السلام عليكم

أنا وأنا اتصفح وأقرأ في هالقسم لفت انتباهي موضوع للعضو أبو ابراهيم كنت ابغا ارد على الموضوع لكنه

مع الاسف مغلق.. باختصار كان يحذر من النصابين والكذابين اللي مو محتاجين وكان فيه تعليقات من الاعضاء

منهم من قال خير .. ومنهم من علق وذكر الجمعيات الخيرية..

ياجماعة الخير من يعطي ويساعد فهو لكسب الاجر من الله سبحانه وتعالى والمفروض يبتعدعن الظنون

لان ربي بيؤجره على نيته والكل عارف ان الجماعة الكذابة خربت على المحتاجين.

أمر ثاني اللي يقولون الجمعية الخيرية تعطي وتساعد .. نعم فيه جمعيات خيرية تعطي وتساعد لكن

بالمقابل فيه جمعيات قسم بالله تذل الفقير والمحتاج وماحلفت بالله الا وانا صادقة ومجربة.

مثلا جمعيتنا الخيرية اللي بمنطقتنا مجرد اسم .. واذا رحت تقدم قالوا لك بعدين والا مافيه والا لسه ماوصلنا

والا تعال الليلة الفلانية راجعنا.... والا.... والا..... وياسلام لو رحت في اليوم اللي قالوا لك عليه تلاقي باب الجمعية مقفل وهم داخل بس

مايبون يستقبلون الناس.

انا قعدت مع اولادي شهر ننام ع الحر مع اني اشتغل بس مااقدر اشتري تكييف .. ولا حتى اقساط كل اللي قدرت

عليه مروحة بسبعين ريال اخذتها تبرد علينا.

لما راجعت الجمعية قالوا انتي موظفة ماتستحقين.. قلت له بس انا منفصلة يابن الحلال انا صحيح موظفة براتب

3000 واحيان أقل بسبب الخصم لكن ادفع اجرة باص وادفع مع اهلي واقضي حاجات اولادي بالباقي يدوب يكفيني لاخر الشهر

انا ابغا بس تكييف تساعدوني .. وارفضوا .. هذي الجمعيات الخيرية اللي تتكلمون عنها تساعد

يرحم امكم اللي مايدري عن ظروف غير لايفتي من راسه ويحكم

والامر الاخير اللي يقولون دور لك ع وظيفة.. طيب انا بنت ومعي وظيفة والان تقريبا صرت بدون وظيفة ووضع زي

وضعي ومافي دخل ثاني بالله عليكم .. وش الحل برايكم..؟؟

عذرا على كلامي لكن من فرج عن اخيه كربة من كرب الدنيا فرج الله عنه كربة من كرب يوم القيامة

اتمنى محد يزعل من كلامي.. ولاتحطون بذمتكم أصابعكم مو سوا

لاهنت اخوي ابو ابراهيم واتمنى ماتزعل.

انا ماقرءت الموضوع ولاشفته لاني برمضان ماادخل على المنتدى كثير بس فهمته من موضوعك ولي راي احب ذكره
الاول 000 يقول الرسول صلى الله عليه وسلم من سن سنة حسنة له اجرها واجر من عمل بها ومن سن سنة سيئة له وزرها ووزر من عمل بها 000 هل يريد الاخ اماتة سنة التكافل والتراحم وقضاء الحاجات والصدقة ومتى بهذه الايام الفضيلة واحياء سنة البخل والشح والانانية والجشع
الثاني 00000 كما انه يوجد بلمنتدى بعض الاعظاء او العظوات لا اعلم اللذي يتجسد دور المصلح الكريم ونيته الاصطياد بلماء العكر اتوقع انه قد يصدر من نفس هؤلاء الاعظاء تجسد دور المحتاج الضعيف هي امراض نفسية فقط يمارسها من ضغط الحياة
ولكن هذا لايعني ان نحاول ان نحي سنة سيئة لاحول ولاقوة الا باالله
بلنسبة لي معذور ماجرب الحاجة

يعطيك العافية اختي

شاكرة مرورك

الله يرزقك و يرزقنا من واسع فضله اختي

امين تسلمين ياقلبي

رايق البال

تعليقك اسعدني .. الله يجزاك خير

شاكرة لك مرورك

الله عزوجل موزع الارزاق بين عباده