16-04-2008, 01:38 AM
|
|
Guest
|
|
تاريخ التسجيل: Jan 2007
المشاركات: 18,846
معدل تقييم المستوى: 0
|
|
يانفس قبل الموت توبي لعلك
السلام عليكم ورحمة الله وبركاته
هذه القصيدة وردت في مخطوط انستاس ماري الكرملي .. أنقلها لكم وقد تم نشرها من قبل في صحيفة الرياض ، علماً أن شاعرها غير معروف أسمه ولا عصره إلا أنه من أهل نجد والدرعيه تحديداً .
جفاني لذيذ النـوم مانـي مسايـل
عفى الله عن جفن عن النوم ساليـا
سها اليوم في جنح الظلام واسهرني
على ساق نبنـوب ظليـل وراسيـا
ياعين هلي الدمع وان قـل دمعـك
هلي الدمـا مثـل حقيـق اللياليـا
عسى عبرتي تجلي عن القلب حسره
ما كان في قلبي نطق بـه لسانيـا
يانفس قبـل المـوت توبـي لعلـك
تفوزين ولا تبني عليـك الحساسيـا
انا تبت الـى الله يانفـس صـادق
ولا خاب وفـادن الـى الله ناصيـا
ذنوبي عدد رمل النفـود ورحمتـك
تغفر ذنوب العبد وان جـاك عانيـا
يانفس عن درب المعاصـي تقللـي
ترى كل مخلـوق مـن الله فانيـا
يانفس توبـي قبـل ياتيـك منكـر
في حفرة لا حيلتـن لـك ولا ليـا
عسـاك يانفسـي تتوبيـن عاجـل
ما تنفع التوبـة اذا المـوت جانيـا
على غفلتين ما يمهل الموت ساعه
أتاني ومن كاس الـردا زد سقانيـا
اهلـي وخلانـي يهلـون دمعهـم
وانا غافل عنهم ولا هـم ابشانيـا
وزد قلطونـي للمغسـل وجـودوا
اثيابـي ولفـو جسمـي باكفانـيـا
ومن لي صديق شالني نحو حفرتـي
واقفـا وخلانـي محبـي رمانـيـا
رموني وخلونـي وحيـد بجفرتـي ي
ـوم وعقـب اليـوم كـل نسانيـا
تقاسموا مالـي وبيتـي وزوجتـي
تاخذ لهـا واحـد ويـارث مكانيـا
وحيد بـدار القبـر مالـي مونـس
ياوحشتي مـا عنـدي الا الزبانيـا
وواجهت ما قدمت بالامس محضـر
يدورنـي يانفـس حتـى لقانـيـا
يانفـس مـا يغـرب عـن الله ذره
ولا دونهـا الا فـي كتـاب لفانيـا
حفظكم الله
|
العرض الشجري
