الله يوفقكم

منقول تجربة احد الاشخاص مع المقابلة الشخصية


الليله الساعه 9 كانت مقابلتي واليكم تفاصيلها
وصلت لهم على الساعه 7.30 ولقيتهم متجمعين في صاله كبيره المهم تقدمت وسألت حراس الامن وقالوا اجلس هنا الى نقولك تعال وجلست وبعد حوالي 15 دقيقه من الانتظار نادوني وكنت مجهز الاوراق كان فيه موظفين جالسين يشيكون اوراق المتقدمين ويستلمونها وبعد كذا يقولون لهم انتظروا لين تناديكم اللجنه المهم جلست امام الموظف وسلمته الاوراق وشيكها واعطاني ورقه فيها رقم اللجنه والاسم والسجل المدني وقالي لجنه رقم 12 وطلب مني انتظر على احد المقاعد المقابله لهم .
وبعد حوالي 10 دقايق صار فيه بريك للصلاه ومن ثم عدنا على الساعه 8.30 نادوني قلت نعم ودخلت وجلست امام اللجنه كانوا شخصين فقط وبادرني احدهم بالمزح وقال وش رايك تبادلني بأسمك قلت له موافق بدون تردد وضحك وبعدين قالي انت ما تشتغل قلت له لا ما اشتغل لانه لاحظ سني كبير قلت له انا كنت مبتعث وخلصت وقدمت غلى الوظائف التعليميه وجلس يسألني بالانجليزي وجاوبته وبعدين سألني بالتخصص سؤال واحد فقط ثم سألني سؤال غريب قالي لو في المدرسه طلبوا منك ان تدرس قرأن وانا اصلا مدرس مكتبات ايش راح تسوي قلت لهم راح ارفض لان القرأن الكريم يحتاح لشخض متخصص لتدريسه ثم ان النظام والامانه يحتمان على تدريس تخصصي الذي تعينت على اساسه . وبعد هذا السؤال جلس يسألني عن الابتعاث وعن سلبياته وايجابياته ثم قال تراى هذي سواليف مو مقابله وللا انت ان شاء الله مؤهل جدا انك تكون معلم ما شاء الله عليك تفضل الله يوفقك قلت جزاكم الله خير وقمت من عندهم واعطوني المشهد ... وسلامتكم

هل فيه ناس يرسبون بالمقابلة الشخصية ولا ان شاء الله الكل بيعدي فيه

جزاكم الله خير على المعلومات القيمه ونفع بكم الامه

السلام عليكم و رحمة الله و بركاته
الله يعطيكم العافية جميعا على هالتفاعل الطيب

حبيت اضيف اضافة. . عل و عسى ان ننتفع منها سويا.
انا واحد من اخوياي وفقه الله وتعين السنة الماضية مدرس احياء. .
من ضمن اﻷسئلة اللي طرحت عليه. .

اربط اﻷحياء بالدين. . تحدث عن ذلك.



وفقني الله واياكم و يسر لنا النجاح فيما بقي من اجراءات المقابلة الشخصية و الفحص الطبي.

لاجديد في ادارة جازان

ياشباب هل يوجد احد من جازان؟

وش هي الاوراق المطلوبة

عطونا العلم