السلام عليكم ورحمة الله وبركاته

انا موظفة قطاع خاص .. كونتراكت في ارامكو

وما ادراك مالكونتركت !؟؟؟

ناس مهضومه حقوقة من شركتها الام للاسف

كنا قبل سنة مع شركة متعاقده مع ارامكو

واخلت في بعض البنود اللي بينها وبين ارامكو

فـ انهوا العقد اللي بينهم ونقلونا ارامكو على مقاولة جديدة

لكن الصدمة جداً سيئة .. وللاسف شركتنا القديمة كنا نذم فيها

لكن مقارنة مع هذي .. القديمة كانت نعيم ..

كان عندهم بدل خطر .. بدل اوف .. اوفر تايم ..

طبعا شركة أمن .. للتوضيح ..

وانا نقلوني لمبنى الامن الصناعي في ارامكو مع الادارة

شغلي " مساعدة تنفيذية "

لكن للاسف مسماي بالعقد " حارسة أمن "

وحاولت اتكلم مع مسؤولي بالشركة و مسؤولي بأرامكو يغيرون مسماي الوظيفي

لكن لا حياة لمن تنادي .. وقلت لهم يزيدون راتبي

يعني مو معقولة اخذ راتب .. زي اي وحدة غيري جالسه ولا تنكرف

وانا طول الشهر مكروف ابو جدي ..

ويخلوني اغطي اجازة سكرتير المدير و سكرتيرتة المسؤول الثاني

و خلاص بديت ادور وظيفة جديدة عل و عسى احصل شيء يسوى

بالذات اني ادرس انتساب بجامعة فيصل واحتاج راتب شوي زيادة عشان يساعدني

وإن شاء الله كل خير

[align=center]و عليكم آلسلآم



أولآ إن جينآ لنظآم التعآقدآت فهو مجحف بحد كبير للاسف


لكن مآ أقول غير إنك تشوفين وظيفة في مكآن أنسب

لأن وآضح إنك لو تستمرين رح تتعبين نفسيآ مع عيآل آلحرآم ذولي

و آلله يكون بعونك و يوفقك بدرآستك و تنآلين آلوظيفة آللي ترزك و تكفيك حآجة النآس

[/align]

تسلم والله

انا اصلا بديت اكره الوظيفة

شوف الفرق اول ما قالوا لي نحتاجك بس شهر بمبنى الادارة

وترشيحهم لي عشان شهادة الانجليزي

ومر شهر و شهرين و ثلاث الحين كملت سنه وياهم

لا شكر ا و زياده و لا هم يحزنون

ف بديت اتعب نفسيا

ونهاية العقد على اخر سبتمبر ان شاء الله

لو حصلت وظيفة لين سبتمبر بطلع

و اشوف احد يوافق على شغلهم المتعب

الله يرزقك ويسهل درووووووبك ان شاء الله ويستر عليك دنيا واخره ..

ادعي ربك دوم سلاحك هو الدعاء وستغلي شهر رمضان حنا في اواخرة في قيام الليل ...

الله يرزقك بوظيفه تلبي امنياتك ويحفظك من اولاد الحرام ....

صدقيني حنا عيبنا احيان نضيع سنين من عمرنا في شركة مجحفه لنا جدا ووجودنا فيها ماراح يأخر ولا يقدم الا عشان الراتب ...وحيان نضحيله عشان حاجات ثانية ونكون حنا الضحيه وحيان تكون ايجابية لكونك بتاخذي بكالريوس ...

وحيان برضووو مسمى الوظيفه مايخدمك بالقطاعات الثانية ويكون مرتبك دايم متدني نوعا ما ..

لكن لاخيرة الا فيما اختارة الله ...

والله ظلم المواطن السعودي والمواطنه يريدون الستر فقط لاغير ..

لانريد راتب 10000 ولا 80000

نبي راتب نواكب الغلاء المعيشي ويستر علينا ونلبي رغبات ليس كزوج او رب اسره فقط كفرد عزابي تعيش الفرد الذكر والانثى ...

تقبلي مروري...الا اقول انتي من اي منطققققققة يمكن اقدر افيدك بحاجه ..

بيري الهواجر

اللهم آمييين

مستقلين حاجتنا للراتب حسبي الله عليهم

تخيل اليوم رحت للمسؤول قلت أساله عشان اكون على بينه

رحت له قلت له : الحين انا لي شهادة خبرة ؟؟

قال : شنو شهادة خبرة ؟؟

قلت : يعني الحين انا سنة وزيادة وياكم بالمكاتب واشتغل وياكم

وماراح تعطوني شهادة خبرة اني اشتغلت بذا الملفات ؟؟؟

قال : ليه ؟ بتطلعين ؟؟

قلت : لا ماراح اطلع لكن عشان اعرف مستقبلا لو شركتي افصخت العقد بينها وبينكم (ارامكو)

اكيد بحتاج شهادة الخبرة وقتها

قال : لا

قلت : انت تمزح معاي ؟؟

قال : لا من جد اتكلم .. ليه موعاجبك الشغل بالمبنى هنا ؟؟

قلت: اذا مافيه شهادة خبرة خلاص طلعني للمواقع الخارجية اشتغل

على الاقل يصير مسماي حارسة امن وانا مشتغله حارسة امن

مو اشتغل شغله وبكره ما استفيد ولا شيء و يعطوني شهادة خبرة حارسة امن ؟؟؟

قال : من جد تتكلمين ماتبين تكونين عندنا بالمبنى مرتاحه ؟؟

قلت : لا مابي اذا مافيه شهادة خبرة .. انا اشتغل واكرف عشان الخبرة

قال : اللي يوافق عليها المدير ..

( المشكلة مدة سنة كان عندنا مدير و ترقى وغيروه وجانا مدير جديد .. ويمكن يتغير )

عاد يقول لي : احتمال يجينا مدير جديد واذا رحنا وقلنا هالموظفة تبي شهادة خبرة

يمكن يقول انا جديد ولا اعرف شغلها

قلت له : شدعوه انت مسؤولي وفيه مسؤول ثاني معاك .. اكيد كلمتكم مسموعه عند هالمدير (بالذات انهم موظفين رسميين بأرامكو)

اذا قلتوا هذي اشتغلت ويانا و سوت و حطت و ألخ

وخليت المسؤولة تدخل .. قالت له : هذا حقها .. وفيه وحده مثلها ارامكو عطوها شهادة الخبرة

لاني انا اشتغل واساعد ارامكو بملفاتنا ..

قلت له : هذي ابسط حقوقي .. مابي تزيدون راتبي ولا شي .. ابي ورقة مكتوب فيها شهادة خبرة

عاد الله يستر منهم

انا من الخبر ..

الله يعين

ارامكو من سيء الى اسوا

مالي سنتين فيها وانا كارررررره الشرقيه بكبرها .. بسبتها ..
دوام طويل وكرف ملعون خير ..

حسيت اني آله مو انسان ..

الله يعين بس

يقول المثل إمسك ام شوشه الين تلقى المنقوشه ،
خلوكم على وظآيفكم و إحمدو ربكم أنكم متوظفين ،
و بنفس الوقت ابحثو عن الأفضل الين يرزقكم الله باللي يسعدكم دنيآ و آخره ،،
الله يوفقكم ويرزقكم جميعاً

[align=center][/align]أتمنى لك التوفيق