السلام عليكم ورحمة الله وبركاته
كيف حالكم أخواني أنا إن شاءالله بحاول أسوي مشروع وأبي مشورتكم لا تبخلون علي طفشت من عطالتي وبجرب حظي بالتجاره
يمكن ينصلح الحال بقدرة قادر أباخذ شرايح بيانات سعتها 15غيغا وأبوزعها بأنحاء المملكه وعلى تكلفتي التوصيل وشعاري راح يكون الأمانه والمصداقيه يعني الشريحه راح أبيعها 150ريال وخدمة التوصيل عن طريق البريد على حسابي الزبون ماله دخل بتكاليف الأرسال عن طريق البريد أنا أتكفل فيها بما أنه الحين الكل على الأيفون وجوالات الأندرويد والكونكت وقبل كل شئ أحب اعتذر من أخوي صاحب مشروع هنا مشروعي شبيه لمشروعه أتمنى مايزعل مني بس والله عفنت 4سنوات عاطل والظروف الأسرسه لك عليها وإذا فيه زياده بالكلام راح أفيدكم بعدين

سبحان الله وبحمده

ما انصحك اخوي لعدة اسباب :

1 : السعر مبالغ فية اذا علمت ان شرايح البيانات 15 جيجا STC بـ 80 او 82 ريال كـ حد اقصى يشترونها اصحاب المحلات , و بيانات موبايلي 10 جيجا نفس السعر
2 : صاحب المحل ما يشتري من موزع برا مدينتة , لان هو يطلب شرايح كل يومين او ثلاثة , فيبي موزع قريبة منه يروح و ياخذ , و بنفس الوقت يرجع علية الشريحة اذا ما اشتغلت او صار فيها مشكلة
3 : اصحاب المحلات غالبا ياخذون الشرايح على التصريف , يعني متى ما صرفها سلم فلوسها للموزع , و بحالتك انت صعبة تعطيها على التصريف

هذي بعض الاسباب الي جات على بالي و انا صاحب محل جوال و انا لك ناصح ما ابي لك الخسارة

و ارجو لك التوفيق باذن الله

مشكور أخوي على النصيحه وربي يوفقك أجل نبطل من المشروع انا لاني سالت المحلات يبيعوها ب130قلت مكسبي فيها 20 وكنت ناوي احول الشريحه على حسابي اذا عندك أنت شرايح بيانات 15غيغا بقيمة 80 ريال زي ماتكرمت ياليت تفيدني لأني ناوي أخذ كم شريحه أنتظر ردك أخوي الي كلمتهم من الجنسيه اليمنيه

اذا انت بجده اوفرلها لك بسعر جدا ممتاز

السلام عليكم مشروع جميل وانا من موضفي STC وشوف اكثر الزباين لهشرايح اجانب البنقاله وغيرهم يجي ياخذها بلكرتون يعني 200 شريحه وتحصله بعد اربع ايام جاي يبي كرتون ثاني باين عليه مشروع طيب
وذا تبي كميه كبيره اوفرها لك

أخوي معاذ*العتيبي لكم رساله بالخاص بأنتظار ردودكم لاهنتم
وأشكر من رد علي حتى لو بدعوه صادقه

إن شاءالله أول ما ينجح المشروع أبي منكم خدمه الي يعرفله أسره أتكفل فيهم بجزء بسيط من دخل المشروع وربي يشهد على كلامي والله العظيم الذي لا إله الا هو اني جاد بكلامي

بالتوفيق يارب