السلام عليكم ورحمة الله وبركاته

طبعا في البدايه مااعرف اهنيكم وابارك لكم بأول يوم دوام او اواسيكم واصبركم على المهزله اللي شفناها اليوم في الإدارات التابعه لتعليم الشرقيه لابارك الله فيهم من ادارة فاشله بكل ماتعنيه الكلمه ..

طبعا الكل امس استلم الرساله هاذي ..و من زود الحماس والشطارة اللي فيهم راسلينها من الصباح ع اساس مره مهتمين فينا ومجهزين امورنا وخطاباتنا



فرحنا وكانت الفرحه ناقصه عشان المدارس ماطلعوها لازم نروح المكتب عشان نشوف الخطاب بأنفسنا قلنا مو مشكله اهم شي عرفنا وين نروح نستلم الخطاب ...

توكلنا ع الله ومشينا بعد صلاة الفجر ومسكنا خط ساعتين ونص واخرتها بكل برووووود يقولون لنا ماجانا شــــــــــــــــي روحوا وتعالوا بكـــــــــــــــــــرة !!!!!!!!!!!!!!!

يعني انا جالسه اكتب وفيني غصه من المواقف اللي شفتها اليوم .. اللي جايه من الرياض واللي جايه من جده واللي جايه من المدينه ضاربين كل هالمشوار واخرتها ينصدموا ان مافيه خطابات ولاحاجه ..

طيب من المسؤول ؟ اش سبب التسيب والإستهتار اللي نشوفه ؟

لمتى نعاني منكم ياادارة الشرقيه لمتى؟ معقوله مافيكم واحد رشيد يصرح تصريح واضح وصريح بدووووووووون ابهامات وكلام فاضي ..

موظفات قرية العليا حالهم حالنا مستغربين من كثرة البنات في المكتب !! ويقولون احنا مثلكم ماجانا شي من اداراتكم الموقرة .. طيب اش الحل ؟ قالوا اكتبوا اسماءكم وجوالاتكم ونتصل عليكم اذا فيه شي .. الحل السريع طبعا لكل الإدارات الفاشله واولهم الشرقيه ..

فيني تعب وضيقه وكلامي مخربط بس حبيت انقل لكم المهزله اللي صارت اليوم ومانقول الا حسبي الله ونعم الوكيل على من تسبب في تعطيل امورنا ..

امين حسبنا الله ونعم الوكيل
لازم مانسكت لهم لازم نشكي ونوصل صوتنا ايش العبط والاستخفاف الي عايشين فيه..
عندكم سبق وعاجل ونفس الادارة بريدهم ولو اني متاكده ماراح يردون...

والله حتى احنا عانينا بمكة ومن قوة القهر تراني كاتبة ذا الرد باكثر من موضوع عسى الله لايوفقهم

قولوا حسبنا الله ونعم الوكيل

مشكلة التخبطات كلها بسبب عدم التجهيز لتوجيه المعلمات

و السبب الأكبر إتخاذ القرار ارتجالي فقط و الدليل الرساله الموجهه للمعلمات


كان الله في عونكم على إدارة الشرقية الموقرة

الله يكون بعونكم
احنا في ادارة الاحساء الحمد لله قمة الترتيب وحهةنا للمدارس ب29 رمضان وعرفنا الي لنا والي علينا واليوم باشرنا للمدارس على طول والخطابات موجوده في المدرسه الحمد والشكر لله

حسبي الله وهو نعم الوكيل
صبر جميل والله المستعان

طيب بنات حن اللي بقرية العليا متى نداوم انا ماني بداومة بكرة حرااام ارووح مشوار ع الفاضي... الله ييسرها ان شاء الله

من مكه للنعيريه
ما جانا شي تعالوا بكرة عندكم دورة
والشقق فل في عز الحر ؟؟؟؟
حسبي الله ونعم الوكيل