مالي خبره بهلمجال بس بقولك بلي اعرف واعطيك رائي لان هذي الاوله لك يا تقف يا تطيح فيها اطيحه الي اقصدها انك تخذ هلمناقصه وتكون انت حاط سعر قليل ولعقد يلزمك بانك تكمل المشروع ذا يعني اذا كان مثل صيانه للمكاتب اول شئ علشان تطلع عليها لازم تدفعلهم 200 ريال وسعر 200 قليل المهم اطلع انت علي المشروع الي يبونه وش اصيانه الي يبونها هل هي مثل صيانه المكيفات وكذا او صيانة المبني كامل من تكسير وشطوب بلمبني تسويها وبويه وكذا عرفت

المهم اني كثرت السوالف عليك لاكن ترى الاسعار الحين نااااار بكل شئ فلا تحط سعر قليل ابد عادي ما تخذها بس ضمنت انك مراح تخسر

الامل الموعود

يعطيك الف عافية وماقصرتي


وان شاء الله يجينا خبير يفيدنا في الموضوع

. وعليكم السلام ورحمة الله وبركاته ..
الدخول بالمناقصات الحكوميـه والمؤسسه جديده ممكن تقابل مشاكل كبييره لجهلك ببعض الأنضمـه .

صيانة وإصلاح المباني .. ماراح تعرف وش المطلوب بالظبط الا إذا اشتريت كراسة المنافسـه مثل ماهو واضح بسعر 200 ريال .
. تشتري كراسة المنافسه من نفس جهة الإدراه . بالمدينه المحدده بقسم المشتريات اكثر شي تلاقيها .
.. إن اشتريت الكراسـه يبيلك تجلس لحالك وتقرا المواصفات المطلوبـه وتكلفتها .

مثلا تلقـى بلك عدد 800 من نوع كذا .
سباكه كامله لدورات المياه . الله يكرمك ويكرم الجميع .
مواصير من نوع كذا الكميه 200 النوع
.... وتشوف الاسعار كلها كم بتكون .؟
يعني يبيلك تتعامل مع . مورد مواد سباكه . ومورد دهانات . ومورد بطحاء . جميع موردين مواد البناء بصفه عامه .
عشان تاخذ الاسعار من عندهم . إضافه الا انك تنتبه للنقطه هاذي تزيد علـى كل قطـعه بملغ صغير مبلغ من 3 الى 4 ريال . واللي مبلغها كبير تزود عليها 200 او 150 اقل . تقدير .
. ووالمده المطلوبه للتسليم .؟ وكم تحتاج عامل .؟ ورواتب العمال .؟
وبعد ما تحسبها كلها وتضيفها تسلم الكراسه بيوم التسليم والوقت
وغالبا يكون فتح المظاريف بعد التسليم بيوم واحد
وتحضر فتح المظاريف اذا رست عليك تفوز فيها
طبعا المشكله بالمملكه ان اقل سعر تثبت عليه المنافسه


نصيحـتي لك إذا ماعندك خلفيه لاتفكر بالمناقصات وانت ماكبرت المؤسسه وصار عندك مايقل عن 18 عامل . ورأسس مال .
ابدا باشياء صغيره بلاط ولياسه وجلي وبناء لأن سمعة المؤسسه يا تشتهر يا بتكون مثل اي مؤسسه وهميه

الله يوفقك ويرزقك

بما أن قيمة كراسة المواصفات 200 ريال وهو سعر قليل نوعا ما اقترح ان تشتريها وتطلع عليها خصوصا انه اول مشروع لك
من الممكن بعد ذلك تدرس الكراسة من إلى وحتى ان لم تستطع تقديم العرض تكون استفدت خبرة تفيدك في قادم الايام
كل التوفيق يارب

ماقصروا الشباب

وانصحك اقراء اكثر في تجارب اصحاب المناقصات
وكيفية صرف المستخلصات

لانك في الغالب تحتاج سيوله تمشي فيها عملك , وبعدها كل ما انجزت نسبة عمل
ترفع فيها وانتظر الصرف من الماليه

س/ من اي مدينه انت ؟؟

الله يوفقك ,, انصحك بالاستخاره