بارك الله فيكم

والله يوفق الجميع

اسم المقر وشو ؟؟؟+ هل المقابلة تحتاج الى تحضير؟؟؟

بالنسبة للي قابلو اليوم

السلام عليكم
ابشركم اليوم سويت المقابلة في مبنى إدارة التربية والتعليم في الخرج خلف المبنى الرئيسي
والحمد لله كانت مقابلة من اروع ما يكون طبعا جيتهم الساعه 9 وموعدي الساعة 10
ومادخلت على اللجنة الا الساعة 10:30 تقريبا طبعا نادوني انا واثنين معاي وكان عدد اللي في اللجنة 3 اشخاص جلسنا على طاولة دائرية وكانت كلها مجرد سوالف
في البداية سألنا اول واحد عن الدبلوم التربوي اش معناه ومالفرق بين التربوي وغير التربوي
طبعا كان جوابي ان الدبلوم التربوي له من اسمه نصيب ويفيد المعلم في طريقة تعامله مع الطلاب
السؤال الثاني هل التدريس مهاره ام موهبة طبعا التدريس اكيد مهاره تكتسب من خلال الممارسة وهذا مايمنع وجود الموهبة لدى بعض المعلمين بعدها سألني مشرف اللغة الانجليزية لو جاك واحد من الطلاب وقالك اللغة الانجليزية لغة كفار ومن هالكلام قلت له اول شيء راح ابين له ان هذا مايتعارض مع ديننا الاسلامي لان الرسول صلى الله عليه وسلم امر زيد بن ثابت بتعلم العبرية وثانيا في ظل هذا التطور اصبحت اللغة الانجليزية مهمه في التواصل وتعريف الاخرين عن عاداتنا وتقاليدنا وايضا في الدعوة الى الاسلام .
بعدها عطاني كتاب وقال اقرأ اول فقرة قريت وقال وش معنى dialects قلت معناها لهجات قال طيب بالانقليزي قلت accents المهم بعدها سألني وش الفرق بين second language و foreign language قلت الـ second language يعني لغة رسمية ثانيه في البلد مثلا كندا فيها لغتين الفرنسية والانجليزية ... الفرنسية تسمى second language واللغة الانجليزية مثلا عندنا تسمى foreign language المهم في الاخير قال توكلوا على الله وخذوا ورقة الكشف الطبي وسووا الكشف في اقرب مستشفى حكومي وانتظروا رسالة تجيكم وفيها توجيهكم والمباشرة يوم السبت وطبعا اذا كملت اوراقك يوم السبت توديها لشؤون الموظفين عشان يكملوا اوراقكم ..
هذا اللي صار معي من طقطق لسلام عليكم وسلامة الجميع

دوفيدوف مشكوور حبيبي

وش تخصصك .. ؟

السلام عليكم ورحمة الله وبركاته

ولله الحمد توني خلصت المقابله

(( تربية اسلاميه ))


اول ما دخلت اخذوا بعض البيانات وكذا ..
وبعدين اول سؤال كم تحفظ من كتاب الله == قلت له ما تيسر من القرآن
قال يعني كم جزء ........
الموهم .. قال اقرأ مما تحفظ
قرأت له سورة (( عبس )) ووقفني عند (( واما من جاءك ... ))
وسئلني عن الحكم == وجاوبته وقال لي ليه وجاوبته (( اخفاء : لان نون ساكنه بعدها الجيم ))

وبعدها سئلني بالفرائض == بصراحه السؤال ما ادري ايش يبي خخخخخخخخخخخخخ
عم وخمس بنات == جاوبته وقال لي صحيح
قال لي عم وبنت == ما عرفت
قال لي خلاص روح كمل اجراءاتك

^^^

اعتقد بكذا نكون ولله الحمد انتهينا من كل شي ولم يبقى الا الفحص
لو اي احد احتاج اي استفسار يراسلني على الخاص

وتحياتي للجميع : )

: )

شباب ساعدوني وريحوني
اذا عطوني ورقة مشهد حظور المقابلة
يعني انا ناجح ومقبول

ايه ناجح الله يوفقك

الله يستر انا اليوم ... ادعولي تكفون