السلام عليكم

ياخريجي كلية التقنيه

والله الحال مايسر ابد

العمر يمشي ولا فيه وظائف ،، مافي الا تصريح المحافظ لايوجد عاطلين !!
مؤسسة فاشله والمسؤول ماهمه غير كرسيه اهدار اموال الدولة واهدار لعمر طلابها و خريجيها

خريجي الدبلومات الصحيه سوو لجه وازعاج لين صدر لهم امر ملكي

وحنا نطالع لهم وش يسوون وونتظر الخدمه تعطينا وجه !!
هذا وحنا حكوميين


تصدقون ماعرف من الي تخرجو من التقنيه وتوظف حكومي الا واحد وعن طريق الواسطه بعد !!
باقي دفعتي الي توظف ببنك ولا بشركه يقزرها ولا توجه للعسكريه ولا استفاد من التقنيه بشي

الحين حسو بغلطتهم وبيفتحون المجال نكمل بكالوريوس بعد ماراح العمر وبعد ماشافو الكثير طلع برا يكمل على حسابهم

ليش مالنا صوت الكل معتمد على الثاني ماغير يندب حظه

بسالكم بالله احد تخرج من التقنيه وتوظف حكومي بدون واسطه !؟


او يعرف احد توظف عن طريق الخدمه المدنيه ؟؟

بدون واسطة تتوظف شي صعب اللي أعرفهم توظفوا بواسطة

لكن أنا أخذت النقنية وشكلي من القهر أبحط الشهادة الأصل في مجلس الرجال لأنها تبي تقعد سنوات

ماحد يبي المؤسسة العامة Les deception ..

والله تبي الصراحه وبدون زعل مافي رجــــــــــال عندهم كلمه
والله لو كلنا نقوم بطريقة منظمه ونطالب مثل الباقين
لاكن الصمت والسكون ماراح يودي ولايجيب
تبون نطلع ونشوف طريقه ونتوظف زي الخلق ولا تبون ندخل كل يوم هنا ونشكي لبعض ونبكي

استغفر الله

والله من جد الي تخرجو من دفعتي 2 راحو عسكرية والبحرية كمان

ماشفت احد توظف عن طريق الخدمه المدنية

حتى الخدمة المدنية ناسية عنا همها اهل البكالوريووس

السلام عليكم ,

اول شيء بادره طيبه منك اخوي لكن التخصصات الصحيه سوو صجه وراحو للملك !

حنا لازم نوصل للمسؤلين ... عندي اقتراح نجتمع بيوم معين ونروح للديوان الملكي
نقول نبي يستقبلنا الملك عبدالله والله هذا الحل العمر يروح وحنا نهجول بذي الشموس على
رواتب قليله ماتقدر تكون نفسك فيها ,


وش رايكم ؟

السلام عليكم ورحمة الله وبركاتة يا اخواني
قسم بالله حاس بالمعاناة والظلم والقهر اللي مر عليكم مر عليا

انا تخصصي دعم فني خريج 1429هـ/2008م
قعدت سنة ونص عاطل وربي انواع النفسيات جاتني
فتحنا منتدى ورحنا وجينا ولا صار اي شيء
بعدها قلت اللي مايأكل بيده ما يشبع
كلمت الوالد الله يحفظه دنيا واخرة يارب عن كلية الباحة الاهلية للعلوم
ودخلت هندسة حاسب والحمدلله برمضان تخرجت بكالوريوس هندسة حاسب
والحين مقدم على ابتعاث المرحلة الثامنة ماجستير والحمدلله ترشحت دعواتكم لي بالتوفيق
الشاهد من الموضوع هو حلين لا ثالث لهما
يا انكم تسوون غلبة للمؤسسة او انكم تكملون بأي جامعة صحيح كل واحد وظروفه بس صدقوني سهالات بأذن الله
تخيلوا لو قعدت تحت رحمة المؤسسة حسبي الله عليهم الله لايوفقهم لادنيا ولا اخرة كان اكلت .....
الله يوفقكم يا اخواني وربي اتمنى لكم كل خير وسعادة موفقين يارب

اشكركم على التفاعل

انا فكرة المؤسسة تتسنع غاسل يدي منها
الكتاب والصحف وانواع المقالات بس ماستفدنا شي

الله يعوضنا بس

اخوي ياسر انا من ضمن الي دعمو فتح المنتدى من البداية
ومكانك راوح !!

وخير ماسويت انك كملت والله يوفقك

لو الكل عندهـ امكانيه وظروفه تساعد كمل ولا انتظر المؤسسة الفاشله تمن عليه

والله على وضعنا كذا وسكوتنا الواحد يكمل ولا ينتظر عمره يروح