك قبل كل شي
تقدر تنزل وزنك صدقني كم كيلوا لو ينزلوا بتحس بتغير حتى بنفسيتك وكل مانزلت كافىء نفسك بشرى ملابس او اي شي سجل بنادي واستمر بالرياضه بتفرق معاك من كل النواحي مو بس من الشكل وشارك بالمنتديات الي تهتم بهذه الامور مثل منتدى رشاقه انت بستفيد عده امور من تخفيض وزنك واولها صحتك واولادك بالمستقبل يحبوا يكون ابوهم رشيق شكلي جبت العيد
من جد غير نظرتك للحياة انظر لها من زاويه اخرى وخلي عند ارادة قويه وراح توصل لهدفك
اذا بنصحك برجيم انصحك برجيم اللقيمات للدكتور الهاشمي اعرف ناس كثير نحفوا عليه وله كتاب وصفحه على الفيس بوك
اعذرني على الاطاله
الله يوفقك ويرزقك بالزوجه الصالحه

ماشاء الله تبارك الله على ردودكم و على عقليتكم ... الله يوفقكم
و النعم ببنات السعودية و الله ... و النعم بالشباب السعودي .... عسى الله يحفظكم و يبارك فيكم و في أعماركم إن شاء الله ..... ولا أزيد على كلامكم غير :

أخوي الله يبارك فيك ... إذا ما لقيت في محيطك و منطقتك أبحث في مكان ثاني ....

و من الآخر راح تتزوج راح تتزوج إن شاء الله
بس أهم شيء لا تنسانا و تعزمنا في زواجك إن شاء الله

و ألف مبروك مقدماً .... تدري ليه أنا واثق من إنك راح تتزوج
دامك تبغى الحلال ربنا راح يوفقك

و السلام عليكم