السلام عليكم و رحمة الله و بركاته

اخواني اعضاء منتدى حلول البطاله كل عام و انتم بخير و عيدكم مبارك .


يا اخواني بغيت مشورتكم في موضوع حيرني كثيرا . و اتمنى منكم ذكر الله و الله يوفقكم جميعا يا رب

انا متخرج من جامعه بشهادة بكالوريوس . و توظفت باحدى القطاعات الحكوميه على المرتبه السادسه و لله الحمد ، و المكان الي متوظف فيه الان يقدم لموظفينه الدورات التطويريه و الانتدابات و كذلك يحق لك دراسة الماجستير خارجيا على حسابهم.

طبعا انا قدمت على كلية الملك فهد الامنيه و تم قبولي قبول نهائي و الى الان محتار .

هل أفصل من دوامي الحكومي المدني و اتوجه للكليه الامنيه .. أو أبقى في عملي و اترك الامنيه ؟

يا ليت يا اخوان الي عندهم خبره بهالامور يرشدنا و يقدم لنا النصيحه و الله يوفقكم جميعا .

اتمنى منكم التفاعل

هلا بك عامر

كل عام وانت بخير و صحة

ممكن طيب نعرف وش القطاع الحكومي اللي انت موظف فيه .. علشان نقدر نفيدك

عطنا اسم القطاع الي أنت فيه

إذغ فيها احراج مو لازم تقول!!

غريييييييييييييييييييبة
من شروط كلية الملك فهد الأمنية انك ماتكون توظفت في اي جهة حكومية خاضعة لنظام الخدمة المدنية!
فكيف قبولوك نهائي وأنت موظف حكومي؟
أنت ماغيرت مسمى المهنة عند الأحوال؟
ياليت أخووي تعلمنا بالتفصيل؟كيف قبلووك؟
هالمووضوع يهمني كثيير.


بالنسبة للافضل
من ناحية الرواتب والمكانة الاجتماعية أكيد الامنية
لكن يعيبها مكان التعيين وكررف وبتصير عسكري يعني...

أما الوظيفة المدنية مرتاح وجنب البيت وتكمل دراسة الماجستير
لكن يعيبها ضعف الراتب مقارنة بالامنية

انت ماشاء الله وضعك حلو في الوظيفتيين
لكن انصحك بالاستخارة أولا و أخيرا , وأسال والدينك هل هم راضين تصير عسكري؟
يجي من يفيدك أكثر

وياليت تجاوب على استفساري فووق

بالتووفيق

^^^^

استاذن من اخووي عامممر وارد عليك ,,

السنه ذي اسمحوا لموظفي الحكومة التسجيل في الكلية عاااادي اذا انقبل يروح يغير بالاحوااال ,,

اخووي عامر وش اسم القطاع الذي انت فيييه ..؟ وماهو مجال تخصصك .؟

بالنسبة للاختيار فاكيد المدنية افضضل اذا كانت بنفس المدينة التي تسكن بهاا

حياكم الله يا اخوان .. و شكرا لكم على الردود

انا تخصصي محاسبه و الوظيفه بمصلحة الدخل على المرتبه السادسه الدرجه الاولى

و للي سأل كيف طلع اسمي .. انا جاء قبولي بأول رمضان بعد اخر خطوات القبول للأمنيه و لا غيرت مهنتي

معقول 139 و لا احد افادنا الا ثنين او ثلاثه ؟

يا اخواني ترا مساعدة اخوك المسلم و ابداء النصيحه لك اجر فيها . فيا ليت توضحون لنا الفروق بين الخيارين و جزاكم الله خيرا .

هلا اخوي
حابة ابدي رايي الأفضل الوظيفة المدنية لأنك بتكون ماسك وظيفة حتى لو كان الراتب أقل بس تقدر تكمل دراستك برا و تترقى و بيزيد راتبك
اما الكلية الأمنية هي دراسة و ماتضمن لو تخرجت تلقى وظيفة و حتى لو لقيت ماتضمن انها تكون بمنطقتك
انا اخوي درس فيها قبل تقريبا 4 سنوات و تخرج صحيح توظف بس تتوقع و ين قطوه عطوه مناطق بعيدة اما الجوف او تبوك او الحدود الشمالية و اختار الجوف و احنا من الشرقية يعني تغربل غربال و تلعوز الحمد لله الحين نقل الدمام بس شبعده
نصيحتي خلك على الوظيفة المدنية و إذا سنحت الفرصة كمل دراستك أفضل
و انت عاد بكيفك