السلام عليكم ورحمة الله وبركاته

أخواني..

أنا بغيت أفتح مكتب (( للعقار ولتقسيط سوا))

لكني صادفت مشكلة وهي السجل التجاري؟؟

السؤال:
هل أقدم سجل تجاري للعقار أو للتقسيط أو للإثنين معاً؟ لأني سمعت أن الراجحي لن يقبل الاستقطاع إذا كان السجل مكتوب فيه للعقار؟؟ يعني هل العقار يخرب على التقسيط؟؟وبيني وبينكم لن أقسط الا باستقطاع من الراجحي لضمان حقي وحتى تكونون بالصورة لذلك يهمني السجل ونشاطه المكتوب فيه..

وياليت لو تكملون جميلكم علي وتقولوا لي من وين أبتدي خطوة خطوة لفتح مكتب (للعقار والتقسيط) من حيث السجل ووزارة التجارة والبلدية أكون لكم من الشاكرين..

علماً أني من الشمال..

بانتظار من يفيدني وله دعوة من القلب في العشر الأواخر..والسلام عليكم ورحمة الله وبركاته..

اخوكم

عليكم السلام ورحمة الله وبركاته ... اخوي بالنسبة للسجل التجاري عادي تتطلع اثنين ..

شلون انت الحين مو محتاج رخصة بلديه الا للعقار ..فخل اللوحة تبع العقار وتكون حسب واجهة المحل وتطلع الرخصة ..وبعدين تقدر تضيف عليها تقسيط باللوحة اقصد.

وسجل التقسيط تطلع بموجب عقد الايجار الي معك للمكتب وتستخدمه مرتين للسجلين عادي

والتقسيط ما تحتاج رخصة بلدية لان السجل بيكفي .. ولو بتسوي بس غرفة تجارية وعادي تمشي ..الامور سهاله ان شاء الله .. والله يوفقك

طلبات السجل التجاري سهله
كرت العائلة يكون معك الاصل لو متزوج القديم عشان المهنه او تاخذ خطاب منهم تجيب برنت
وصورة عقد الايجار
بس
والمعذرة لو نسيت شئ ..


الخلاصة السجلات التجارية طلعها عادي كل واحد لحاله بموجب عقد ايجار واحد كأنك مستأجر مكتب ثاني .( سوي واحد اليوم والثاني بعده بيومين ) . وبعدين كمل اجراءات البلدية برخصة العقار وهي بسيطة لوحة الخ ويحولونك الدفاع المدني وطفايتين الخ وانتهى الموضوع .. وبعدين اشتغل عادي بالسجلين بالمكتب لان الراجحي بيقل السجل التجاري ومو طالب رخصة بلدية..

ولا تحرمنا من دعواتك

اخوي سمو العقل

جزاك الله كل خير

والله لا يحرمك الأجر

وبارك الله لك في نفسك وفي أولادك وفي رزقك وفي زوجك وفي مالك

تقبل مني دعوة طيبة بظهر الغيب الليلة/ ليلة 25 رمضان

ودمت بخير

بالتوفيق يارب

الله يوفقك فتى طابه