السلام عليكم ورحمة الله وبركاتة

اولا انا عمري 19 توني متخرج من الثانوية وفاتني التسجيل بالجامعة

وبصراحة انا فكرت اتوضف وضيفة مؤقتة لما يجي موعد التقديم للجامعات

ثانيا انا الوالد جزاة الله خير توة شاري لي سيارة جديدة

فكرت ابيع سيارتي وطبعا راح تجيب لي 120 الف ريال .. صراحة حرام اخلي معي سيارة بهالقيمة وبالنهايه ما استفيد شيء

فدخل راسي اني اشتري باص جديد ابو 15 راكب وأأجرة على شركة ولا على احد بشكل شهري او سنوي ~

المدينة : الرياض


تكفوون عطوني نصايحكم وش رايكم أدخل في هالمشروع ومتى راح ارجع راس المال

علما انه قيمة الباص الي بأشتريه 90 الف تقريبا

تفكيرك تجاري ما شاء الله عليك

ترجيع رأس المال يعتمد علي قيمة الإيجار ومدة العقد فرضا انك ستأجر الباص ب ٩٠٠٠ ريال شهريا

إذن فترة استرداد رأس المال = ٩٠٠٠٠ \ ٩٠٠٠ = ١٠ شهور

إذن هي معادلة ضع الإيجار المتوقع بالمقام وقسم

بالتوفيق ومرة ثانية أعجبني تفكيرك ١٢٠ أرميها عند الباب !!!!!!!!!!

اسأل الله العظيم أن يبارك لك بمالك ويوفقك

محد بيأجر منك باص ب9000 ريال بالشهر

اللي بيدفع هالمبلغ يروح ياخذله باص إيجار منتهي بالتمليك مايتعدى قسطه 2000 ريال

ماشاء الله عليك تفكير ممتاز ولكن لو تسويلك مشروع وتشرف عليه بشكل مباشر اعتقد اافضل ولو انت مشغول سويلك مغسلة او فرن تميز او كافتيريا من الشغلات الي تتأجر على العامل بس االعمال يبغالهم واحد صاحي

يعطيكم الف عافية عالمرور

مدري انقلب راسي أخاف ادخل في المشروع واتوهق ..!

وش رايكمـ شوروا علي

وهل فيه مشاريع ثانية مربحة اهم شيء ما تكون يبيلها عناية طوال اليوم

تقسيط بطاقات سوا

انا فكرت قبلك وحطيت موضوع محد رد علي انت ماشاءلله ردو هههه

ماراح ياخذونه 9 الاف يمكن ياخذونه اكثر شي 4 الاف شهريا بعدين قالولي يلعبون في موتر ااذا سلمو سياره لك تلقاها منتهيه هذا اذا لقيت شركه تاخذه

اذا تبي نصيحه جب لك سواق على كفالتك وجب لك فان نظيف وخله يوصل جامعه بتكسب اقل شي 10 الاف

انا جيت بجيب سواق عيو قال انت مو متزوج ولا عندك كرت عايله قلت لابوي بجيبه على كفالتك كرشني وخليت سيارتي هههه