السلام عليكم ورحمة الله وبركات

راح اتكلم لكم عن مقابلتي في صدلية النهدي بويفة (( كاشير ))

رحت لي الإدارة بالدمام بحي الزهور وكان موعد المقابله الساعه 1:30 ودخلت الساعه 2:15

دخلت وسلمت عليهم كانو موظفين موجودين رحب فيني الموظف

بعدها الموظف قام يعرفني بالشركه وان من اقوى الشركات الطبيه إلخ ..

بعدها قال لي تكلم عن نفسك وتلكمت عن نفسي ... بعدها قام يسألني أسأله إستفزازيه

قال لي انت الحين تخيل انك موظف صيدلي وانا زبون وقلت لك ابغى دواء وعطيتني الدواء قال لي كم الحساب عطيته سعر بعدها رما الفلوس ههه .. بعدها بشوي قال ماحسيت بش قلت إلا .. رمت الفلوس .. بعدين قال لي راح تجيك نوعيه مثل كذا عملاء لو سوا ذي الحركه خليه براحه لاتتهاوش معاه خلصنا من من هذا السؤال

بعدين قال لي راح يجيك عميل يحرق المحل يفجر المحل يذبح ولا تقدر تكلمه .. قلت له ما ادري خخخخ ... قال فكر قلت ما ادري .. بعدين قال لي هذا المجنون .. قلت اهاااا

بعدها بعد هذا الكلام تفكر تلتحق في شركة النهدي ولا ... قلت له خلني اشوف العرض إذا ناسبني إن شاء الله التحق معاكم ... بعدها قال خلاص راح يجيك العرض بعد اسبووع وبعدين تقدر ترووح

بعدها لما طلعت برا في موظف قال لي شسوي قلت له قال لي انتظر العرض الوظيفي يجي ومشيت إلا ناداني الموظف قال أقرأ مهام وظيفه الكاشير انا فرحت بعد ما قريتاه قال وقع انك تلتزم بالمكتوب قلت خلاص وقع ... بعدها الموظف قال لي نفس كلام اللي سوا معاي مقابله انتظر العرض الوظيفي يجيك وبعدها مشيت

ولا امس اشوووف اتصال جاني منهم قال لي تعال الإداره ضروري وانا طلعت من البيت فرحان قلت خلاص أكيد بوقع العقد ... ولا جاني واحد موظف مصري والثاني الموظف السعودي نفسه اللي سوا معاي مقابله الأولى .... سوا معاي مقابله مره ثانيه

وبعدها قال لي خلاص راح نتصل عليلك

انا أبغى اعرف ليه سوا معاي المقابله مرتين

وهذا اللي صار معاي بالمقابله وحبيت أنقل لكم ماحصل لي بالمقابله للفايده

بالتوفيق للجميع

الله يسهل لك

الله يوفقك يارب
بس اما الاسئلة طاش ما طاش خخخخخخخ

بالعكس الا اختصروله كل شي بذا الاسئله
عز الله بتواجه هالاشكال اللي قال عنها الموظف لك موب في الوظيفه بس في حياتك كلها

برد اعصابك ولاتتهاوش معاهم عشان كم كلمه قطها عليك

يعني خلك فاهم ومشها

وبالتوفيق