مساء الخير انا خريجة ادارة عامة طبعا عاطلة فكرت كثير بالمشروع هذا اقتنعت فية نوعا ما لكن ماخاب من استشار مشروعي هو سيارة البوفية المتنقل ايش رايكم فية من ناحية
1- استخراج الترخيص من البلدية ايش شروطها
2- شروط العامل الي يبع فيها علشان انا طبعا ماقدر ابيع اذا كان اجنبي مثلا فلبيني ايش الشروط حقتة وينفع ولاممنوع لازم سعودي
3-هل المشروع هذا توافق علية البلدية اصلا المفروض هذا اول سؤال
ياليت يفيدوني اصحاب التجارب والخبرات في التراخيص انا فكرت في البداية اني اشتري السيارة واجهزها طبعا طبخ بيت وبعدين اتفق مع واحد سعودي بيع لي بنسبة حلوة بدون ماطلع ترخيص ولاوجع راس بس هذا الشيء عادي ولاممنوع لازم ترخيص وربي يوفقكم على قيام العشرة الأوخر وليلة القدر

ياهلا يالغلا الله يسلمك مشروع البوفيه المتنقل يمقن يوقفونه سمعت بهالشي

معي ولد عمي بستسفر منه لا لقيته اتصلت عليه جواله مقفل

مشروعك حلو ما عليه خلاف بس لاتنسين كثرت السيارات المتنقله والرزق على الله

بخصوص العماله انصحك لاتستقدمين شفي احد من صحباتك او شي عندها عماله خليهم يجيبونهم عن طريقهم

الاستقدام بياخذ عليك مبلغ حرام هالمبلغ يروح لهم والله الشغله يبيلها شوية صبر مع شوية تشغيل مخ

حطي ببالك اكثر من مشروع وستشيري

موفقه يالغلا

مشكور ياخوي ويليت ولد عمك يردعلى جوالة يعني هو فاتح نفس المشروع ابي اعرف الأجرءات طيب كيف احد العمال بطريقتهم بدون استقدام مافهمت شيء تقصد عمال عن طريق معارفهم معليش تحملني اسئلتي كثيرة

بالتوفيق يارب

بليز ردوا على استفسارتي ليـــــــــــــش مافية ردووووود ؟؟؟؟؟

المشروع مصرح من البلدية انا شفته في بريدة وغالب المدن موجود بس بليلة
وذرة وكرسبي وايسكريم وووو فقط .

اذا انتي في الرياض ما فيه ترخيص
شريت سيارة على اساس بسوي وبسوي لكن ما عطوني ترخيص
اذا فيه سعودي بيشتغل فيها البلدية تتسامح معه بس مو دايم
بس ربحها رااااائع

بحكم فرفرتي وخبرتي وتجربتي المريره اي متر إن شاء الله ( إنش ) بتسوين فيه شي لازم عقد اجار ودفاع مدني والزكاه والدخل و وزاره التجاره و مكتب العمل والتأمينات الاجتاعية وفي الاخير ( لازم توظفين سعودي ) ولا انتي بنت يعني ردد ياليل مطولك لازم تمرين قبل كل شي على وزاره العدل علشان توكلين احد يفرفر عنك هههههههههه
يعني مثل ما قالو الناس لجحا وين اذنك قال ....

ما انصحك