السلام عليكم بنات انا رحت اليوم السبت وعملت مقابلة معاهم اول شي سئلتنا اذا كنا من طرف شركةتوظيف او لاء قلتلها من طرف بنات عن بنات من مكتب ابو الجدايل اعطتنا ارقام ودخلت سووا مقابلة معاي كانت حلوة انا تخصصي لغات فقالتلي ليش تبغي تعملي في مصنع ونقاط القوة والضعف ولو صارت مشكلة بين العاملات اش حتعملي المهم جاوبتها وطلعت مرتاحة كمان سئلتني اش تتوقعي كم يكون الراتب قلتلها الف وخمسمئة مع انوا عندي خبر من عاشقة الشموع جزاها الله خيرا على المعلومة لولا الله ثم لولاها مارحنا بس المشكلة ماتكلمت معي عن اسلوب العمل ولالفهمتني الشغل اش نوعوه هي سئلتني فين شايفة نفسك قلتلها سكرتارية لاني معاي دوره وانتج من خلال الشي الي بعرفوة قالت لو شغلناك على خط الانتاج عادي قلتلها عادي المهم لمن خرجت قالتلي انت من طرف مين ويهتموا اهتمام خاص بالبنات الي عن طريق المكتب ابو الجدايل بس انا استغربت الرزق على الله ليش يكتبوا من طرف =<> لا اعلم المهم قالتلي حنتصل عليكي اختي عاشقة هما اتصلوا عليكي وبلغوكي بالقبول والا من وقتها قالولك وجزاكي الله خير ياختي وحابة اقول للبنات الخايفين لو بينصبوا حياخذوا منك ايش انتوا اسعوا وربنا ماراح يضيعلكم تعب انشالله والله في كل مكان لي ملف هههههههههههههه حتى جدة اشتكت تحياتي للجميع mérci

صباااااااااااااااااااااااح الخير
انا رحت امس السبت رحت مووواااااااااااااااصله عشان ماافوت الموعد وجيت تعباانه ونمت ماصحيت الا قبل ساعتين المهم
انا رحت وكنت جايبه كل اوراقي والسيرة الذاتيه ولاحظت انهم يركزون عليها
سويت المقابله وكانت اسئله سهله وعاديه كلها تتعلق بشخصيتي وكيف حتصرف بوجود مشكله وهل عادي لو دربوني رجال او لا وهل عادي لو تاخرت خارج اوقات الدوام وماخرجت بنهاية الدوام يعني مااافي شي ابدا يخوووف وكل شي كان سليم ولا حسيت انه في نصب واحتيااال ابدا بلعكس حسيتهم جاادين بس بجد الاعداااد كانت هائله عدد كبير جا للتقديم وباقي اليوم الاحد اخر فرصه لاتفوتوها يابنات روحو وتوكلو على الله اللي لها نصيب بتتيسر .

الله يوفقكم جميعا

السلام عليكم


تصدقون اني اليوم رحت ماكان فيه بنات كثير بس ماحسيت انهم يبغون شئ وكأنهم اكتفوا

المسؤولة كانت تسأل مدري كيف وبادرتها على طول انتم اكتفيتوا قالت لا احنا قاعدين نختار الافضل

ومع اني الحمدلله جامعيه وعندي خبرات سابقه اداريه ورئيسة قسم سابقه وكل من يشوف فايلي يعجب فيه الا انهم كانوا كل اللي بالمكان يشتغلون كأنه تحصيل حاصل وتقولي اش رايك تشتغلين على خط الانتاج


عموما الله يكتب اللي فيه الخير ويرزقنا من واسع فضله ويوفق اللي انقبل ان شاء الله

انا رحت اليوم وعملت المقابلة الشخصية والحقيقه ما حسيت بريبة او ادنى شك في صدقهم تعاملهم كان رائع بس المهم اللي تقدم يا اخوات لا تتصل عليهم لان كلامهم واضح في اخر المقابلة با الحرف الواحد ( لو لكي نصيب عندنا راح ندق عليكي ورقمك وعندنا ) فليش الاتصالات من البعض والزعل الله يهديهم والعمل قسمة ونصيب وكل واحد بيأخذ اللي ربي كاتبة له واتمنى للجميع من اعماق قلبي التوفيق والنجاح ولا تيأسوا يا معشر البنات واطمحوا واجتهدوا الله يوفقنا ويوفقكم يارب

كيف لقيتي زحمه او لا

والله مو مرة زحمة حوالى 15 بنت وكان اخر يوم اليوم الاحد والمقابلة منظمة با ارقام كل وحدة عندها رقمه ولمن يجي دورها ينادوا عليها بس

جزاكِ الله الف خير
هل المقابله يوم السبت فقط
وهل يوجد رقم يمكن نتصل عليهم
الف شكر