انا ودي اشتري جلكسي حق الجوالات بس ما عندي الخبره الكافيه ولاني اعرفله
يعني بالعربي وبدون تحفظ ما اعرف لاهالاجهزه التاليه امهات كايمرا يعني الي طايحين فيه البشريه
بس مره من المرات في مجلس جالسين واعاين في اثنين يسولفون في جلكسي ويهتهتون لهم ساعه كامله ونشدتهم قالوا اشتر هالجوال تراه زين
بس انا عندي خبره صغنطوطه في هالجوالات خبره صغيره كبر الشعره وهي ان هالجوالات حقت سوالف ورسايل ولا اخفيكم انه بعد حقت مغازلات


فالافضل تركها وبقائي على جوال عادي والا اشتريه
بس اذا شريته ما اعرف فيه الا احوس اصيبعي في الشاشه

أشتر الجوال إذا تقدر وصدقني بتتعود عليه

والمغازل حتى في العادي أبو ضغطوطه وبكل مكان خير وشر

لو تبي الخير ولله ان فيه خير كثير ولو تبي الشر بعد فيه ومخك يحدد وأصبعك ينفذ .

لكن من اتقى الله جعل له مخرجا.

أشتره وأمش مع هالعالم وتقدم وش وراك ياخوي ؟؟ القمر ماحنا واصلينه والقبر فينا فينا الله يرحمنا برحمته.

خذ لك. إيفون أفضل من الجالكسي
وبخصوص ألمعازله. في كل الجوالات
وآنت تتحكم بنفسك.

يمدحون جلكسي بالبندق يقولون ينشط بالذات لااكلته قبل العيد بنص ساعه يخليك ترحب بالضيوف من الشهاده وحتى ثالث يوم من بعد المغرب

ياابن اخي مرزوقة

اشتريلك ايفون اسهل من الجالكسي ! وأفضل منه بمراحل !


بالنسبة للمغازلة والبرامج قليلة الادب وبرامج الشات ! ترجع لصاحب الجوال نفسه الجهاز ماياذي وماياكل ! فقط قطعة حديده تنفذ اوامر صاحبها !



يعني الخلل حيكون من صاحب الجهاز مو الجهاز نفسه لاتلقون اللوم على الجهاز !


اذا كان صاحب الجهاز انسان محترم يخاف الله في السر والعلانية جواله برىء لو يمسكه طفل بالغلط ماعنده مشاكل !


لكن المغازلنجي وراعي الحركات النص كوم ! تلاقيه متحفظ بجواله وخايف ورقم سري وحالته حاله هههههههههه معذب نفسه الله لايبلانا

فأكيد شىء طبيعي تلاقي برامج للمغازلة وقلة حيا وصور مخلة بالاداب ايش ترجي من انسان مايخاف الله !

الجهاز على قولة جدتي الله يشفيها,,,,,,,,,,,,,,,,الجهاز عري بري من هالتهم