ياجماعة الخير هذي وظيفة الي محتاجها بيجي وبيقدم والي شايف انها قل من مستواه ماراح يقدم ماله داعي كثر الحكي الي مايزيد ولاينقص


هذا اعلان ومهو مكان نقاش اذا كانت المكافأة قليلة أو كثيرة


الحمدلله الاقبال كبير جداً وفيه التزام من المتقدمين بالعمل وبينزل اعلان ثاني بإذن الله الاسبوع الجاي عن 45 وظيفة مؤقتة غير هذي ونسأل الله التوفيق لنا ولكم

شاكر لكم مروركم

ليش تقول المكافأة مجزية اذا ما تبي احد يناقشك ؟

ايه فيه ناس محتاجين بس مهب معناه استغل جاحتهم و اعطيهم اقل من حقهم ..

و للمعلومية دوام 19 يوم من الايام العاديه يعطى عليه اكثر من 2500 ريال فما بالك اذا كانت باجازة العيد اللي تحسب بيوم و نص او يومين ..

مازال العرض مستمر والي يشوف انه قليل الله يرزقه بالي يبيه ويملي عينه

انا اشهد انها موجزية

بالتوووووفيق

[align=center]اتق الله يا رجل

الحين عندنا بالسعوديه العامل الهندي ماصار يقبل بـراتب 1700 ريال

يارجل حتى اخواننا العرب الي يشتغلون بالسعوديه من مصريين ويمنيين اقل مرتب لهم 2000 - 2500

وهالرواتب على عامل خضار وعلى موصل طلبات وعلى مهن عاديه

انا اعلم تمام العلم بأن هذا عرض ومحد منجبر عليه , لكن عرضكم مستفز إلى ابعد الحدود


اللهم ارزق المؤمنين والمؤمنات الاحياء منهم والاموات الجنه وارزقني معهم
[/align]

حسبي الله عليك الله لايوفقك امين انتبااااااااااه من هانصاب بيشغل كم شهر تقريبا وافي العيد بعد واخرتها 1700 انتبهوووووو هاد يستغل الناس المحتااااااجه الله لايوفقه امين في الشهر الفضيل احذرررررررو منه هالاستغلالي

انا صراحه سجلت بدون اي استفسار على اساس الكلمة (( مجزية )) في الموضوع
ومع الاستفسار ولما اتضح لي انها 1700 بطلت اروح لانو شفتات وفيها عيد .. وكان في بالي اقل شيء الفين وخمس او الفين على اقل تقدير ويعلم الله اني محتاج بس ما حبيت احد يبخسني حقي ..
ع العموم يا اخ عازف الاوهام شكرا لك واتمنى مراعاة الجانب المادي واوقات الدوام مستقبلاً
ولا ننسى والكل فيه خير قول الله تعالى (( ولا تبخسوا الناس اشيائهم ))
وشكرا لكل من اثرى الموضوع ..

أكيد انك مقاول بالباطن مأخذها قطوعه من مقاول اخر راسي عليه المشروع من الاتصالات السعوديه
او انك وكيل توظيف
اصلا النظام هذا مخالف لأنظمة العمل التي تنص على يوم راحه بعد 48 ساعة عمل في الاسبوع واذا اضطررت لتشغيل الموظف فلابد من تعويضه
وآخرتها 1700 ريال
وشفرات وعيد
الله يصلحك بس ويهديك انت
يا رجل حتى الهنود لو يتكلمو عربي فصيح ما راح يشتغلون بهالقيمه