بسم الله الرحمن الرحيم

راح أبدأ لكم موضوعي أبي مشورتكم الله يفرجها علي وعليكم
أنا مطلقه وعندي بنت عمرها سنتين وأبوها جاء في العيد
يقول يبيها تجيه وتعرف أهله عشان بعدين ماتخاف لما تروح عنده بعد سبع أنه مايبي يكون فيه مشاكل وتقريبا كأنه هدد يعني سهولها ألحين عشان أسهل لكم بعدين عشان ماتدخل محاكم أنا ل هنا أتفق معه بس خايفه منه لو أخذها مايردها لي اخاف إذا رحت أشتكيت يقولون أبوها ويمرمط فيني لما تجي سبع وبعدها يقول خلاص مالها شي واخاف اوصلها المحكمه وماياخذها إللى بصك بس بعدين ستلعن علي ماله أمان
شورو علي وش أسوي ماأبي أنحرم من حضنها ولاهي تنحرم مني
أو تعرفون أحد يعرف في ھ الأمور جُزيتم الجنة

في مستشار اسري
اسمه علي العباد
اذا تبين عادي اجيبلك رقمها وكلميه

والله أحس نيته ماهي صافيه مادام شاف بنته ولا معنتيه عنها يكفي ليش يبي يأخذها وبعدين لو بغيتي تعطينه أياها لازم بحضور رجال من أقربائه من كبار السن يتكفلون بأرجاعها ترى لافات الفوت ماينفع الصوت كثير قالوا كم يوم وصار اليوم دوم

اليوم بحاول ابحث عن الرقم واجيبه لك

تدرين مايحلها الا الله
ادعي اللهم اني اضعك في نحره واعوذ بك من شره كل ماجا طاريه او هو جا
غير كذا كل ماعطيتيه بنتك قولي استودعك الله وهو خير حافظ وهو ارحم الراحمين اذا استودعتيها الله الله بيردها لك ولو بعد حين
وادعي الله ان كان نيته شينه وبس يبي يحرق قلبك عليها ان الله يلهييه بنفسه وصدقنيي تجيه من امور الدنيا شي يشغله ويلهي معه عنكم

[align=center]الامور هذي ما اعرف فيها لكن لي صديق محامي اذا تبين عطيتك رقمة وعنده خبرة قوية بها المواضيع
ربي يوفقك [/align]

[QUOTE=شيخة العاطلين;6711451]تدرين مايحلها الا الله
ادعي اللهم اني اضعك في نحره واعوذ بك من شره كل ماجا طاريه او هو جا
غير كذا كل ماعطيتيه بنتك قولي استودعك الله وهو خير حافظ وهو ارحم الراحمين اذا استودعتيها الله الله بيردها لك ولو بعد حين
وادعي الله ان كان نيته شينه وبس يبي يحرق قلبك عليها ان الله يلهييه بنفسه وصدقنيي تجيه من امور الدنيا شي يشغله ويلهي معه عنكم[/



والنعم بالله
الله يفرجها وكلت أمري وأمرها له