السلام عليكم ورحمة الله وبركاته
اخوكم طالب جامعي ادرس في احد اقسام الهندسة وباقي على تخرجي 3 سنوات
والحمد لله معدلي مرتفع جدا .
انا لي تقريبا 6 اشهر افكر بالزواج بشكل لا يصور, الموضوع هذا شاغل تفكيري جددددا ,والله تعبت وانا افكر فيه , المشكلة ان الزواج في مثل حالتي صعب بسبب الدراسة وعدم وجود مصدر دخل يمديني افتح بيت منه .
الحمدلله اننا عائلة ميسورة ووالله لو اقول للوالد ما راح يقصر بس صعبة ان اخليه يصرف علي وعلى زوجتي ومستحيل اوافق فقررت اني اعتمد على نفسي .
فكرة الزواج وانا طالب صعبة على الناس انهم يوافقو بالذات ان الوظيفة غير مضمونة بعد التخرج فاحتمال اواجه الرفض من بعض الاباء عشين كذا قلت اني استغل الثلاث سنوات الباقية.
قررت ان شاء الله بعد العيد اني ادور على اي وظيفة كانت مهما كان مجالها ويكون راتبها معقول وتتناسب مع اوقات دوامي في الجامعة وبكذا اقدر اجمع مبلغ اثناء دراستي وان شاء الله اول ما اتخرج حيكون المبلغ عون لي .
فحبيت استشيركم هل تؤيدوني على هذه الفكرة .
بالذات انو موضوع الزواج شاغلني كثيرا .
وموضوع الوظيفة متحمس ليه مرة وان شاء الله بعد العيد على طول راح ابدا ادور .
وبالنسبة لتنظيم الوقت ان شاء الله اني قادر اني انظم وقتي بين الدراسة والوظيفة.


اسف اني طولت عليكم لكن والله ترددت كثيرا في كتابة الموضوع لكن وصلت لحالة ما يعلم فيها غير ربنا.
وشكرا