السلام عليكم ورحمة الله وبركاته ..
الأخ الكريم / باحث اجتماعي
انا مطلقة و عندي اطفال ,
سمعت عن اضافة اولاد المطلقات في بطاقة الأحوال مع
والدتهم
ممكن تفيدني كيف اضيفهم ؟
اتمنى الرد بأقرب وقت .. واللي سبق وضافت تخبرني
مع الشكر

نفس الاستفسار
الله يسعد الي يرد علينا
ياليت احد ثقة يدينا خبر

رحت الأحوال القسم النسائي في الدمام وقالو مافيه نزل قرار وماطبق للحين ماأرتحت لكلامه ارسلت أخوي عند قسم الرجال يسأل قالو له نزل وطبق من ٦ شهور بس ماتفيد زي بطاقة الأب أحترنا فيهم وفي ردورهم المتناقضه مدري من أصدق الله المستعان...

هذا بلانا اختلاف الردود

ودي أعرف ليه لما نزلو قرار زي كذا مايعتمدونه ويعتبرون ھ البطاقه زيها زي حقت الأب
فوق ماهم عارفين أن بعض الرجال مايخاف الله يقهر الحرمه بعيالها ولا تحركو عشان تنحل ھ المشكله وش ذنبها وذنب الأطفال أنهم يعيشون في خوف لاحول ولا قوة إلا با الله...

تصدقون من البارح وانا نفس السؤال ببالي
لاني سمعت ان للمطلقه كرت وتقدر تضيف عيالها فيه
صراحه ضروري يطبق و بسرررررررعه
انا بنتي معي ولا معاي اي اثبات لها
كلها سنه وبتدخل المدرسه وش اسوي اقعد اجري وراء ابوها
خلاص تعبنا شوفو لنا حل وذا حق من حقوقنا
حطو كرت عائله للمطلقه نضيف عيالنا فيه
مو كل شوي نذل نفسنا لرجال مايخاف الله ولا عليه الا من نفسه

حطو كرت عائله للمطلقه نضيف عيالنا فيه
مو كل شوي نذل نفسنا لرجال مايخاف الله ولا عليه الا من نفسه والله تعبنا فى هذى الحياه واذ كان مريض ياليل ما اطولك

لازززززم نحتاج هالبطاقه.

حتى نقدر ندرس عيالنا ويمشي لنا من الضمان

يالله أتخيل انه حلم صعب تحقيقه نجيب عيال وبنات اخر شي نطلق ونطلع بطاقة أحوال مابها غيري وهو وزوجته كاشخ بعيالي قمت القهر"