يأخوان أنا ماكتبت هالموضوع الأ أني أبي رايكم وتدلوني وش اسوي ووش أفضل الحلول بالنسبة لحالتي
بعطيكم القصة من البداية أنا سجلت في برنامج تدريبي منتهي بالتوظيف مدته ست أشهر
البرنامج حاسب ألي+ E + تنمية ذاتية + تنمية أدارية, طبعا مسمى الشهدة مساعد أداري
وظيفتك تكون مساعد أداري مع شركة توقع معها عقد أثناء التدريب مدة العقد سنة يبدأ بعد نهاية تدريبك وأستلامك الشهادة
البرنامج هذا رسمي ومدعوم من صندوق تنمية الموارد البشرية + معهد يتكفل بدراستك طبعا بفلوس من طرف ثالث خيري متكفل بفلوس الدراسة
من مزايا البرنامج مكافئة من صندوق الموارد 2000 ريال شهري
مدة البرنامج التدريبي كامل 6 أشهر + أسمك يتسجل بالتأمينات الأجتماعية من يوم تبدأ التدريب .

# بداية المشكلة :

أنا بغض النظر عن مشاكل الدوام والقاعات والوعود والجوائز الـخ
في البداية ماوقعنا عقود مع الشركات الا بعد مضي 3 أشهر كاملة هذا معناه ندرس 3 أشهر بدون أي مكافئه !!
بعد الثلاث أشهر بعض الطلاب وقعو وأغلبيتهم لا طبعا اللي وقعو أستلمو حق 3 أشهر كامل 6000 ريال والحمد لله
الثلاث الأشهر الأخرى مأسأة , الشهر الرابع استلمنا المكافئة متأخرة شهرين وناقصة أستلمنا فقط 1620 ريال !!
الشهر الخامس برضو ناقصه ومتأخرة الشهر السادس لين يومكم مأستلمناه !! مع العلم صار لي قريب 8 شهور مخلصين
نروح لأشكالية أخرى الأختبارات والشهادة , اﻷختبارات تكون في مقر المؤسسة العامة للتدريب التقني والمهني
والمفترض نظاما نختبر بعد مانخلص 6 أشهر لكن قالو خلاص روحو بيوتكم ولاجاء موعد الأختبار أتصلنا عليكم طبعا بدون تحديد موعد وأن حددو مواعيدهم كاذبة !!
المهم شفت أن السالفة مافيها أمان سجلت في معهد الأدارة العامة وبديت في سنة اللغة على نهاية المستوى الأول ( مدته شهرين ) أتصلو وقالو أختبرو
طبعا المعلومات طارت رحت وأختبرت والنتيجة ماطلعت الأ بعد فترة طويله الحمد لله عديت
الأشكالية أنهم مأتصلو بخصوص الشهادة والوظيفة وجاني الخبر من أحد زملائي بخصوص الشهادة فقط !!
لين يومك مسجل في الشركة على أني موظف وأتقاضى راتبه وقدره 4000 ريال وبرضو مسجل في التأمينات الأجتماعية وبرضو مسجل في الصندوق أني مدعوم وب مبلغ 2000 ريال .

# الأستفسارات :
أنا الأن عندي 2 مشكلتين وحده مع المعهد وصندوق الموارد بخصوص المكافئة , والثانية مع الشركة والتأمينات ووزارة العمل.

فيه ألية أقدر أخذ حقي فيها من الشركة بخصوص الرواتب علما أني معي عقد رسمي مع الشركة
وفيه كل شي الراتب والدوام وألخ, أنا أستفسرت عن طريق صديق لي بوزارة العمل قال استحالة تأخذ حقك ﻷنها شركة وممكن تلف عليك القضية بسهولة الشي اللي ممكن تسوية ترفع قضية بخصوص التلاعب
أسمك يشيلونه + الشركة يوقف عنها الأستقدام لمدة 5 سنوات. هل فيه طريقة أخذ حقي ( رواتبي) ؟

بالنسبة للمعهد وين أقدر اشتكيه فيه ؟ بخصوص تأخير المكافئات والأخذ منها وتأخير الشهادة وزيادة مدة الدراسة الخ ؟ الصندوق بيفيدني ؟.


# على الهامش

أخواني أي أحد يبي يتقدم للبرامج ذي لايأمل كثير لعب وأستغلال ومحد مستفيد الأ الشركات الأ في حالة الشخص عاطل منها يضيع وقته ومنها يستلم فلوس تمشيه وأي أستفسار الخاص موجود.

والسلام عليكم..