السلام عليكم ورحمه الله

كل عام وانتم بخير وصحه وسلامة وعساكم من عواده

اخواني انا عندي استفسار واتمنى القى الجواب عندكم

انا انقبلت بالمعهد الملكي الصناعي الثانوي بالرياض
قسم الكترونيات _

مع العلم اني طالب منتظم عمري 16 و8شهور

اذا اتخرجت بمشيئه الله من المعهد وش راح يكون مستقبلي ؟



وانا ابي اكمل بكالوريس



وش الكليات الي تقبلني ووش الافضل فيهم ؟؟

دخلت على موقع كلية التقنية لقيت شروط المكتوبة لتكميل البكالوريس
1- الحصول على الشهادة الجامعية المتوسطة (( الدبلوم ))

هاذا الشرط انا مافهمته

الحين اذا اتخرجت من المعهد بتكون معي شهادة الدبلوم من نفس المعهد يعني على طول اكمل بكالوريس ؟

واخيرا
الكلية التقنية ماعندهم الا قسم واحد الي هو صيانة الاجهزة الطبية

اذا اتخرجت من الكلية بدرجة البكالوريس بصيانة الاجهزة الطبية

كم راح يكون راتبي بمستشفيات الحكومية ؟؟
وكم راح يكون راتبي بالشركات ؟؟

الله يجزاكم الف خير وويسرلكم اموركم جاااااااوبوني

والسلام عليكم ورحمه الله ....................

السلام عليكم ورحمة الله وبركاته
بعد ماتخلص المعهد الملكي تقدم على الكلية التقنية قسم إكترونيات تمنح البكالوريوس
بس نصيحة بما إنك 16 سنه إدرس الثانويه العامه قسم علمي بعد التخرج إدرس جامعة تخصص هندسة إكترونيات أوي تخصص أخر ترغبه في الجامعة أوأي جامعة ترغب هذه النصيحة من تجربة وعمرك صغير
لاتتاخذ قرار وتندم عليه في المستقبل فكر والامر راجع لك
بالتوفيق لك

[align=center][/align]وأنا مؤيد لرأي أخوي أريد وظيفه
بكالوريوس التقنيه يصنف في ديوان الخدمه المدنيه مساعد مهندس بينما الجامعه مهندس وفي النهايه كلهم بكالوريوس بس الجامعه أفضل في التصنيف
توك بأول العمر لا تأخذ بكالوريوس من التقنيه نصيحه مجربين أدرس وأتعب شوي بالثانويه ثم كمل على الجامعه أفضلك

جزاكم الله خيرر على ارأكم ,,,,

لاكن الى الان لم اصل الى اجابة !!

اذا اتخرجت من كلية التقنيه بدرجة البكالوريس بصيانه الاجهزة الطبية كم راح يكون راتبي ؟؟

وهل اقدر ادخل جامعة الملك سعوود ؟؟ او غيرها من الجامعات والكليات ؟؟

ماراح تلقى وظيفة اساسا حنا معانا الدبلوم وماحنا محصلين شي

انصحك اهرب من التقنيه لايضيع مستقبلك بما انك توك صغير

سجل بالجامعه
وبالتوفيق

الله يعطيكم العافيه ...

طيب اخواني اذا اتخرجت من المعهد بمشيئة الله

قسم الكترونيات ..

وش الجامعات الي تقبلني غير كلية التقنية ؟؟؟؟

يآلطيـب آنت على طـول بتكمـل بكآلريـووس


آولآ المعهـد اللي آنت فيـه مثل آلثآنـويه


وبعـد مآتخلص تدرس بالكليـه التقنيـه << دبـلـوم عآلي



وبعـد مآتخلص آقعـد بعدهآ في بيـتك << قآل بكآلريووس




تدري آنآ متخـرج من الكليـه التقنيـه وندمت آني خشيتهآ


لانهآ مضيعه وقت..


وثآني شي آنآ كنت قبلك آقـوول آبي آخلص آلدبلووم وبكمل هندسسه

ولمن خششيت الكليه

شي عجيب درآسسه فآشليه+ مدربين فآشلين+ معآمل فآشله


وصآر عندي آلدرآسسه روتين عآدي مجرد للمكآفئآت آجي وستلمهآ وروح



وتخرجت بمعدل مقـبول وقآلي آبوي كمل هندسسه بالريآض على حسآبك الخآص

قلت مآشي بآلرفم ان المبلغ عآلي آللي طآلبينه بس قلت دآم ابوي متكفل فيهآ مآورآس شي
آلمهم قدمت على الموقع وعلى طول حطيت الرقم الجامعي وقآل نعتذر لعدم تفآديك شروط المعدل

هآذآ ونآ على حسآبي

فنصيحتي لكـ آبعد عن هالمعآهد

وكمل ثآنويه وشد حيلكـ وخش بعدهآ اي جآمعه لو تخش تخصص ريآضه


والله يوفقكـ