اخواتي حبيت استفسر المعينات في الرياض تعليمي الدفعة الاولى جتكم رسالة اليوم الي صيغتها هي :

أختي المعلم كل عام وأنتم بخير ندعوك لتسجيل رغباتك على موقع الإدارة www.riyadhedu.gov.sa ثم معلم نت ثم المعلمين الجدد

في احد جته مثل هذا الرسالة ؟؟؟؟
وش تعتقدون قصدهم يعني تحديد المدارس ؟؟؟
صراحة ماعرفت وش قاصدين
الله يعافيكم الي جاه مثل كذا من الرياض يقول لنا ..
كمان ابغا اسال هل المعينات في الرياض تم تحديد مدارسهم؟؟؟
وجزاكم الله خير ..والله يوفق الجميع

وعليكم السلام والرحمة

وكل عام وانتي بخير والف مبروك تعيينك بالرياض ..

انا ماني من المتعينات ..بس دخلت أسأل وأبارك لك..

اللي حاطين الرغبة الاولى في منطقة الرياض ..هل في امكانية التعيين قريب؟؟

بمعنى كيف اعرف احتياج تخصصي وعلى كم وقفت نقاط التعيين لنفس التخصص؟؟

انا خريجة احياء ولي 7 سنوات متخرجة ولاحس ولاخبر..

الف شكر لك ويارب يبارك لك في وظيفتك

الله يوفقكم

أهلا فيك ,,

كل عام والجميع بخير وصحة وعافية ..

شوفي يا أختي أنا تم تعييني في الرياض معلم قبل أسبوع ولله الحمد ..
وجتني نفس الرسالة اللي تقولينها , وطلبوا منا تحديد الرغبات ..

وأنا دخلت نفس شرحهم وحطيت رغباتي ..

بالنسبة لي :
طلبوا مني في البداية تحديد أفضلية المراحل اللي أبغاها : ابتدائي , متوسط ثانوي .
يعني تكتبين رقم واحد عند خيارك الأول وزي كذا ..

وبعدها تنتقلين لـ تحديد شرائح المحافظات والهجر التابعة للرياض : ( مثل الرياض نفسها , المزاحمية , وزي كذا )
طبعاً تكتبين الرقم واحد أمام رغبتك الأولى والرقم اثنين أمام الرغبة الثانية >> رقماً وليست كتابة ..

وبعدها تنتقلين لتحديد شرائح الأحياء داخل الرياض وتختارين الأنسب لك في الأول ..

وبعد هالخطوات تأتي خطة اختيارية لتحديد الرغبات داخل الهجر والقرى التابعة للرياض >> إذا تبين وإلا مو ضروري ..

وبعدها تأكيد البيانات ,, وخلاااااص >> صحيح إنها مشوار بس الواحد وش يسوي يعبّي : )


نقطة مهمة :

إذا أكّدتي البيانات معد تقدرين تعدلين في الرغبات وترتيبها >> يعني خليك حريصة في الاختيار ..
أنا جبت العيد ومعد أقدر أعدل ..



هذي تجربتي في تحديد الرغبات رغم أني معلم وأنتي معلمة لكن تبع نفس إدارة الرياض فـ حبيت أفيدك لأن أتوقع أن الطريقة واحدة ..


الله يوفقك ويكتب لك الخير وتكونين في مكان يرضيك ..

الله يوفقك