السلام عليكم ورحمة الله وبركاته . يا هلا باخواني وخواتي العاطلين ..
روحوا يا جعل ربي يعوضكم بكل خير ويبشركم باللي تبون <- دعوة من قلب وربّنآ


المهم , أنا انقبلت مبدئيا كموظفة استقبال في مستوصف صغير شوي سبق ورحت له أكثر من مره
كله دكتورين وممرضة وسريرين يعني الي شجعني فيه إنه مهوب كبير وما في موظفين كثار وبنفس
الوقت ما رح يكون في مرضى كثير ..
تكلمت معهم تلفونيا واكتشفت إن رئيسي بالعمل مصري ! شوفوا أنا ما عندي مشكلة إن شاء الله يكون
من كوكب زحل , لكن أحس الرئساء الاجانب بشكل عام غير متفهمين + ممكن يلعبون علي أو يأكلوا حقي !
مع إن لما كلمته عالتيلفون اكثر من مره حسيته شخص سهل التعامل معه مهوب شديد ومخيف
سألته عن طبيعة العمل قال لي عادي تفتحين مواعيد , ملفات , وتستقبلين المرضى !
كم مدة العمل من 4 إلى 10 مساء طبعا مسائي.. لآني ما أقدر أشتغل صباحي رح أكون ملازمة بجامعتي أنا لساتي طالبة ..
وقال لي إن رح يكون 3 أشهر تدريب أولي وراتبي رح يكون 1500 ريال فيهآ ثم رح يشوف ويقيم عملي
وممكن يرتفع إلى 3000 ريال وما حيزيد عن 3000 ريال !
وسألتو إذا فيه تأمين صحي قال لي لآ لأنك سعودية وما تحتاجيه .


فلذلك بعد ما عطيتكم نظرة أولية خلوني أقولكم استفساراتي . وما يخالف أدري إني قرقة " اصلن من يوم يومي وأنا قرقة الله يصلحني " واسألتي كثير , بس مالي بعد الله غيركم فأرجوكم لا تسهينون بالرد علي وخاصة بهالشهر الفضيل مابي منكم شئ بس أبيكم تتفاعلون معي وتساعدوني


أنا دحين ما أبغى حقي ينهظم فياليت تخبروني وش الي ووش الي علي . إيش لازم أعرف قبل
لا أباشر بالعمل أقصد كحقوق نظامية من عقود وتوقيعات وخرابيط , هل رح أوقع أول ما رح استلم الوظيفة ولا رح أكون معلّقة ولما أخلص الفترة التدريبية أوقع . ؟
وهل أقدر أخذ نسخة من العقد حتى أضمن حقي "مع إني لحد الان مش عارفة بالضبط إيش هو حقي "
وغير كيذا ما تحسون إن فترة 3 شهور تدريب مرره كثير !! أنا أحس إن شهر واحد كافي ؟
هل ممكن إنو عمل كيذا حتى هو يأكل حقي شهرين ولا كيف بالضبط ؟
وغير كيذا كيف الدوام هل يوميا ولا فيه اجازة يومين زي المدارس خميس وجمعه أو يوم واحد فقط الي هو يوم الجمعة ! وهل في إجازات أساسا زي إجازة الصيف وإجازة الربيع والخ الخ ..




وهل رح أكتسب أي شئ اضافي من عملي هذا !؟
أقصد زي مثلا سنوات خبرة أو شئ زي كيذآ لآني دايم أشوف بالوظائف الأقوى من الاستقبال يقولوا لازم
يكون فيه سنوات خبرة طيب كيف هل بيعطوني شهادة أو أقرار إني عملت عندهم ولا كيف <- الي بيضحك علي شرير


وغير كيذآ إيش كمان مفروض أجيب معي غير العجرة والسكين
أمزح بس جد إيش مفروض أجيب
معي وهل عادي لو جبت لابتوبي وكتبي وجلست أذاكر هناك تدرون أنا طالبة جامعية ويوميا رح أداوم بالجامعة وما رح أرجع على خير من جامعتي إلى على 2 أو 3 يعني ما رح ألاقي وقت لآي شئ مير الحمدلله على كل شئ ..


وإيش كمان تكفون يا أهل الخبرة كلموني وعلموني إيش مفروض أعمل وأساسا أساسا أخاف إني ما رح أنقبل في الوظيفة , بس الحمدلله انقليزيتي فوق الممتازة وعندي شهادة مسعفة معتمده وماخذه اكثر من كورس بالحاسب وفاهمة فيه مرره فإن شاء الله ربي يوفقني فيها .








وبالنسبة الي رح يقولوا لي اختلاط وما اختلاط ..
أوك ما اختلفنا ما رح أقول شئ , إنت عطني وظيفة أحسن من وظيفتي هذي كرآتب وكاسم ووفر لي الي احتاجه فيها وأبشر من عيوني مستعدة أترك الوظيفة , لكن مسألة قطع أرزاق عالفاضي
وما تنسوا حديث النبي - صلى الله عليه وسلم - : " هلك المتنطعون " أنا ما أعتقد إني رح ألاقي
وظيفة زي الناس وبراتب عالي غير الاستقبال وأنا انسانة واقعية ولو إني بجد عندي قدرآت خارقة زي سبايدر مان مير راحوا الطيبين من زمآآن وأنا أساسا أخر حبّة منّي <- لا تعليق .. الله بيحلها وبيفرجها ..




يلا لا أوصيكم شجعوني وساعدوني و كيذا يعني