بسم الله الرحمن الرحيم
السلام عليكم ورحمة الله وبركاته

اخواتي الكريمات، الحمد لله ترشحنا للوظائف التعليمية الرجالية
لكننا لا نعرف ماهي الخطوات التالية
فقط شفنا اسامينا من بين المرشحين وقالوا سجلوا بنظام التكامل
وإلى الآن ما فتحت المواعيد بالنظام.

وبحكم خبرتكن لأنكن ترشحتن قبلنا ابغى اسأل:
عن الخطوات المتبقية بعد الترشيح بالتفصيل الممل.
وعن:
المقابلة هل فيها استبعاد؟
ورقة الكشف الطبي من وين ناخذها؟ وين نسوي الكشف؟ وبعد كذا نسلمها لمين؟
ماهي الاجراءات الأخرى غير المقابلة والكشف الطبي؟
وكل شيء.

وحبيت اتطمن: هل المرشح اصبح معلم 100% أم هناك احتمالية استبعاد بعد الترشيح؟
يعني خلاص يبشر اهله ويخطب ولا ينتظر لين تتضح الأمور؟

أ. سلطان المهوس(رئيس تحرير صحيفة عاجل) كتب في تويتر ان تكامل بيفتح للرجال بعد العيد وهذا يعني ان مباشرتكم بتتأخر


سأشرح الاجراءات لك بناء على ماحاصل لنا نحن المتعينات:

بعد ماتفتح بوابة تكامل .. تدخل بسجلك المدني ورح يكون امامك عدة مواعيد وأوقات تختار اليوم والوقت اللي يناسبك..

المقابله أمر روتيني وليس فيها اي صعوبه ..

وفيه بعض الأوراق لازم تعبيها وتوقع عليها قبل المقابله من ضمنها ورقة اختيار المحافظات والقرى واوراق يسمونها مسوغات التعيين .. يعني خل معك قلم جاهز

أهم شيء في المقابله : الثقه بالنفس واظهار خبراتك بأسلوب غير مباشر

مثلا اذا كان لديك خبره في الحاسب و سألك هل تعرف للحاسب ؟

لاتقل نعم فقط !
بل قل نعم اعرف لبرامج كذا وكذا ولدي خبره في كذا
بمعنى ان تحور السؤال لصالحك..

المقابله مافيها استبعاد وماتحتاج تحفظ شيء ..فقط راجع بعض الكتب والمعلومات الخاصة بتخصصك

مافيها استبعاد إلا اذا كان الشخص فيه اعاقه جسديه أو مريض نفسي الله يبعد عنا الشر .. لاتشيل همها وفيه مواضيع كثيره بالنت عن المقابله اطلع عليها

الاوراق المطلوبه / الوثيقه الاصل وصورتين منها .. السجل الاكاديمي وصورتين منه / بطاقة الهويه وصورتين منها ../ وبالنسبة لكم الرجال اعتقد تزيدون علينا بصوره شخصيه 4×6

الكشف الطبي اخذناه بعد المقابله تلقى فيه احد مسؤول عن توزيعه اسأل عنه

بعدها تروح للمستشفى (صايم) وتحلل والنتيجه بعد اسبوع تاخذها وترجعها للي أخذتها من عنده

بعدها انتظر منهم التوجيه .. وقد يكون هناك قبل التوجيه ادخال للمحافظات والقرى مرة اخرى الكترونيا عن طريق النت .. وقد لايكون ..


هذا اللي حصل معنا .. وماادري اذا بتختلفون عنا بشيء او لا


دعواتك لي بتحقيق امنيتي ..

بالتوفيق

الله يجزاكِ خير ماقصرتي يا اختي النجمة
الله يحقق امنياتك في الدنيا والآخرة.

وبعد ماتخلص المقابله والكشف الطبي , اعتبر نفسك بأذن الله تعينت , لان مافيه استبعاد بعد المقابله والكشف والله يوفقك ويسخر لك باقي الأمور

الله يجزاك خير يامعلمة اجيال.

تم اعلان اجراءات التعيين ومواعيدها
*******.com/news-action-show-id-41923.htm

مبروك أخوي على الترشيح والله يوفقك وزملاؤك،
الله يسعدها الأخت نجمة ذهبية كفت ووفت عننا،
فيه ملاحظتين فقط، إنه مو مطلوب السجل الأكاديمي
ولا مطلوب صور مختومة من الجامعة، المطلوب صور عادية هم يختمونها،
وفي التحليل ما يحتاج تكون صايم عن الماء، بالعكس إشرب ماء بكثرة قبل ما تجي لأنهم يطلبون منك عينتين تحليل بول.
إحنا رحنا صيام ، وإشترينا منهم علب ماء كانت تبيعها المستخدمة لنا.
وبالتوفيق

الله يعينكم ويساعدكم

بالتوفيق يارب .