السلام عليكم


ياخواني انا ابي اقدم ماجستير وابي احد يفيدني بهالموضوع جزاكم الله خير

انا بكالريوس رياضيات وتقديري جيد طبعا تربوية

ابستفسر عن ؛ 1-ماهي الجامعات الي اقدر اقدم عليها ؟
2- ماهي الشروط الي يجب ان تتوفر حتى يقبلوني ؟
3- التقديم عن طريق النت ولا عن طريق الذهاب للجامعه ؟ 4- الي عنده خلفيه عن الرسوم ياليت يفيدنا



اتمنى الاقي اجابات لاسئلتي لاني تعبت من البحث وماستفدت شيء

وعليكم السلام ورحمه الله

أول شيء لازم تحددين الماستر بأي تخصص
تقديم على ماستر رياضيات بيكون صعب لأنه لا يوجد ماستر عن بعد أو موازي للتخصصات العلمية والماستر العام يقبل معدل جيدجدا وفوق
واذا تبين تقدمين على ماستر بتخصص ليس امتداد لتخصص البكالوريوس بتستفيدين من الماستر بالوظيفة لكن بالوظائف الاكاديمية بالجامعة ما يقبلون إلا ماستر امتداد لتخصص البكالوريوس

بما أنك تربوية تقدرين تقدمين على ماستر تخصصات تربوية توجيه وارشاد _ مناهج وطرق تدريس _ تربية موهوبين وغيرها

جامعة الملك عبدالعزيز يوجد ماستر عن بعد توجيه وارشاد ويوجد ماستر موازي بعد
الجامعة الإلكترونية الجديدة عندهم تخصص ادارة اعمال وتقدرين تقدمين عليه
جامعة الملك فيصل وجامعة الملك سعود وجامعات ثانية تقدرين تقدمين عليها
ليتك حددتِ منطقتك

أهم الشروط للتقديم
اختبار القدرات للجامعيين واختبار توفل أو ما يعادله

الرسوم تختلف من جامعة للثانية
بعض التخصصات التربوية حوالي 60 ألف
وماستر أدارة اعمال رسومه أغلى تصل إلى 90 أو 100 ألف
والجامعة الإلكترونية رسومها 9 آلاف بالترم تعتبر أقل من الجامعات الثانية لأن الدراسة عن بعد لكن فيه دوام يوم كل ثلاثة أسابيع

موفقة ،

انا بالرياض

بس جدا انصدمت بالاسعار


غالين مرة

وانا افكر بطرق تدريس

اللي اعرفه انه فيه دعم من الملك على الماجستير الموازي
لكن لازم الطالب يدفع الرسوم واذا استمر الدعم ترجع له الرسوم بعدين
احتمال انتهى الدعم لأن له كم سنة

في الرياض عندك جامعة سعود والإمام وفيه جامعات أهلية معتمدة من التعليم العالي
لكن رسومها خيال بالنسبة لرسوم الجامعات الحكومية قد تصل إلى 200 ألف !!

الجامعات الأهلية المعتمدة بالرياض

كلية الشرق العربي الأهلية وتخصصاتهم

التربية في الإدارة والإشراف التربوي (مقررات ماجستير)
التربية في الإدارة والإشراف التربوي – (رسالة ماجستير)
التربية في وسائل وتكنولوجيا التعليم –( مقررات ماجستير)
التربية في وسائل وتكنولوجيا التعليم – (رسالة ماجستير)
ماجستير في علوم الحاسب (ماجستير)
ماجستير في تطبيقات الحاسب وإدارة النظم (ماجستير)
ماجستير العلوم في المحاسبة (ماجستير)
الماجستير المهني في المحاسبة (ماجستير)
الماجستير في القانون (ماجستير)
الماجستير في إدارة الأعمال (ماجستير)
الماجستير رياض أطفال
الماجستير تربية خاصة

جامعة الأمير سلطان

ماجستير ادارة اعمال


جامعة اليمامة الأهلية

ماجستير تنفيذي ادارة اعمال


جامعة دارة العلوم

برنامج الماجستير في الحقوق ( قانون جنائي – قانون تجاري )


جامعة الفيصل

ماجستير ادارة اعمال


هذا اللي اعرفه واتمنى لك التوفيق ،

رفععععع

طيب كليه الشرق العربي كيف اسعارة !؟

اذا بتدفعين نصيحه لاتدفعين لجامعه داخليه

اطلعي ابتعاث على حسابك وبعدين ياخذونك الملحقيه ..

وياكثر الي سووها والحين ماشاءالله امورهم تمام ..

بس اذا السالفه مافيها دفع قدمي واذا فيه خير بيتيسر لك .. تقديم جامعة سعود الي اعرفه بالنت ترفعين كل اوراقك بالنت واذا جاك قبول مبدئي ينادونك للاختبار والمقابله .. مايحتاج تروحين لهم ابد فترة التقديم

موفقه

المشكله النسبه ماتاهل ادرس بدون فلوس

الشيء الثاني ابتعاث جداً صعب