طيب ياخوان الي عنده جفن راخي (نازل) مو مرة نص العين وش السواة

خذ العلم الي يجمد على الشااااارب

أنا سويت العملية في الرياض طريق التخصصي اسم العيادة ( الإستشاريون )

العملية كلفتني حدود الـ 7000 وشوي

اسم الدكتور عبد العزيز الفدا طبعا ً سعودي خريج جامعة الملك سعود ومعه الزمالة

الدكتور ماهوب جديد يعني له خبرته وحبوب بنفس الوقت

وازيدك من الشعر بيت اخوي الصغير بعد مسوي العملية عنده

طبعا ً تجي اول يوم تسوي كشوفات تاخذ لها حول الساعة إلا ربع لأنك بتدخل وتطلع من اكثر من غرفة

بعدين يحكم الدكتور هل عينك صالحة لإجراء العملية او لا إذا كانت صالحة يعطيك موعد تجي مرة ثانية

تسوي بعض الكشوفات ( إعادة للتاكد من صلاحية العين لإجراء العملية ) بعدين يعطيك موعد آخر للعملية

تدخل تسوي العملية تقريبا الوقت الفعلي لإجرائها 5 دقايق بس

وإذا انت من النوع قلبه رهيف لا تدخل اليوتيوب تشوف العملية عشان ماتجيك رهبة

هي عموما سهلة جدا ً ولا تشعر بأي الم .. اللهم الم بسيط جدا ً لا يكاد يذكر

وعلى فكرة المقطع الموجود في اليوتيوب مسوية في نفس الإستشاريون لكن يبدوا انه دكتور آخر

إذا توكلت على الله وجزمت تسويها لا تروح بسيارتك الأفضل تاخذ لك " تاكسي " وخذ معك برضوا

نظاراتك الشمسية لأن نظاراتهم مش ولا بد وبعد خل احد يروح معك لا تروح لحالك

..................................

طبعا ً الأخوان الي سبقوني بالتعقيب عليك لاحظت انهم استسهلوها نوعا ما

لكن احب اقولك انها تختلف من شخص لآخر ومن عين لأخرى

محاتسيك عانا كثير بعد العملية لدرجة اني كنت اجلس في الظلام لمدة اسبوووووع او اكثر

ماقدر افتح عيوني احس ان النور قوي مرة على العين لذالك كنت في ظلام ومغمض بعض الشيء

الشيء الثاني احذر احذر من رش العطور على ملابسك لأن العين راح تستشم وتشب عليك

اذكر اني رحت لولد خالي بسيارتي وشبت علي من رش العطر ( استشمت ) فرجعني ولد خالي

بسيارتي ورجع هو بتاكسي

.................................................

الدكتور بعد العملية راح يعطيك رقمه ع اساس تتواصل معه لو عندك اي استفسار

وبيعطيك كرتون قطرات هذي القطرات لترطيب العيون كان يقولي حطها كل نص ساعة بعينك

وفيه نوع آخر ( عاد هالنوع على حسب عمليتك يقررها لك الدكتور ) تحطها في عينك كل

4 او 3 ساعات حسب تعليمات الدكتور ويطلب منك تراجعه بعد اسبوع

طبعا ً القطرة ام نص ساعة راح يقولك حطها كل ساعتين والقطرة الثانية راح تقلل منها

الشيء الثاني الشباب قالولك تنام وتصحى تلقى عيونك 6 / 6 ممكن هالشيء يصير

وممكن برضوا تقعد اكثر من شهر ع ساس مايستقر النظر او حتى ممكن شهرين

انا قعدت حوالي الشهر والنص إلين ماضبطت لدرجة اني كنت اوسوس واقول ياليت ماسويت هالعملية

.........................

موفق

اتمنى يثبت الموضوع لاهميته وخصوصا للي بيدخلون القاطع العسكري ويستفسر عن العمليات

شكرا لكل من رد ع الموضوع

ابن رشد عندهم تقنية الويف ليزك الان انصحك تسويها بسرعه واتوكل على الله

شباااااااااااااااااااب نصيييحه اي واحد يفكر يسويها ويقدم على كلية الملك فيصل الجوية لايقدم عليها وينساها لانه ممنوع عندهم عشان لاينصدم

اتمنى من الادارة التثبيت للا اهميه