السلام عليكم..

انا عندي سؤال من فيكم صار معها الي صار معي..واذا كثير البنات نبي نسوي تجمع ونشكي مع اني راسلت الخنين ومتكتم حتى على الرد علي

انا وصلتني رسالة من شخص يدعي اسمه ناصر العتيبي مضمون الرسالة انه تم ترشيحي لوظيفة تعليمي وهي محو الامية على المرتبة الخامسة بالطائف وارسل الرقم الوظيي المزعوم والجهه وانها رغبتي التاسعه وفعلا هي كذلك
المهم وقال انا باللجان حاليا اذا تغيرون الرغبة فورا ابدلها لكم مقابل مبلغ مالي والمكالمات تمت بينه وبين زوجي ومع الشخص بياناتي كاملة ومدعي انه من وزارة الخدمة المدنية وتنزل الترشيحات اخر رمضان

ولازم نحول الفلوس خلال ساعتين قبل تقفل اللجان كما يزعم المهم ماحولنا له شي لكن من ثاني يوم الجوال مقفل الى هذه اللحظه وزوجي سال عن الرقم طلع شريحة مسبقة الدفع من غير اسم

من صار معها كذا عشان اكمل النقاش ونشوف حل ولحد يقول مستحيل يكون من الوزارة هذا ابتزاز من الموظفين للرشوة والا كيف حصل على بياناتي؟؟!! وانا محتفظة بالرسائل وبما فيها رقم الحساب بس للاسف كنت ابسجل كلامه وزوجي رفض

ليتك مسجله مكالماته

وليتكم اخذتو رقم الحساب بالبنك على اساس تحولون له ..

اتمنى ماتسكتين عن اللي صار

واكيد الخنين متحفظ على الرد .. لأن الموضوع والله مخزي


حسبي الله ونعم الوكيل ..

بياناتنا تكون بيد كل من هب ودب ويقوم بالابتزاز .. هالمره فلوس المره الثانية الله واعلم وش بتكون







بعد التعديل
قرات الموضوع ثانية وانتبهت ان معك رقم الحساب ..
قومي بعملية تحويل عن طريق حسابك البنكي بالانترنت .. بمعنى ادخلي رقم حسابه على اساس بتحولين بيطلع لك اسم صاحب الحساب بالكامل .. وبعدها لاتكملي التحويل ولاتحطي مبلغ
اهم شي يطلع لك بأسم مين على الاقل تمسكين خيط ..

وعليكم السلام ورحمة الله وبركاته
فعلاً سمعت بهذا الشيء من خلال بعض الي سألوا الخنين بتويتر
وقالهم هذا غير صحيح واحذروا من ضعاف النفوس.

جميل أن نرى اشخاص مثلك يطالبون بحقوقهم وما يخلون احد يبتزهم ويضحك عليهم
ياليتك يا اختي تشتكين هذا الشخص بالأدلة
ومن خلال رقم الحساب راح يجيبونه إن شاء الله ويفكون الناس من شره.

اختي رجاءً لا تسكتين لأنك لو سكتي وما وقفتي هذا المجرم المبتز عند حده
راح يضحك على بنات غيرك وينصب عليهن وهذي الفكرة راح تعجب غيره من الحرامية
ويسوونها وتتكرر كثير بالمجتمع.

لكن لو وقفتي وقفة صارمه راح تريحين نفسك وتريحين غيرك ولك أجر إن شاء الله كبير
حتى لو كنتي لوحدك اشتكيه وخليهم يجيبونه ويأدبونه سواءً كان موظف بالخدمة
أو شخص له علاقة بموظف أو يمكن شبكة نصابين.

جزاكِ الله كل خير أنتي وزوجك.

شاكره تفاعلكم السريع والله شجعتوني اكثر على الشكوى

رقم الحساب موجود عندي زوجي استدرجه واخذ رقم الحساب وطلع باسم وحده مو باسم رجل

اتمنى القى وحده مر عليها الي مر علي نتفق

خلوه يظبطني وبعدين سوو الي تبون هههههههه

على العموم من حق الخنين يتكتم لأنه موضوع حساس وانتي تكلمينه بالتويتر .. بس اعتقد هذي يبي لها تروحين الوزاره بكبرها

هذي كلها محاولات نصب وسبق ان حذرت الخدمة المدنية من هالشي ياجماعة الترشيح يكون وفق اليه معينة لايمكن لاحد تجاوزها وخاصة في السنوات الاخيرة والله يوفق الجميع لما يحب ويرضى

نشكي للشرطة وإلا الوزارة الأول

اختي هذا واحد نصاب
اعرف وحده صار لها كذا وقالها الوظيفة عند باب البيت اذ ارسلتي 15 ألف أسلمك خطاب التوجيه اليوم الثاني
واعطاها رقم وحده وقالها هذي من مكتب التوجيه التابع لمنطقتك بتتفاهم معك وطلعت هي نصابة معه
المهم حولت المبلغ وبعد ثواني قفل جواله وهي جلست تتحسر تقول اقسم بالله كأني مغيبة عن التفكير

يعني للجميع التنبه من هذي الأشكال وخلوا تعاملاتكم رسمية واضحه

وفعلا الأستاذ الخنين قال انتبهوا من ضعاف النفوس