بخصوص شركة مرافق

المعوض · #1 (**permalink**) 08-08-2012, 05:11 AM

السلام عليكم ورحمة الله وبركاته
اليوم جاني اتصال من شركة مرافق وكلمني واحد (طبعا بالانجليزي) المهم قالي ارسلي السيرة الذاتية على الايميل وارسلتها له وردلي بالايميل شكرا .
انا كنت نايم وقتها واتذكر قالي وظيفه في خدمة العملاء
احد يفيدنا يااخوان وش اجراءات القبول
والاهم كم رواتبها؟
انا معي ثانوية ودبلوم برمجة من الجامعة الامريكيه بالقاهره وعندي خبرات ولله الحمد
علما ان توني موظف حكومي في التربية والتعليم وتخبرون لابدلات ولاهم

المعوض · #2 (**permalink**) 08-08-2012, 06:16 AM

السؤال الاهم هل هناك دراسة قبل الوظيفه؟
وين تكون الدراسه في ينبع (الكلية الصناعيه)؟

محمد البخيتان · #3 (**permalink**) 08-08-2012, 06:40 AM

شركة مرافق قوية جدا جدا

الرواتب للثانوية العامة اساسي 5000 ريال

لكن اللي اعرف لخريج الثانوي دراسة سنتين بعدين توظيف

انت روح لمنتدى وظيفتي كوم

وتشوف المواضيع اللي تخص مرافق

وفقك الله لما يحبه ويرضاه

المعوض · #4 (**permalink**) 08-08-2012, 11:54 AM

يعطيك العافيه اخوي محمد
انا رحت دورت لقيت موضوع بس محد ذكر الارقام لكن ببحث مره اخرى
وانتظر الاخوان يعطونا كم الراتب
وحسب ماسمعت ان الدراسه في كلية ينبع الصناعية بس مادري عل هي دراسة نفس دراسة الطالب العادي؟ ويحصل ع شهادة دبلوم عالي في تخصصه؟ سؤال اخر لاهل الخبره

مجرد آحسآس · #5 (**permalink**) 08-08-2012, 07:17 PM

اذا انت موظف حكومي رسمي

خليك مكانك انا اقول احسن

الشركات متعبه

لاكن اسال وتاكد قل وشوف وش افضل لك

وان شاء الله موفق

][ wizard ][ · #6 (**permalink**) 09-08-2012, 02:42 AM

شركة مرافق ممتازة جداً ..
و رواتبها عالية لـ خريجين الثانوي و الدبلوم وحتى الجامعيين ..
واتوقع من اجراءات القبول فيه مقابله معك ..
لان اغلب الشركات الكبيره الان يعملون مقابله مبدئية بالتلفون ..
بعدها ان شاء الله يحددون لك موعد للمقابله عندهم ..
اما باقي الامور ماعندي علم فيها وودي افيدك ..
اتمنى لك التوفيق ..

ممكن تكتب الاميل اللي ارسلت له السيرة الذاتيه لوتكرمت ^_^

المعوض · #7 (**permalink**) 09-08-2012, 03:08 PM

اقتباس:

المشاركة الأصلية كتبت بواسطة مجرد آحسآس

اذا انت موظف حكومي رسمي

خليك مكانك انا اقول احسن

الشركات متعبه

لاكن اسال وتاكد قل وشوف وش افضل لك

وان شاء الله موفق

حياك الله اخوي
بالنسبه للمقارنه بالمميزات بين الحكومه والمرافق اكيد مرافق افضل من حيث المميزات ولاتنسى تامين طبي لي واولادي وزوجتي والوالدين وتغطيتة 100% بالاضافه الى بونص اخر السنه وبرنامج الادخار ومساعدة تاثيث المنزل وسكن ومميزات كثيره اضافه الى التطوير وهي بالاول والاخير تملكها الحكومه (ارامكو - سابك - الهيئة الملكيه وبعض الجهات الحكومية الاخرى)
اضف الى الفرق في الراتب والعلاوة السنوية

المعوض · #8 (**permalink**) 09-08-2012, 03:14 PM

اقتباس:

المشاركة الأصلية كتبت بواسطة ][ wizard ][

شركة مرافق ممتازة جداً ..
و رواتبها عالية لـ خريجين الثانوي و الدبلوم وحتى الجامعيين ..
واتوقع من اجراءات القبول فيه مقابله معك ..
لان اغلب الشركات الكبيره الان يعملون مقابله مبدئية بالتلفون ..
بعدها ان شاء الله يحددون لك موعد للمقابله عندهم ..
اما باقي الامور ماعندي علم فيها وودي افيدك ..
اتمنى لك التوفيق ..

ممكن تكتب الاميل اللي ارسلت له السيرة الذاتيه لوتكرمت ^_^

اتصال الموظف كان فقط لارسال الذاتية على ايميلهم وكان يقولي انك انت مقدم عندنا من اول
انا اتوقع انه الاتصال بعده فيه اتصال اخر لتحديد موعد المقابله واسال الله الجواد الكريم ان لايخيب ظني لاني ابحث عن مثل هالشركة من زمان وبصراحه سألت وقريت عنها شركة محترمه ورواتبها ماتقل عن 7500 هذا اقصى شي وحسبت الراتب طلع في اول سنه مابين 8370 - 9909 اضف الى علاوتهم 600 ريال سنويا اذا كان اداء الموظف ممتاز .
بخصوص ايميل الموظف اعذرني اخوي ماحب اتدخل بخصوصية احد وقد يكون لايرغب ان اكتب ايميله بمواقع توظيف لانه بالاول والاخير ايميل غير مخصص بالتوظيف بل هو موظف موارد بشرية وعلى فكرة انا قدمت عن طريق موقعهم عام 2009 بس سبحان الله ربك كريم