شكرا للموضووع في البدايه ..في الاخير هاذي وظيفه مثلها مثل غيرها .. لاأحد يقعد يتفلسف ويقولون الشرف والكرامه .. هالكلام مأخووذ خيره ..غسلنا ايدينا من هالنقاشات ( المحترم محترم لو حطوه بوسط العهر والشين شين لو لبسوووه ثوب الدين ) .. يارب اعطنا ع قد نياتنا فأنت ادرى بها

جزاك الله خير ، الله يرزق الجميع ، اللهم آمين

[QUOTE=أبهاويه;6702993]ومنو اللي قالك البنت بأبها مو مبسوطه بكل شيء بالعكس البنت ماخذها حقها كامل عندنا ف ابها ورجاءً لاتقولين ع بنات ابها بشيء انتي م تعرفينه عنهم وثاني شيء وش تقصدين بكلمة الهاويه ...........؟ وبالنسبه لتوظيف البنات عندك الجمعيات والدور بكل مكان يعني م جت الا ع السوق ايه واقولها مليون مره الله لايحيجنا لها[/QUOT

اختي الكريمة ايش فيك مدرعمة. ومشتهية هوشة وبس

ابها مثلها مثل غيرها فيها المحتاج والفقير. واللي اقصدة بسطة (مكان تجلس فية الحرمة تبيع )

اما مسالة (الهاوية=ابهاوية) وتراها غلطة المصحح بالايباد. وصفي نيتك الله يصلحك.

اما البنات يشتغلون بالدور والجمعيات. مادري اضحك ولا أصيح يتجمعون الآلاف وبتوظفيهم بالجمعيات ؟؟؟؟؟

الله المستعان. والله يعينك على تفكيرك.

اي من جد اللي يتكلم ماجرب الحاجه

مجتمعنا مجتمع مهايطي على غير سنع وهذا سبب تخلفنا

ودامها مهنة شرفة وبالحلال مافيها شي

خلو الكلاب تنبح

وهذي البداية بس لكن مع الوقت راح تثبت نفسها وتشتغل شي افضل

بالتوفيق لكم يابائعات الله يوفقكم ويرزقكم ويعطيكم على قد نيتكم

اللي عنده اعتراض على هالوظيفة..يتكلم ما صاحب هذا القرار..مو يسب في البنت المحتاجة..

بالنسبة لي اشوف ظلم وقهر ان البنت الجامعية تشتغل بهذي الوظيفة...لانها تستحق الافضل

يعطيك الف عافية

بالنسبة لوظيفة البائعات مافيها اي شي
انا سبق واشتغلت فيها وماشفت اي مضايقات
حتى الموظفين كانو محترمين معنا تحسبون مافي قانون بالسوق وفوضى
بالعكس الشغل كان مريح جججدا وفلة مع البنات كله نسائي محد يتحكم فيك وتاخذين راحتك عالاخر بس عيبها انك تكونين بنقابك بس شيلو هالافكار من مخكم انا عن نفسي ماحكم على شي وانا ماجربته .. جربت وظيفة البائعات وكانت حلوة وماعندي مانع اشتغل فيها مرة ثانية

ياللي قاعدين تحتقرون هالوظيفه وقاعدين تعيبونها وتطلعون فيها مليون عيب
وبالذات الشباب
بسألكم سؤال وكسؤآل من وحده تبي تتوظف ومحتاجه لهالوظيفه
متى انتو تعقلون ؟؟ متى تكبرون عن الطيش والاستهتار وقلة الأدب ومضايقة البنات ؟؟
العيب فيكم انتم العيب انتم يالشباب اللي حتى من وظايفنا حارمينا
مهنة البائعه مافيها شيء البنت محتاجه لوظيفتها تبي تساعد نفسها تبي تساعد اهلها
تبي تاكل وتشرب وتلبس بالحلال ..
هي رايحه للمجمع برضاها ورضا اهلها .. رايحه بحجابها الكامل ومتستره كل همها
تتشتغل عشان تعيش
وانتم اللي حارمينها من هالشيء حارمينها تعيش وتكون مثل غيرها براتب هالوظيفه
عشان رغباتكم ومعاكساتهم وغريزتكم الهمجيه المتخلفه

احنا يالبنات وش ذنبنا ننلطع بالبيوت .. ولا نقدر نساعد انفسنا واهلنا عشان حضرتكم يالشباب ؟؟
كل ماطلعت وظيفه لنا قلتوآ البيت استر لها .. والمجمعات كلها شباب ووووو وطلعتوآ مليون عيب
وكل هالعيوب تتعلق فيكم يالشباب مو بالبنت او بالوظيفه نفسها ؟؟

متى هالشباب يخلونا نترزق الله وتفكونا من معاكساتهم وقلة ادبهم اللي قاعدين يسوونها
نحط يد على خد وننتظر حضرتهم لين ينضجون ويكبرون ويتركون هالحركات الصبيانيه
عشان نتوظف بمثل هالأماكن وهالوظايف ؟؟

وبعدين وش فيها لو جلست بالسوق 6 ساعات مو الحين اهاليكم وبناتكم يروحون للأسواق يتمشون ويتقهوون
وياكلون ويتقضون ويجلسون بالأسواق من 4 الى 6 ساعات ؟؟
وش العيب اذا احنا بعد رحنا للأسواق وجلسنا فيها 6 ساعات
وش المشكله آبي افهم ؟؟ على الاقل احنا رايحين نكد ونتعب ونشتغل وواقفين على رجل عشان
نعيش من راتب هالوظيفه

وانتو بكل بساطه جايين تعيبون وتذمون
وبعدين ياللي تقول عارضة تعري اتقي الله في نفسك وخاف ربك
بهالدرجه صارت عقولكم بالحضيض لهالدرجه صرتوآ ناس سطحيين لا رحمه ولا شفقه ولا احساس
كل همهم تقذفون بأعراض الناس وبس ؟؟

وقاعدين تعيبون البنت ووظيفتها هذي
ترا العيب بالشباب المعاكس العيب راكبهم من راسهم لأخمص رجلينهم
ولاحظوآ كلاكم كله السوق كله شباب + مضايقات من الشباب ووووو غيرها
يعني الشباب هم العيب الشباب هم اللي المفروض ينحرمون من المجمعات مو احنا يالبنات

يعني اذا الوظيفه واقفه على الشباب ومعاكساتهم
احنا متى سلمنا منهم ومن حركاتهم
بالشارع بالأسواق بالمطاعم عشان نسلم منهم بوظايفنا ؟؟
واذا على الاختلاط ترا مافرقت
السوق بكبره اختلاط


وآي شخص رافض هالوظيفه يرفضها عن نفسه لا يشتغل فيها هو حر بنفسه وحر بأهله
بس لا يقعد يقط كلام بأعراض الناس ويتهمهم بأشياء مايرضاها الله
لا ترفعون خشومكم وتعيبون الشيء وهو مافيه عيب ترا الدنيا دواره
ويجيكم اليوم اللي تدورون هالوظيفه وربي يحوجكم لها

واللي ماحس بأحساس الحاجه والفقر والدين والضيم سواء مع نفسه او مع اهله
لا يقول الله لا يحوجنا لهالوظيفه غيركم عاش ضيم الدنيا وعاش الفقر ومحتاج لهالوظيفه

الظاهر انك ما تدري ان هالمحلات ما يدخلها شباب بمفردهم ! وش يدخل شاب محل ملابس نسائيه ؟

بعدين البنت ما راح تكون لحالها بالمحل ! وحالياً هالوظايف اصبحت متواجده وبكثره واذا فيه بنات يشوفونها ما تناسبهم .. ففيه بنات هالوظيفه ترضيهم .. المهم في النهايه ما نشوف استحقار لهالوظيفه وكأنها قاعده تشتغل بالسر !

اذا كان المحل نسائي ميه بالميه وش يمنع تشتغل فيه ؟ كل اللي معها حريم وكل الزباين حريم .. يعني بس المشكله انه بسوق ؟ هي بتكون بالمحل طول الوقت فمادري وين الخوف ! وبالمناسبه من طلع قرار دخول الشباب وانا ما شفت منهم اي شي .. صحيح الاسواق ازدحمت لكنهم محترمين وكلن في حاله .. اعتقد الشباب صار أوعى من اول .. وعموماً لو فكر اي شاب يسوي شي غلط حتى لو بسيط ما راح يردني الا لساني .. والأمن او الهيئه يتكفلون فيه ..

ما اقول الا اللي ايده بالمويا غير اللي ايده بالنار

8

8
8

قلتي اللي في نفسي


واتحدى ظروفي صدق ضرسسسسسسسسك