هنا تجمع المعينين في محافظه الدوادمي .. لبه قلبها

فهدالتركي · #51 (**permalink**) 21-08-2012, 08:36 PM

اقتباس:

المشاركة الأصلية كتبت بواسطة السحيمي ال

السلام عليكم ورحمة الله وبركاتة
اول شي اشكر الاخ تركي والاخوة الباقين على مجهودهم والله يوفقهم
انا من الرشحين االتي طلعت اساميهم الاسبوع الماضي في الدوادمي

ودي استفسر عن الكشف الطبي اطبعة واكشف في مدينتي ولا لازم اكشف في الدوادمي واي مستشفى اكشف منه عايدي

وبخصوص الرغبات الي سجناها متا تطلع قبل المقابلة ولابعدها

وجزاكم الله الف خير

زين كشفك بالدوادمي
الامور سهالات
واذا تبي اوصي عليك واحد يخلصك بنفس اليوم وبسرعه
عطني رساله خاصه ولا رد علي هنا بالموضوع

عطني اسمك ومتى بتروح .. وانا اقولك تروح لمن وتقوله عن طريف فهد التركي

اثاريني واسطــه

السحيمي ال · #52 (**permalink**) 21-08-2012, 10:26 PM

مشكور اخوي تركي متقصر
انا موعد المقابلة الثلاثاء الساعة 8مساء
يليت تخدمني وتخبرني وين اكشف ) اسم المستشفى ومكانه اسم الموظف معليك امر (
وهل يمديني أخلص نفس اليوم لني بجي الدوادمي ان شاء الله صبح الثلاثاء

وجزاك الله عني الف خير
معك اخوك نواف السحيمي من المدينة
معليش كثرنا عليك الاسئلة

ابتسم · #53 (**permalink**) 22-08-2012, 10:43 AM

اقتباس:

المشاركة الأصلية كتبت بواسطة فهدالتركي

طريق الســر متوسط .. لاهو سيئ ولاهو ممتاز
وسهل للي بيتعود عليه
ولكن لا اخفيك لازم شوي حذر لان احيان يكون زحمات ..

هل فهد مرحب كل عام وانت بخير
انا ما ادري اذا الطريق اللي في بالي هو طريق السر وانا جاي من شقره خط واحد ومافيه كتف الطريق يادوب تمر سيارتين من بعض الطريق ولا انا غلطان وثاني شي كيف الوضع في ساجر يعني العيشه فيها احلى من البجادية من ناحيت الخدمات وكيف السكن هناك فيه سكن معلمات والله ودي اخلي زوجتي غريبة من قطاع السر
انت ويش شورك
ومتى ان شاء الله بترجع بحفظ الله ورعايته ارض الوطن
الله يسهل عليك كال عسير ويفرجها لك
تقبل تحياتي
وتذكر دائما

فهدالتركي · #54 (**permalink**) 22-08-2012, 11:46 AM

اخخوي السحيمي
اتصلت ع خويي بوصيه عليك وبساله متى دوامه علشان يخلصك
قالي وهو واقف يخلص اموره
المدرسين ساعه كشفهم
وانصحك تروح يم مستوصف شرق بالدوادمي
مستوصف معروف وحكومي .. اي هندي تساله بالشارع يدلك عليه
فيه مقرن العصيمي .. قله مقرن خلص لي الورقه انا مسافر يخدمك بعيونه

فهدالتركي · #55 (**permalink**) 22-08-2012, 11:55 AM

اخوي ابتسم
قطاع السر وانت جاي من شقراء تدخل يمين متوجه شمال بعد ماتجيك المحمديه
وهي عسيله وخف والخفيفيه وساجر وتمشي كنك رايح للقصيم .. وثيلان وغيرها من المراكز اللي ناسيها

الخط عيبه كثره دخلاتك للقرى .. يعني هد مطاب وغشمان ينقزون عليك ههههههههه عمال المزارع خصوصا

وبالنسبه لساجر
اهلها من اهل الدوادمي واطيب شوي
الديره عيبها التنظيم البلدي ولا هي تحوي كامل الخخدمات
والسكن فبها متوفر ..
بس بالنسبه هل فيه خاص عوائل.. يعني مجمع مدرسات ..
الله اعلم

واما وش انصحك به ..
والله مافهمت وش وضعك بالضبط انت موظف وين .. وهل بتسكن معها ولا بلشان ولا تدري وش تسوي
. صعب انصحك بدون اعرف وش وضعك ..

السحيمي ال · #56 (**permalink**) 22-08-2012, 02:07 PM

اقتباس:

المشاركة الأصلية كتبت بواسطة فهدالتركي

اخخوي السحيمي
اتصلت ع خويي بوصيه عليك وبساله متى دوامه علشان يخلصك
قالي وهو واقف يخلص اموره
المدرسين ساعه كشفهم
وانصحك تروح يم مستوصف شرق بالدوادمي
مستوصف معروف وحكومي .. اي هندي تساله بالشارع يدلك عليه
فيه مقرن العصيمي .. قله مقرن خلص لي الورقه انا مسافر يخدمك بعيونه

مشكور مقصرت يا فهد والله يجزاك عنا الف خير

ابتسم · #57 (**permalink**) 22-08-2012, 07:31 PM

اقتباس:

المشاركة الأصلية كتبت بواسطة فهدالتركي

اخوي ابتسم
قطاع السر وانت جاي من شقراء تدخل يمين متوجه شمال بعد ماتجيك المحمديه
وهي عسيله وخف والخفيفيه وساجر وتمشي كنك رايح للقصيم .. وثيلان وغيرها من المراكز اللي ناسيها

الخط عيبه كثره دخلاتك للقرى .. يعني هد مطاب وغشمان ينقزون عليك ههههههههه عمال المزارع خصوصا

وبالنسبه لساجر
اهلها من اهل الدوادمي واطيب شوي
الديره عيبها التنظيم البلدي ولا هي تحوي كامل الخخدمات
والسكن فبها متوفر ..
بس بالنسبه هل فيه خاص عوائل.. يعني مجمع مدرسات ..
الله اعلم

واما وش انصحك به ..
والله مافهمت وش وضعك بالضبط انت موظف وين .. وهل بتسكن معها ولا بلشان ولا تدري وش تسوي
. صعب انصحك بدون اعرف وش وضعك ..

ياطويل العمر انا زوجتي جاها توجيه للسر بس مابعد وجهوها للمدرسه
وحالياً حجزنا بالدوادمي بس اذا المدرسه بعيده ودي انها تسكن بالسر خوفاً عليها من مخاطر الطريق لانه الكل يذمه
وانا ابي لها سكن آمن ونظيف لانها يمكن تكون لحالها او مع بنت او ثنتين
والله اني في حيره مايعلم بها الا الله ودي اخليها بالدوادمي مع المعلمات امان لها وراحه لي لانه سكن كامل
وودي اخليها تروح السر خوفا عليها من الطريق بس هي ماودها ولاهي مرتاحه هناك
كلمت واحد نعرفه وقال تعالوا واشوف لكم السكن وتاخذون اللي يناسبكم
بس انا سمعت انه المويه مافيها اعتمادهم عالوايتات وهالامر صعب وانا اخوك الا المويه
ومامدحوا لي اهلها ابد ويقولون الحرمه بدون محرم ماينفع تسكن هناك

معلم شرقاوي · #58 (**permalink**) 22-08-2012, 07:43 PM

اتمنى لكم التوفيق

فهدالتركي · #59 (**permalink**) 22-08-2012, 10:44 PM

اخوي ابتسم
لا تستعجل بالسكن .. السر فيه اللي قريب من الدوادمي وفيه البعيد
اذا جاء قريب من الدوادمي خل سكنها بالدوادمي .. واذا بعيد اكيد بيكون قريب لساجر
وهما الافضل .. الدوادمي ثم ساجر

اما مسأله الخطوره كل شي بيد الله .. عمتي تداوم من 11 سنه او اكثر وربي .. في القرنه 70 كيلو
وهي ساكنها في بيتها بالدوادمي
وهي من اهل المنطقه من قديم بحكم زواجها من شخص بالدوادمي .. رغم ان اهلها بالقصيم

انت ابي افهمك لا تتوتر الان قبل ما تطلع المدرسه اللي بتتوجه لها زوجتك
الان ابقى بسكنك المؤقت .. واول ماتطلع النتائج للمدارس قولي المدرسه وبقولك رأيي
والامر كله يعود لله ثم لك .. والخيره في ما اختاره الله

وبالنسبه لمقوله مو حلو الحرمه تسكن في بيت بدون محارم
اقولك احنا في السعوديه ترى .. واذا البنت معها ثنتين او ثلاث وبوسط الديره .. لا تخاف ابد
زوجه اخوي سكنت بعفيف بدون محرم .. كانت ساكنه مع بنت وام البنت في شقه .. تقول والله امان ولا خفنا ولا شي نداوم وينزلنا النقل عند العماره وندخل واي شي نبغاه ندق على هندي البقاله يوصله ويعطيه هندي العماره

وباقي الاحتياجات تقدر في الاربعاء والخميس والجمعه تكملها .. مكاتب او سوق اذا محرمها صار موجود
اهم شي تكون العماره شقق عوائل .. وتكون بدور الجيران عوائل وحريم علشان يتعرفون عليهم ويكونون عون لهم ..