السلام عليكم





ياشباب ابي اسوي عمليه ليزك وش احسن مستشفى في الرياض




وخصوصا مستشفى النخبه الي سوى عنده ياليت يعطينا اسم الدكتور+ تكلفه العمليه؟


للمعلوميه انا في شركه كم اخذ اجازه يوم للعمليه؟؟

وشكراااا

والله طال عمرك ماعندي معلومات في الرياض بس الي اقدر افيدك فيه العمليه وتكلفتها وكم وقتهاا
رحت مستشفى سليمان فقيه بجده يوم الجمعه العصر والعمليه على طول السبت العصر كلفتني كلها مع الكشف القرنيه والكشفيات كلها وفتح ملف كل الاجرائات 6200 ريال العمليه مدتها ربع ساعه سهله وبسيطه ولا تحس باي الم اللهم غشواه بالعين ماتشوف زين زي التشويش يعني اول يعطونك قطره تستخدمها لمده شهر ولا تحك عينك لمده شهر ولا تغسل عينك لمده شهر قطرات تعقيم بس سويتها العصر العمليه رحت للبيت لاني يوم سويتها كنت سهران رجعت للبيت عطيتها نومه ماصحيت الي الصبح يوم صحيت واشوف كل شي واضح ههاي ماني مصدق فكيت الباب الي النظر 6 على 6 والله ترتاح اذا سويت العمليه اهم شي نعمت البصر والواحد اذا فقد شي من نعم الله علينا يحس بقيمتهاا الله يوفقك ويسهل امرك ان شآء الله

وعليكم السلام ورحمة الله

طبعا فيه مستشفيات كثيرة ولكن من تجربة قريب لي " مستشفى الحرس الوطني "

عياداتهم في الرياض ام الحمام . الطبيب سعودي الكل يمدحه !

اولا يكشف عليك هل تقبل العملية ام لا ! واحيان يعطيك " مرطبات " للجفاف اذا عندك ويعطيك موعد اخر .

العملية يوم واحد فقط .

السعر بحدود 5800 ريلا والكشفيه بـ 200 ريال .

اذا فيه اضافه راح اخبرك بها .

بالتوفيق لك

انا سويت عملية الليزك لكن بجدة

250 ريال كشفيه ( الاهم تكون لابس نظارات لمدة اسبوع إلى اسبوعين علشان القرنيه تكون بحالتها الطبيعيه )
500 ريال تصوير للقرنيه
5500 ريال تكاليف العملية

العملية ما تاخذ 10 دقايق بس قبلها تاخذ من ربع ساعه إلى ساعه الا ربع علشان التخدير ،، عملية الليزك حلوة بارده للعين تقدر تفتحها عادي بدون اي دموووع مو مثل اللي يسوون عملية الليزر عيونهم ما يقدرون يفتحونها وتدمع كل شوي ،،،


وبالتوفيق ان شاء الله

فيه ثلاث اجهزه للتشطيب ..

1- بالليزر .. وهذي التقنيه قديمه جداً و اغلب المستشفيات الكبيره تركتها
2- بالليزك .. وهذي التقنيه الشائعه هنا ولكنها مو الاحدث
3- بالانفجن .. وهذي التقنيه الاحدث في عمليات تشطيب العيون

بس حاول تكشف عند استشاري لان بعض الناس ما تنفع لهم العمليه بسبب القرنيه والانحراف بالنظر

وبالتوفيق

يعطيك العافيه اخوي

انا سويت العمليه وبعطيك معلومات باضافه الاخوان اللي فادوك

انا سويتها بالخارج .. بالاردن بمستشفى العيون التخصصي العمليه سهله جدا ونسبه نجاحها 97 %

يعني ما منها خوف .. يسون لك كشف للعيوف واشعه قرنيه ثم يحددون نوع العمليه اللي يناسبك طبعا انفجن واللي هي الاحدث مثل ما قال اخوي اللي قبلي

ثم للعمليات ويسونها لك مدتها ؤيع ساعه .. تلاحظ الم بالعينين بعد العمليه .. ويعطونك نظاره خاصه واللي تحافظ على العيين من ناحيه الشمس والهوا والغبار
يمنعك عن حكها وغسلها بالمويه لمده 15 يوم .. وبعد كذا خلاص

يرجع نظرك خلال 8 ساعات بس تصحى من النوم .. ويستحسن تنام بعد العمليه وهم اصلا يعطونك حبوب منوم تاكلها عشان ترتاح العين

تكلفت العمليه كلها مع الكشوفات والفحوصات ومع القطرات اللي بتستدخمها بعد العمليه 4000 ريال

وتوكل ع الله وسويها انا سويتها وما منها خوف ابد

وبالتوفيق

طيب ياشباااب في واحد اعرفه يبي يسوي عملية ليزك


وعنده اانحراف بالنظر بسيط وعنده تكاسل بالعين

علما ان الانحراف والتكاسل في عين واحده والعين الاخرى سليمه هل يقدر يسوي العمليه

والنظر عنده 3.75/6

هل اذا سووا عملية الليزك يرجع نظره 6/6 ولالا؟؟؟؟؟؟؟؟؟؟؟؟؟؟؟

أنا بعد نفس مشكلتك

انا سويت ليزر بالاردن قبل خمس شهوور

بالمستشفى التخصصي جيتهم ما اشووف شي بدون نظارات انحراف عالي + ضعف

العمليه ما اخذت 5 دقايق وكلفتني 3000 والحمد لله عديت اختبار النظر بالامنيه وانقبلت

انصحك بالارن رخيصه وطب عيوون على مستوى عالي جدا

والله ياطويل العمر أنا سويتها الحمدلله في مستشفى الحرس الوطني بجدة عند دكتورة بنت حلال ماقصرت معاي الأحد كشفت والأربعاء سويتها بـ 5600 ريال قبل 4 أشهر