مستقبل مجهول

لا حدود لطموحي · #1 (**permalink**) 25-08-2012, 09:04 AM

السلام عليكم و رحمة الله و بركاته

قبل ما أدخل في قصتي اللي سجلت بـ المنتدى عشان أطرحها
بعرفكم بنفسي
أنا طالبة جامعية أدرس الطب عمري 19 سنة جميلة و أبوي عنده خير الحمد لله
قصتي بدأت عندما تقدم شاب لخطبتي
هالولد ذا يصير ولد صاحب أبوي في العمل ، تقدم لي في فترة اختبارات نهائية
أبوي قال ذا ولد صاحبي و النعم فيهم ولد ناس و متربي و ما تلاقين مثله
المهم الأخلاق ما سألت عنها قلت أبوي مستحيل يعطيني واحد إلا و سأل عنه و عارف عنه كل شي
سألتهم قلت من وين متخرج قالو من كلية الجبيل الصناعية يعني شهادته دبلوم
و راتبه حلو 8 آلاف
قلت لهم طيب و كيف شكله عطوني صورة له ، الولد قال ما يبي نظرة شرعية
المهم الصورة شفتها ثواني و سحبوها ما مداني أطالعه زين
قلت مالي إلا إخواني أسألهم و أمسكهم و أسألهم
مدحو لي اياه ما خلو لا مؤدب لا جميل لا شعره حرير المهم حسيت آنه ملك جمال من هالوصف الملكي تبعهم
كنت مرتاحة لهالآدمي من كلام أبوي و آخواني و ما كثرت أسألة بحكم آنه تقدم لي في فترة ضغط و آمتحانات
[ وآفقت ] و عطيناهم كلمة و حللنا و كل شي
بعدها قلبي نغزني مدري ليش قمت أبكي و حالتي حالة و قلت يبه أنا ماني مرتاحة لهالرجال
الزواج مهوب غصب أنا مابيه!!
قال أنتي تبي تفشليني مع صاحبي مافيه رفض و ملكتك بعد أسبوع
أبوي جداً قاسي ، بلعت لساني و قلت اللي تشوفه

[ تمت الملكة ]

الوصف اللي وصفو لي اياه طلع و لآ شي
المعلومات اللي أعطوني اياها كلها غلط في غلط
تعرفت ع ولد الناس
أولاً الشكل أدري الشكل ماهو كل شي بس أنا صغيرة و لسه العمر قدامي

أنا أجمل منه بكثير مافيه أي مجال للمقارنة
لو جيت للشعر لا هو ناعم و لا شي ، هذا غير ستايل الشعر المدري كيف

و أسنانه صفر ما يفركها

و ماهي مرتبة

و لما قلت له فرك أسنانك قال لا تفتحين لي مواضيع مالها داعي
ماني مفركها مالك خص فيني
طيب عديناها

الأخ كان يدخن قبل سنتين و تركه لأنه تعب حيل من الدخان
و حالياً يشيش [ المعسلة

] < كيف تجي ذي دكتورة زوجها يشيش
و كان يفحط

و كان يلبس اسوارات

< هالشي ماحبه أبداً أبداً أبداً
و اعترف لي أنه كان يكلم بنت بالبيبي بس ع قولته ما يحبها

و الشي اللي مخليني أوسوس

عنده أربع جوالات

جالكسي و بلاك بيري و نوكيا و آي فون
و فيه مرة كان جالس معي ببيتنا
وصله مسج من رقم غريب " ي فلان شخبارك من زمان عنك "
رد " تمام الحمد لله بس من أنت ماعرفتك والله و "
جاه رد " من أنت ؟ قصدك مين أنتي ؟ أنا بنت مو ولد "
رد " طيب مين أنتي ماعرفتك والله "
جاه رد " ماهو مهم تعرفني بس حبيت أتطمن عليك "
رد " طيب و هذا أنتي تطمنتي لا عاد ترسلين أنا رجال خاطب و مابي مشاكل "
كل ذا صار قدامي
قلت له مين ذي و شلون تعرف أسمك
قال وربي و اللي خلقني و أقسم بالله ماعرفها
قلت له ترا فيني مخ براسي هذي تعرف اسمك يعني تعرفك

و أنت تعرفها و لو ما تعرفها كان ما رديت عليها أصلاً

كان حقرتها صح و لا

ماعرف وش يرد قال يمكن انها وحدة من قرايبي تبي تمقلبني أو واحد من الشباب
قلت له شرايك نتأكد

دق ع الرقم قدامي
قام يصرف و قال لا ما يحتاج و خل نكمل سوالف يخسى صاحب الرقم يقطع سواليفنا

غير كذا
عنده صور بنات و توصله مقاطع أستغفر الله ربي و هو عادي يطالع
و توصله نكت وسسسخة وسخة وسخة و هو يضحك عادي
و إذا قلت له ي فلان وش ذي الوساخة يقول قسم هم اللي يرسلون مب
أنا
طيب لو إن هالشي مهوب عاجبك كان وقفتهم عند حدهم أصلاً
و بعدين مستحيل يرسلون و بس
ما أرسلو إلآ و هم عارفين أنه تبع هالوساخة
و بعدين المثل يقول " قل لي من تصاحب أقل لك من أنت "
إذا أصحابه كذا يعني أكيد هو نسخة منهم

هذا غير سواليفه اللي تجيب المرض كل سواليفه شفتي المسرحية الفلانية
شفتي اللعبة الفلانية
و بروح البر و بروح المدري ايش
طيب تكلم عن دينك شوي تكلم عن مستقبلك شوي
و أحيآن يسب سب وسخ قدآمي و هو يكلم بالجوال

مافيه أغنية بالعالم مهو حآفظها

أنا ما أنكر إني أسمع أغاني بس ماني مثله
قبل لا يخطبني كنت أنتظر وقت الصلاة بفارغ الصبر و تاركة الأغاني

من عرفته رجعت للأغاني الشيطان لعب برآسي

شفت له مقاطع و هو يهز و يرقص و يفحط و يشيش

و منتشر باليوتيوب ي حليله

قلت لأمي و أبوي عن كل شي قالو ما فيه حد كآمل

طيب نسيب الأخلاق شوي و نجي للدرآسة
أخته قالت أنه متخرج من الكلية و راتبه 8 آلاف

طلع معه شهادة آبتدائي و راتبه 3 آلاف

ماهو تكبر و لا شي بس أنا إنسانة عندي طموح وودي أعيش عيالي أحسن من عيشتي
أبوي عنده خير بس خيره لأخوياه يعشيهم و يغذيهم و يسفر أخواني المتزوجين
و حنا الجامعيين ناكل تبن و نصرف من مكافآتنا

ودي أعيش عيالي عيشة أحسن من عيشتي
صبرت شوي مع هالرجال لأنه يقول أحبك و أحبك و أحبك

و مرة قلت له ترا مانليق لبعض دمعت عينه
حن قلبي و قلت يالله أصبر بكرا الله يهديه و يرزقه
بسسس !!

لا جمال لا دراسة لا أخلاق

وين التكافؤ

احترت كثير مع هالرجال

ماني متخيلة إني تعبت كل هالسنين آخذ لي واحد طلع من المدرسة و قام يفحط و يدخن و يشيش

و أنا اللي كنت أتعب و أسهر عشان مستقبلي

و بعدين مابي مثل هالشخص يكون أبو لعيالي
مابي عيالي يعيشون في بيئة ملوثة
هو و أخوانه كلهم ماشاء الله اللي يدخن و اللي يشيش و اللي يفحط

أبي مشورتكم مدري وش أسوي
أحسم المهزلة ذي و أطلب منه الطلاق بما أننا باقي ما تزوجنا يعني على بر
و أتحمل اللي يجيني من أبوي
و لا أصبر عليه و أسبابي كلها مالها داعي ؟

عزتي في مو ذاتي · #2 (**permalink**) 25-08-2012, 01:21 PM

وعليكم السلام ..

الله يكون بعونك..
والله لو تبين مشورتي بطلي من ذحين قبل ما يوقع الفاس بالراس
لا تتراجعين عن قرارك حتى لو دمع وبكى قدامك لا تكونين ضعيفه
ولسى توك صغنونه وكملي دراستك وربي يوفقك
نصيحه من أخت لا تفكرين بالزواج إلا لمن تتخرجي ....

( الشهاده سلاحك )
______________________________________________

لا حدود لطموحي · #3 (**permalink**) 25-08-2012, 01:55 PM

حياك ي اختي والله صدقتي الشهادة هي السلاح من غرابيل هالزمن
والله اعطيتيني دافع قوي
كنت كذا مرة احسم الموضوع و اقول خلاص ننفصل قبل الزواج
الزم ماعلي راحتي
بس اسمع كلام من هنا و هناك
اللي تقول حرام تلعبين ع الرجال اللي يحبك!!
و اللي تقول ربك ما ينسى حد و بتلاقين حوبته قريب و لا بعيد و اللي تقول تفكيرك سطحي و مدري ايش
من كلامهم حسيت اني انا الغلطانة مو هو
بس كلامك برد قلبي والله نورتيني: )

ملامح عاطل · #4 (**permalink**) 25-08-2012, 06:46 PM

سبحان الله وشلون يقولون معه شهاده دبلوم وهو بشهادهـ أبتدائي وراتبه 3000
وين راحت هـ الأمور عن الوالد وكيف يصير الزواج بدون نظرهـ ششرعيه وأهلك يوصفون لك بانه حلو
وأخلاقه عاليه وولد متعلم .. أممم صرآحه السالفه فيها شيِ
لاكن الله يعينك واللي تشوفينه لمصلحتك سويه .. وعسى الله يوفقك يارب ويسهل أمرك )

MjNoON97 · #5 (**permalink**) 25-08-2012, 09:16 PM

بصراحه انا اشوف انك ماتوافقي وغريبه اهلك يقولون لك انه اخلاق ويمدحو فيه وان راتبه 8 الف
توك صغيره كملي دراستك وان شاء الله ربي بيعوضك باحسن منه الله يوفقك

املي فيك يارب · #6 (**permalink**) 26-08-2012, 05:15 AM

اممم الوضع مايطمن بصراحه
بس نصحيتي انك تروحين لمستشاررين اسرة
اهم بيعلمونك كيف تخطين الخطوة
وكيف تواجهين اهلك
حتى علاقل تحسين في ظهر يسندك ويعلمك وش تسوين
وتتخلصين من هالحيرة
هذا افضل حـــل

ملامح عاطل · #7 (**permalink**) 26-08-2012, 05:22 AM

يابنت الحلال هذآ لو أبوهـ وزيرِ مازوجته .

جوزيفكو · #8 (**permalink**) 26-08-2012, 06:32 AM

ابوك يبي يفتك منك...اطلبي الطلاق..لانهم لعبوا عليك

شيخة العاطلين · #9 (**permalink**) 26-08-2012, 11:27 AM

اممممم مرررره صعب وضعك والاصعب ان احد ينصحك لانو مايجوز تفتن بين مراه وزوجها وهو صار زوجك تبين والا ماتبين من جد حاسه فيك احسك انسانه راقيه وفاهمه عليك وهو علي قولتهم طعس ولا في اي تكافؤ وغريبه ان اهلك غشوك فيه وانتي اصلن لسا صغيره مدري استخيري كم مره يمكن الله ياخذه وترتاحين لاطلاق ولا عيشه مع هالملخلوق
ههههههه استغفر الله تسلطت عليه استغفر الله عني وعنه بس تحمست بزياده