صباح الخير
الله يالدنيا
كنت في قديم الزمان اذا تصفحت النت وقريت اسم المنتدى تنتابني لدقائق معدوده ابتسامات ثم ضحكات واقول بيني وبين نفسي ناس فاضيه والله هالعاطلين مجتمعين
والدنيا دواره صرت عاطله مثلكم وجيت برجولي لين منتداكم فسامحوني وحللوني

يا طويلين العمر ابي استشيركم وابيكم تنصحوني اتزوجه والا لا <<<< هههههههههه امزح شفت شريط قناة بدايه واصابني حول

انا قصتي حزينه ومؤلمه وابيكم تساعدوني لا تحدوني اروح ارمي نفسي من الجسر المعلق اذا محد نصحني وشار علي بذاك الرأي إلي يبرد القلب

انا توني متخرجه دبلوم تقنية شبكات نسبتي في الشامل 99% والمعدل العام 4,71 من 5 واخذت دورات icdl 2003 , سكرتاريه , وكامبردج لتقنية المعلومات 2007 , و 5 دورات من أكاديمك التعليم عن بعد

والحين جالسه فاضيه اكش الذبان مافي مدرسه او مكان ماقدمت عليه طبعا لا رد ولا شي
وقررت ادرس اي شي ولا جلستي في البيت بس صراحه ما أعرف ايش ادرس والا وش اسوي
وفيه كم سوال ودي تساعدوني فيها واتحملوني شوي تراني عندي مشاعر واحاسيس واتأثر بسرعه

أقدر اخذ دبلوم ثاني عادي ! بمعنى الدبلوم الأول يروح علي يعني مايحسب, و إذا اقدر ايش تنصحوني فيه و وين

فيه دورات كويسه تنصحوني فيها غير المذكوره اعلاه ؟! <<< ترا هالجمله متعوب عليها

مفكره اكمل بكالوريس كنت في جامعة الملك سعود قسم اداره عامه هالكلام قبل 5 سنوات وطلعت ماكملت لاني في الحقيقه والواقع مالقيت نفسي فيه ابدا ,كنت احب الحاسب بس للاسف قسمي ادبي ولا قدرت ادخله
مفكره في الجامعه العربيه المفتوحه تنصحوني فيها , واذا اذا يعني انهبلت ودخلت مع اني خلاااااص معد ابغى ادرس طلعت الدراسه والله من خشمي اله يكرمكم يروح علي الدبلوم لأني سمعت ان الدبلوم قبل الجامعه مايحسب

ساعدوني
اختكم الفقيره لله

[align=center]مساء الخيررر

اسمحيلي اول مشاركه تكون رد عليك

عااد ماادري هذا شي حلوو والا مو حلوو ...؟


المهم انا بصراحه انصحك انك تروحين تكملين بكالوريوس في تقنية الشبكات

سواء على حسابك او في اي جامعة تعادل شهادتك وتكملين

لانك لما تصيرين بكالورويوس تصيرين لك قيمه اكثر

و شهادتك لها قيمه في التوظيف

ولو اخترتي تخصص ثاني معناته انك تضيعي تعبك في الدبلوم

[/align]

الله يوفقك وين مااترووحين

الله يوفقك حبيبتي