شباب




اللي مآ وصلته رساله للحين وش يسسسووي !! ؟؟

عنيزه الله لا يوفق هالإداره

[align=center]


طبعا مشاركتي بتشمل إجابات لعدة أسئلة وطبعا كلها من وجهة نظري وفرفره بالمواقع وما خليت مدرس سواء قديم أو جديد إلا نشبتله


بالنسبة لسؤال ما طلع لي موعد ؟؟ أو ما فتح معاي تكامل وش أسوي ؟؟

المقابلات بشكل عام تبدأ من السبت 10/7 الى الأربعاء وعلى حسب المناطق الي فيها زحمة تحصل المقابلات على يوم ويومين والي ماعندهم أحد بيوم واحد

.. مثلا أنا بشقراء وكل الي بشقراء 21 معلم ومافتحوا موعد إلا يوم السبت
بتفاوت الأوقات أنا موعدي 7 المغرب


بالنسبة لسؤال الكشف الطبي قبل أو بعد المقابلة وتحميله من النت أو تاخذه من نفس الإدارة بعد المقابلة ؟؟


أنا اتصلت على تعليم شقراء وقالي خلص الكشف وجيبه معاك قبل المقابلة

مع صورة من الهوية وصورة من المؤهل العلمي . بس لو حسبناها بالعقل
ما تجي الكشوفات الطبية نزلت يوم 27 أو 28 رمضان والعالم كلها معطله

وش الحل ... رحت للتقارير

الطبية وقالي ما عليك كل الوظائف التعليمية
ما نبدأ فيها إلا يوم 7 الي هو بكره .


ثاني شغله لو تلاحضون آخر فقره بنظام تكامل تنص على الآتي : بعد اجتياز المقابلة

على المرشح سرعة إنهاء الكشف الطبي . يعني ما فيها أي خوف

وأخيرا واحد من أخوياي متعين بالأوامر الملكية يقولي ماسويت الكشف الطبي إلا بعد المباشرة

فلا تخافون قبل بعد مهي مشكلة أهم شيء لا تفوت المقابلة




بالنسبة هل نرجع ديارنا بعد المقابلة أو نقعد ؟؟



الإجابة بكل بساطة


لأنك راح تعبي نموذج رغبات وين تتعين بنفس المدينة أو بأحد القرى التابعة

لها ... فما أتوقع إنهم يحتاجونك بفترة فرز المناطق وأماكن المباشرة




سؤال هل بالمقابلة رسوب ؟؟


لا مافيه رسوب مجرد إجراء روتيني بس حاول تاخذلك فره على تخصصك من باب الإحتياط




أخيرا وليس آخرا بكل الود أترككم وأتمنى إنكم استفدتوا [/align]

الحمد لله لقيت شهادة حسن سيرة وسلوك في البوابة الالكترونيه لجامعة الملك سعود
والله هالجامعة ماقصرت متخرج من سنه والى الان معلوماتي موجوده في البوابه الالكترونيه

شهادة حسن السيرة والسلوك ما عندي الا صوره ... الاصل مو عندي .... تمشي ؟؟؟

القلق والضغط


انا في رسالتهم ما كتبوا عن اي شي اجيبه معي

ولا أنا ماطلبوا مني شي أنا قبلوني بالدوادمي

ابي أسال في نظام تكامل ١٧ رغبة كيف ارتبها على حسب المراكز او حسب القطاعات في نفس المحافظة لأني مافهمت شي

ياعيال السجل الاكاديمي ماعندي إلا صورة مختمة طبق الاصل؟
وش السواة

حي الله الشباب

والله وجت الدراسة و عسانا نقوم بالواجب و لا نجيـب العيــد

من خلال ردور الشبـــاب عن ايش تاخذ معك للمقابلة تبين لي ما يلي :

1- الــوثيقة وصــورة منها .
2- السجل الأكاديمي .
3- صورتين 4*6 .
4- شهادة حسن سيرة وسلوك .
5- الهوية .


ولا أحد يسأل كم صورة ناخذ معنا ومدري ايش ! خذ اللي تقدر عليه


ياشباب الله يوفقكم وين ما رحتوا .. بعد كم يوم نتفرق اشكر كل من خدمنا في هذا المنتدى ..

شكرا لكم شكرا لكم