السلام عليكم و رحمة الله و بركاته
صباحكم خير و رضا يارب

طبعا انا حابة اعرض معاناتي و اتمنى القى حلول لان معاناتي هي عبارة عن
طول وقت الدوام!!
انا طبعا و لله الحمد اتوظفت بقطاع حكومي تشغيل ذاتي و انتقلت من منطقتي لمنطقة العمل عشان هذي الوظيفة.
وقت التقديم للوظيفة قالولنا انه الدوام اداري من 8 الى 5. بس للاسف لما بدات الدوام قالولي انه الدوام راح يكون شفتات؟؟
دوام 12 ساعة!!!

الصراحة طبيعة دوامي جدا ممتعة و غير مملة لكن طول الدوام فاجأني و ارهقني رغم انه مالي غير فترة بسيطة بالعمل ورفض المديرة انها تغير الشفتات من 12 ساعة ل 8 ساعات بحجة قلة الموظفات اللي سبب تركهم للعمل هوا طول وقت الدوام.

نصحني العض بالتوجه لمكتب العمل و العمال و الشكوى لانه هالشي يخالف الانظمة وفوق هذا غير موجود بشكل صريح في عقد العمل.

الصراحة انا محتارة و مستاءه لان نظام الواسطات في هالمدينة يخنق بشكل ما اتوقعته لان بعض الموظفات اللي تعينوا معايا ((بعضهم مو الكل)) قدروا يحولوا للدوام الاداري من غير اي مميزات عن الباقيات, غير انه الموظفات الاجنبيات اللي المفروض عقود عملهم تاهلهم لشغل هذا النوع من الوظائف معينات في الاقسام الادارية و مرتاحات!!!!

و الله المستعان على ما يصفون

وعليكم السلام ورحمة الله وبركاته,,
طيب تاخذي اوفر تايم عن الساعات الزايده عن العمل ؟؟
اذا ما تاخذي والشركه ما تفهمت هذا الكلام
توجهي لمكتب العمل وبلغيهم بكل شي يصير
ساعات العمل تكــون 8 ساعات فقط لا غير
احيانا شركات يخلونه 9 او 10 مقابل خميس وجمعه
بس اشتكي وشوفي شنو يصير معك
ربي يوفقك ويوفق الجميع

أكيد انتي تشتغلي في مستشفى الحرس او العسكري
انا أشوف انك تصبري و خصوصاً انتي لسه موظفه جديدة في العمل
خصوصاً التشغيل الذاتي ما ينفع من بدايته شكوى
وهذا النظام للجميع في المستشفيات خصوصاً اذا قسمك في شفتات

اصبري و اثبتي وجودك و خليك موظفه نشيطه
لأنه مديرتك في يدها تقييمك
وان شاء الله تترقي و تنبسط منك و بعد فترة بتسيري مشرفة على الموظفات الجدد

الله يوفقك يا الغلا و استغلي الوقت الطويل في الدوام بقراءة القران و الاذكار

^^

اصبري شوي لاتستعجلين

يعني هدي نفسك

واحسبي حساب كل خطوة

انا اقول اصبري على الأقل شهر

وشوفي بعدين كيف الأوضاع معاكي .

الله يعينك ان شاء الله

[align=center]
والله يا اختي أنا حاس بمعاناتك

لكن المثل يقول ( الي يشوف مصيبة غيرة تهون مصيبته )

أنتي تدومين 12 ساعه لكن ما فيه ضغط كبير عليك بالعمل

احنا وبكل أسف بشركة سابك ( حديد ) فجأة كذا بدينا نداوم 12 ساعه من شهر 10 \ 2011
وفوق هذا الاجازات مقطوعه وضغط عمل غير طبيعي و الادارة لاحمدا ولا شكورا والانذارات والتعقيب والتحقيقات شغاله ليش فلان يصلي ليش فلان ياكل ليش فلان ينام ليش فلان يلعب بالجوال
وفوق هذا الناس برمضان تصوم وتصلي وتطلب ربها واحنا للأسف مطلوب مننا نداوم بيوم الاوف ( قلبه الشفت ) والي ما يداوم يسوون له تحقيق

وعلى ذلك 80% يداومون من الدمام والشركة بالجبيل تخيلوا الضغط النفسي دوام 12 ساعه متواصله
مشوار الدوام ساعه الرجعه ساعه ؟؟؟؟ كم باقي لك من ساعه تنام وتريح وتجلس مع اهلك وعيالك


لكن ما نقول الا ( حسبنا الله ) على من تسبب علينا
[/align]

عندنا وعندك خير انتي وحق ساابك انا طبعا موظف بالهلال الاحمر دووامي 12 سااعه غير طوولة الفترة شف وش نووواجه من حوادث شنيعه ومن احتجاز اوادم بالسيارة ومن تعاامل جمهور ومن ضرب خطووط بالماائات الكيلوات تدعيم فانا اقول احمدي ربك واشكريه وتذكري غيرك مييت يتووظف يكد على اهله على نااس ورراه ولا يعرف قيمة النعمه الا فاااقده وتقبلو مروري

اختي ..

حاولي تكملي انتساب اي شيء .. ادرسي لا توقفين !!
صدقيني البكالوريوس انتساب - من اسهل مايكون " عن تجربه "
تخصصي علوم إداره ، والحين بحضر للماجستير وفوق هذا دوامي 12 ساعه مثلك بس بأرامكو !

حاولي بأي طريقة تواصلين دراستك والشهادات بتفيدك كثير - للمستقبل القريب

[align=center][/align]بالتوفيق