الصبر الصبر يابنات




يابنات خلاص لاتقلقون انفسكم

وكلوا امركم لله

توكلنا على الله

انتم يابنات موترين انفسكم ولا اسلوبهم هذا هو ماتغير من قبل ماتطلع الاسماء وبعده نتائج المطابقة وبعده الترشيح بالمناطق كله مماطله ومافي اي تاريخ ثابت , الوزارة ضعيفة وعشوائية لدرجة انها مو قادره تجدول اعمالها وتحدد تواريخ مثل العالم , والناس يحاولون يساعدون باللي يقدرون عليه اكيد نيتهم يساعدون مو نيتهم يلعبون بالاعصاب , احمل اخيك المؤمن على سبعين محمل ..

تعبنا تعبنا وانتم بجد صادقين ..

صبر جميل والله المستعان .. وهانت انتظرنا فوق ال4 شهور نصبر السبت ونشوف باذن الله

اتوقع عشان الرياض النقل المثبتات بكره

هالتاخير عشان هالنقليات خخخخخ

بنات وسعو صدوركم ماضاقت الافرجت

ياعمري على البنات اللي أماكن تعينهم لازم السفر لها بالطائرة

كيف بيرتبون حجوزاتهم ما باقي وقت على 7 /10

ولا السكن مقدور عليه يدبر الواحد نفسه بشقة مفروشة لين يترتب الوضع ويستأجر

وبعد اللي زوجها ومحرمها بيروح معاها لازم ياخذ اجازة وش يقول للمدير

ربي عالم بحالتنا وان شاء بمجرد ما يطلع التوجيه بنصير زي خلية النحل

وكل هالأمور بتتدبر بيحلها رب العالمين وتصير كل همومنا الحين سواليف

يارب

يا اخواتي الله يصلح احوالكم ويهديكم لسواء السبيل

ياحبيباتي مافيه شخص وضع معلومة يبي يلعب باعصابنا

بس هم يحاولوا باللي يقدروا عليه...طيب لو فرضاً كان من الوزارة ممكن مايبي يكشف هويته

بعدين ذي وزارة الامر مو بيد شخص معين..اللي اقصده وتخيلوا معي.. فرضاً فلان يكتب بالمنتدى

وهو موظف بالوزارة مو منصب...سمع ان التوجيه اليوم الفلاني...جاء اليوم الفلاني ولاصدر التوجيه بسبب او بآخر هو لايعلمه

بيطلع بأعيننا كذاب صح.؟؟

لكن هم قالوا قريب وحاولوا يبشرونا باللي يعرفونه...وصدقوني نيتهم سليمة

انا لا اعلم الغيب ولكن هذا الي ظهر لي وأيمانهم بعد ذلك أكدت لي

التمسوا لهم العذر واحسنوا الظن

فيابنات الله يسهل اموركم..لاتستعجلوا

وانادي وبالصوت العالي وكلوا اموركم بالله

والله من توكلت على الله ماحزنت ولا حملت هماً فهو كفيل بها وسييسر امورها فهي تحسن ظنها به

وحطوا ببالكم ان المتوكل هو من يعمل بالاسباب ويعلق قلبه بالله لكن غير المتوكل هو من يعمل بالاسباب ولكنه يعلق قلبه بالاسباب ولا يعلقها بمسبب الاسباب

حنا بشهر فضيل لاتنشغلوا بامور الدنيا عن دينكم واخرتكم

وماتدرون لعل بكل تأخير خيرة

وسواء كان التوجيه الاربعاء والا السبت والا الاثنين ماراح تفرق معانا

لاننا متوكلين على الله

هو يتولانا برحمته وفضله

الله يهدينا واياكم لما فيه صلاح امور ديننا ودنيانا واخرانا

والله يجزى بالخير كل من حاول مساعدتنا بأي كلمة

ودي لكم

يااااااارب تعطينا الصبر وتفرجها علينا ونخلص امورنا الباقية على خير
دعواتكم