السلام عليكم

معليش اذا مكان الموضوع غلط لكن هذا انسب قسم حصلته

حبيت استفسر عن ارامكو .. للمتدرجين بالثانوي

ما هي مميزاتها للمتزوج او المقبل على الزواج ؟ من قروض وبدل سكن وكل شيء وهل فعلا بدل السكن 25 الف بالسنة ؟ تستلمها ثلاث مرات ؟

وكم ممكن يوصل راتب المتقاعد ؟ طبعا المتقاعد وخريج برنامج التدريب بشهادة الثانوية

ادري ان تفكيري سابق لوقته والواحد ما يدري هو بيحيى ولا يموت .. لكن لازم الواحد ياخذ احتياطاته

يعطيكم العافية

ان شاء الله باقي الاعضاء يفيدونك

انا كنت في ارامكو سكرتي وجلست سنتين وفصلت لانها كرف ودوامها طول السنه حتى لو تبي يوم اجازه كنك مسوي جريمه وساعات العمل طويله ومرهقه والمقيال والله ان تنساه اصلا مافي ارامكو احد يقيل لانهم مايصلون البيت الا الساعه 4 عصر ومن ناحية الفلوس اول ماتتوظف في حدود السته وبعضهم 7 وبعضهم 5500 على حسب تخصصك وفيه بدل سكن انا عزوبي كان 11000 في السنه اما المتزوج يمكن 20000

الله يعطيكم العافية

بالنسبة للاخ مازن .. مشكور

وحبيت استفسر هل بدل السكن 2500 ينزل شهريا مع الراتب ؟ او فقط مكتفين بالثلاث رواتب بالسنة ؟

واعتقد ان لك شهر كامل اجازة بالسنة وغصب يعطونك ..

وحبيت استفسر ايضا كم ممكن يوصل راتب المتقاعد ؟ لان هذا مستقبلي ومستقبل عائلتي ان شاء الله

وكم مقدار الزيادة السنوية ؟ ابي رقم معين او متوسط معين اغلب الموظفين يحصلون عليه ، ما ابي نسب مئوية ،

يعطيك العافية

المعدل اتوقع 300 ريال وكانت قبل الفالح اللي هو الرئيس الجديد حوالي 650 ولكنه خصم ستين بالمائه من الزياده السنويه الكلام هذا كان 2010 وبدل السكن ينزل دفعه وحده الظاهر ثلاث رواتب والعفو اخوي انا ذيك الايام جاتني نفسيه والدوام في البر العضيليه وفصلت وسجلت في الحرس عريف والحمدالله راتبي الحين 7000 ودوامي قبل الظهر اطلع واقيل زي المسلمين وغير كل اسبوع قوة رخص

وبخصوص التقاعد مافيه ثابت يعني فيه ناس تقاعدهم 10000 وناس 6000 وناس 7000 والرؤسا الكبار بعضهم تقاعده 20000 يعني انت وشطارتك والرؤساء مهب مثل العامل او السكرتي

وعليكم السلام ورحمة الله وبركاته
فيه موضوع بالمنتدى متكامل عن أرامكو ووظايفه رواتبه إبحث عنه
وبالتوفيق

السلام عليكم ورحمة الله وبركاته
انا موضف ارامكو واعطيك اياها بالمختصر المفيد ارامكو راحه لاهلك واسرتك على حساب نفسك وصحتك انا لي 8 سنوات فيها انواع الكرف وزيادات تحت رحمة رئيسك واجازات ما فيه وعلى طاري الثلاثين يوم ما تجي اخر السنه الا ورصيدك زيرو لانك تسحبها ياليوم واليومين عاشان تخلص شغلك يعني اذا عندك مجال غير ارامكو انصحك فيه انا نصحوني اول وما استعمت والحين متحسف هذا اذا ما حطوك في منطقه نائيه تروح اسبوع من عند اهلك يعني فرضا تعينت في شيبه
تبعد 700 كيلو من الاحساء وانت من اهل جده ولا تعرف احد في الاحساء لازم تخلي زوجتك في جده بعد اسبوع يعطوك يومين مايمديك تروح وتجي فيها الاسبوع اللي بعده يعطوك اربعه ايام تروح تجلس يومين عند اهلك ويوم جاي ويوم رايح يعني ماتشوه اهلك الا بعد 17 يوم يومين بس ههههههههههههههههههههه
انواع المرمطه هذا غير الخطوره حيث انك معرض للانفجار في لحضه اذا صار اي غلط او صار تسرب غاز بتروح في خرايطهانقلت لك الصوره علشان ما تنصدم

اما نواع تحطيم ياوالد وانا مقدم مثلك على تدرج لكن تبي العلم رح لمنتدى وظيفتي كوم كلهم طلاب مثلك مافيه تحطيم كلام الاخوان صحيح بس انا ماشوف مثل ارمكوا وماراح صدق احد عنها بس يوم شفت كلمهم اثر علي على طول بسسسسسسسسس خلنا نجربها ونشوف

يعطيكم العافية جميعا وانا ما فتحت الموضوع الا علشان افيد نفسي وافيد الجميع بما اني ما حصلت احد يسأل مثل اسئلتي فقلت افتح الموضوع علشان يقرأ كلام المجربين والخبراء

يعني الحين الزيادة السنوية ، المدرس اعلى من زيادة موظف ارامكو المكروف ؟ يعني الزيادة الحين تقريبا دبل زيادة اخوي العسكري فقط ؟ هذا ظلم والله

وبدل السكن ما ينزل لك براتبك 2500 شهريا ؟ يعني بس ثلاث رواتب بالسنة ؟ يعني الزيادات الي حارمينا منها وباقي موظفين الحكومة ماخذينها وفوق كذا يحرمونا من بدل السكن ؟ هالكلام صحيح فعلا ؟

وبالنسبة لراتب التقاعد هل فعلا موظف ارامكو يتقاعد بإقل من 10 الاف ؟ اقصد الموظف بالتدرج ؟ هل فيه فعلا موظف بشهادة ثانوية تقاعد بإقل من 10 الاف ؟ بعد كل هالكرف ؟ والله شيء اول مرة اسمعة وفعلا حاجة تقهر !! يا ليت الافادة اكثر بخصوص راتب التقاعد حيث ان اثنين من اقربائي متقاعدين وواحد +20 الف والثاني +15 الف !!

وبخصوص الاخ سالم ، والله الظاهر بعد الكلام اللي قريته منكم ومن بعض المنتديات ، إن ارامكو بتاخذ صحتك وما راح تريحك لما تتقاعد ولا حتى راح تريح اهلك الا بحاجة وحدة ، اللي هي قرض البيت الميسر ، بدون فوائد !!

يا ليت افادة اكثر واكثر يا شباب والله العظيم شكلي كنت اناظر بارامكو من الخارج وانخدعت بسمعتها وانها وانها ، واخرتها كذا ؟ يعني وظيفة خطرة وايضا ساعات عمل طويلة وايضا منطقة نائية " احيانا " وايضا بيئة عمل غير مريحة للعامل وايضا خطرة على صحتك وانت لسا بشبابك ! وفوق كذا راتبي لما اتقاعد ما يوصل لـ 13 الف ؟ يعني بالكثير 13 الف اذا شاد حيلك ؟ وفوق هذا بدل السكن ما ينصرف عليك شهريا ؟ اقصد الـ 2500 .. !!