بالنسبه لفيضه السر
تبعد عن ساجر ثلاثين ولاهي بعيده واهلها طيبين
اكثرهم يقالهم النوافل ان ماخاب ظني
وتبعد الفيضه عن المذنب ثمانين كيلو
طبعا بعيد للمذنب .. السكن بساجر وان شاء الله امورها طيبه
وشيك على الفبضه يمكن بها سكن حلو ويجوز لك

تراها منطقه زراعيه وفي نفس الفيضه خدمات ومتوفر ماتحتاجه في حياتك اليوميه
وزيارتك لها افضل .. تشوف بعينك وتدور سكن
وان مالقيت ساجر مره ممتازه .. وعقبال نقلها لمدينتها يالغالي

اما بالنسبه للي يسال عن عرجاء
تبعد عن الدوادمي اثنين وعشرين كيلو
اسكن بالدوادمي ولا تترد
مدري تلقى بعرجاء سكن ولا لا .. بس انصحك بالدوادمي

اما اللي يسال عن ابو ركب... لا اعلم

واما القراره فهي تقع في اقصى قطاع الجمش التابع للدوادم
لكنها قريبه من مدن كبيره .. بتاكد وبرجع لك .. لاني اظن يانفي يالقصيم قريبه منها

جزك الله خيررررر

اختي القراره تبعد 180 للدوادمي
مره بعيده
لكنها قريبه لنفي والرس ولضريه
و اذا انتي بالاساس مو من الدوادمي قولي من وين منطقتك

والموضوع هذا بيفيدك انت واللي يسال عن ابو.ركب
به خريطه ممتازه
القراره وابو ركب فوق يسار .. وكذالك موجود الفيضه يا ابتسم
شفها من المفرق عشره وقبل المفرق عشرين

http://www.dwadme.com/vb/showthread.php?t=97069&page=4

اطلعوا ع الخرايط بالموضوع في صفحه ثلاثه واربعه

جزاك الله خيراً

الله يوفقكم

هلا اخوي فهد مشكور علي المعلومات اللي اكثر من دقيقة
الله يسهل امورك كثر ماتسهل علي اخوانك في المنتدي
اتمني من ادارة المنتدي يعطونك وسام
وهذا اقل شي وربي انك تستاهل اكثر من الوسام والالقاب
بارك الله فيك
وتذكر دائما ..... عليك التكملة ولا يهونون الاخوان والاخوات ابتسمو

اخوي الله يعافيك ارسل لي رقم أخوك
وعندي استفسار أداوم بكرة السبت والا بس انتظر ليوم المقابلة أنا يوم الاثنين الساعة ٨

اخوي المعلم عبدالعزيز انا مثلك جاني تعين في الدوادمي ومقابله يوم الثلاثاء بعدك
اما بخصوص الدوام لاتجيهم لا يوم مقابلتك
اما بخصوص الكشف الطبي انا ارسلولي رساله على جوالي يقولولي احضر الكشف معك وقت المقابله
بطلبك طلب اخ عبدالعزير انا مقابلتي بعدك بيوم ودي اذا حضرت المقابله تخبرني عن كل شي صار فيها وش اسلوك وش قلولك وش الوراق الي يطلبونها منك يعني كل شي

معليش كثرنا عليك
وبتوفيق ان شاء الله
معك اخوك نواف السحيمي من المدينه

ان شاء الله ونعم اخ نواف
أنا ارسلوا لي وقت المقابلة بس وان شاء الله اقولكم كل شي يصير معي ويعطيك العافية