السلام عليكم ورحمـــــة الله وبركاته
أهليـــن بنااااات ... أبشـركم
أنا كنت بالمحافظة قبل كم يوم ورراح أذكر الأشياء إللي شفتها
موقع الحصاة // تقع الحصاة جنوب الطريق السريع الرياض مكة المكرمه بعد الوصول للقويعية بــ 35 كيلو تقريبا وقبل الوصول لمحافظة الرويضه يوجد مخرج كبري أتجاه جنوب بعد الإتجاه جنوب مسافة الطريق هذا 120 كيلو بالضبط .. يعني المسافة بينها وبين الرياض 365 كيلو بالززززززززززززبـط
الطريق فيها // مزدوج طريق واحد فقط
مساحة الحصاة / صغيرة جدا ولكن يوجد بها مركز صحي وصراف آلي وصيدليـــــة للراجحـي وكم محل لبيع الجوالات وكم محل بيع ملابس وكم بقالة يعني ...
السكن /// يوجد بها عماير أربع تقريباً وفاضيه الدور الأول من العماير شفت ناس ساكنه لكن هل هم عزاب عوايل الله أعلم . لكني ماني قادرة أوصل لأحد يفيدني من ناحية الإيجار ..
حصلت لي بيت شعبي هناك أرضي للإيجار ،، ولكني أبغى بنات معي نسكن في عمارة أحسن من البيت الشعبي في الوقت الحالي ..
أكثر سكان المحافظة قحاطين حبووووبين وعسل ..
برضوا حصلت واحد اسمه بو نادر يوصل من الحصاة للقويعية بألف ومية ريال كذا .. وحصلت واحد يوصل من الحصاة للرياض مباشرة بألف وخمسمائة ريال وتزيد على حسب بعد الهجرة إللي بتكون المعلمة فيها ..
مقرها الرئيسي الحفيرة .. توجد لها هجر مثل الربواء والرقميه تبعد نص ساعة كذا عن المقر الرئيسي للحصاة ( الحفيرة ) .
برضوا حصلت واحـد قال لنا أنه يمكن يكون عنده في الوقت الحالي سكن ولكن راح يرد علينا بعد العيد على حسب كلامه والله أعلم .
بالنسبة للإيجار في الحصاة أرخص بكثير من الإيجار في القويعية .
الحين كيـف نتواصل مع بعض حتى لما نصير قروب أفضل .

في شـي برضوا نسيت ما ذكرته /// توجد هجرة أسمها ( أم جريد ) على طريق الحصاة بينها وبين الحصاة خمسين كيلو بس لكنها تابعة للرويضه // تحياتي

انا تعينت بالحصاة (((اقتصاد منزلي ))))

وللحين مالقيت نقللل فيه احدج لقى نقل من الرياض للحصاة

السكن لي صعببب جداااا اهلي مايرضون اسكن لحالي وامي وابوي كبار مابي اتعبهم معي

الله يسسسر الخيره ياررررب

ابي نققققل ثقه وسعرره معقوووول انا عن نفسي مارح اسكن بالحصاه رح اروح واحي بنقل

الليدي سبيشل و عطالية الرياض وانا زيكم ما اقدر اسكن ابد وراح اروح واجي من الرياض للحصاه انتو توجيهكم ابتدائي والا ثانوي ومتوسط ؟!

عشان لو سمحو لنا نرتب المدارس نختار نفس المدارس ويصير نقلنا واحد

مشاركاتي ما تسمح ارسلكم خاص

مشاركاتي ما تسمح ارسلوا لي ارقامكم
انا بالشرق ولقيت رقم سواق

بنات هذا حسابي على kik اذا حابين نتواصل ونرتب امور المواصلات ضيفوني

تم مسح الحساب من قِبل الادارة

انا ارسلولي ارقامكم عشان اتواصل معاكم


انا ساكنه بالبديعة غرب الرياض


ولقيت نقل ابو سالم باالف وخمسميه 1500 سالته وش السيارة


قالي جمس فان وقلت كم ياخذ الطريق معانا قال نمشي الساعة 3 ونص ونوصل للحصاة ثمان الا ربع


يعني الحصاه الاولى مافيه امل نحضرها وقلت كيذا بنتاخر فيه خط احمر قال مو مشكلة نمشي بدري


وانا داخله بصرف من الرصرافه لقيت واحد حاط اعلان نقل للقويعيه والرويضة وغيرها


هذا رقمه


تم مسح الارقام من قِبل الادارة

التواصل عبر الخاص



وهذا رقم نقل موسسه الاخوان



يقول السيارات جديده وسالت عن السواقين قال باكستاني وفيه فلبينين وبصراحه ما حبيتهم الاجانب معاهم سرعة ومايخافون مو مثل لين ان سواق سعودي ثقه


عموما انا اول اسبوع بروح نقل لين اشوف الوضع كيف


وبعدين يمكن اسكن مع اللي بيسكنون


:

سلام ام عموري ودودي
انا معكم بالسكن اذا بتسكنون بالحصاه
وياريت نتواصل ع الواتس افضل