السلام عليكمورحمة الله وبركاته


اليوم رحت احدث وانصدمت فتحت قائمة الدفعات ولقيتهم خاصمين مني 70 ريال وكل شهر يخصمون اللحين صاروا يسرقون اقل من المئه الله يبلاهم وينتقم منهم حسبي الله ونعم الوكيل

صورت لكم معلوماتي عشان تشوفون بعيونكم كيف كل شهر ينقص رصيدي

احد يساعدني ويرسل الصوره لسبق او اي جريده انا مااعرف الله يبلاهم والله اني مره حزينه

هذي هي الصورة



مع العلم ان دخلي الثابت هو ضمان اجتماعي فقط 850


حسبي الله ونعم الوكيل فيهم

الله يعينك

أختي الكريمة

هل استلمتِ المكرمة التي نزلت للتو للضمان الاجتماعي

ربما أضافوها في الخصومات أو إنهم قاموا بإضافة مقدار السلة الغذائية أو من الممكن أن تكون المساعدة المقطوعة أو أي شيء من برامج الضمان المساندة

الظاهر والله أعلم صارت الحسبة عندهم بالقلم الدقيق

الله يعينك أختي

الصورة ما فتحت معي< الاتصال زفت
لكن يسوونها وغيرك كثير انظلموا وخصموا عليهم كل شهر مبلغ مختلف
حسبنا الله ونعم الوكيل الله ينتقم منهم قولي امين
هم ما صصدقوا يكون الواحد بالضمان الا ويلعبون في حسابه
واذا اعترض والا شي قالوا انت بالضمان

شوفي صحيفة سبق ارسلي موضوعك لهم وان شاء الله ينشرونه لك
وكمان عندك موقع نزاهة لمكافحة الفساد

وربي يرزقك ويسهل امورك يارب

امين الله يجزاكم خير

انا عندي قريباتي بالضمان ياخذون اكثر مني ليه انا حسابي كل شهر ينخصم منه اول شيء خصمو300 بعدين صاروا يسرقوون السبيعين والثمانين نزلوا المبلغ كل مره اصرفه اقل الله ياخذهم وينتقم منهم

[align=center]لا أعلم ماهو سبب الخصم لأنه في الجدول المرفق مخصوم منك في بعض الأشهر ثم يتوقف الخصم ويرجع مره أخرى بنفس المبلغ
لكن الله يكون في عونك وإن شاء الله تجدي من يوافيك بالإجابه الوافية [/align]

وعليكم السلام ورحمة الله وبركاااااااااااته ...

يابنت الاجواااااد الله يرزقك ويشافيك ويستر عليك بالايام المباركة هذه ....

وربي يغنيك من فضله ان شاء الله وحسبي الله عليهم الله لايوفقهم ناس محتاجه وخاصمة منهم ...

قريت توقعيك بكل امانه اثر فيني وبرضو الموضوع .....

جاني فضول عن مضخه الانسولين بحثت عنهــا بقوقل وطلعت حق مصابين بالسكر وتعوضهم عن الابر بشكل يوووومي ... وسعرها باهظ ...

الله يعلم اني تأثرت كثير وان كنت موظف راح اوفرها لك ان شاء الله .. لكني عاطل لكن الحمدلله الحالة مستورة ..

حاب اعرف انتي مضابة بالمرض او احد من الاهل ...

الله يرزقك ويشاااااااافيك بالايام المبااااااركة ....

طيب حاولتي تنزلي موضوعك بالمبوبة او جريدة انا راح اساعدك ان شاء الله وفاعلين الخير كثير ..

اتمنى الرررد ...

ولاصرتي محتاااجه مبلغ الابر لايرررردك الا لسسسسانك وحلفتك بالله لاصرتي محتاجه اتمنى الرد..

حاولت ارسلك على الخاص لكن يقول ممتلئ ...

((إِنَّمَا الْمُؤْمِنُونَ إِخْوَةٌ ))

اخوك في الله ..

السلام عليكم ورحمة الله وبركاته

نعم اختي بالله صاحبة الموضوع .. أنا مثل حالتك استلم من الضمان ومن شهر 7 وهم ينزلون لي 500 ريال والله العظيم الله حسيبهم يوم التناد يوم الله سبحانه وتعالى بيوم القيامه بإذنه سيوريهم جزاء سرقتهم واخذهم لأموالنا المستحقه من الدوله ونحن المظلومين .. نعم اختي الغاليه اتعلمين لو حسبتي ايضاً كم مليار مكرمة شهر رمضان غير الأعانه ايضاً صرفها لنا ملكنا الغالي عبدالله الله يحفظه ويمد بعمره ويعطيه الصحه والعافيه ترا ملكنا الغالي اكيد و100% منزل لكل واحد ووحده بالضمان مكرمه حول2000 ريال واكلوها علينا اصحاب المناصب حسبي الله عليهم ونعم الوكيل يوم التناد يوم الله ياخذ حقنا منهم بإذنه تعالى عاجلاً غير اجل ...

اختي انا حسبت كل معونة حافز تنزلي من اول شهر استلمته ونقصو مني عشاني بالضمان وطرحة كل معونة حافز كل شهر طرحته من 2000 ريال اللي نستحقه وجمعة كل فلس اخذوه منا واكتشفت إنهم ماكلين علي إلى الأن مع ح شعر شوال مبلغ (8496) شوفي اختي كم فلوس اكلوه علينا اللي يشتغلون بحافز الله ياخذ حقنا منهم

لذلك اختي حبيت اشاركك اوجاعك واقولك ياغاليتي لست انتي الوحيده بل غيرك الملايين من اكلو حقهم وخصوصاً نحن المشمولين بالضمان لاكني لاأحب انا اجلس خلف الشاشه وانتظر ردود الأخرين لي بل وكلت امري لربي وهو اللي راح ياخذ حقي منهم ومن كل واحد ظلمني يوم القيامه بإذن الله تعالى

عرفتي غاليتي مقصدي حافز من شهر 7 وانا استلم من حافز مبلغ 500 ريال فقط الله حسيبهم وكانو يعطوني قبل 1138 ينقصونه من مبلغ معونة الضمان اللي استلمه .. وكلي امرك لربك هو اللي ياخذ حقك منهم يوم القيامه