ايش هالتفكك بين الوزارة والادارات التعليمية التابعة لها ؟؟!!!

هذا والتواصل عبر الشبكة سهل عليهم الكثير ؟!

احنا المتعينات طلعت اسماء تعيننا مع بعض ؟ كيف يحق لادارات تعليمية تأخير مباشرة متعينات عن أُخريات باشروا يوم 7 /10 ؟؟
ماهو ذنب المتعينات اللي ادارتهم مودارية ايش الشغلة ؟؟

ماهو ذنب متعينات انتظروا أكثر من ستة أشهر وآخرتها يماطلونهم بالمباشرة ؟؟؟

غير كذا الادارة التعليمية منعزلة عن المدارس التابعة لها ,, والموظفين اللي في الادارة نفسها مو دارين ايش يسوون مع المتعينات ؟!!!!!

شوفوا نماذج من الاستهتار والمهازل اللي صارت .<< اسميها مواقف مقلبتك يابوي .!!

فيه ادارات طلبت من المتعينات المباشرة على طول في مدرستها ,,, وقلنا ماشآء الله وش هالادارات الصاحية ولما راحوا بعض البنات تفاجأت المديرة فيهم وماعندها سابق معرفة بمباشرتهن
<<< وكأني أرى الادارة تقول لهم مقلبتك يابوي

فيه ادارت ماعرفوا كيف ينقذون أنفسهم من الاحراج وأنهم ماوزعوا المتعينات على المدارس قاموا قالوا لهم على طول ادخلوا الدورة ؟؟<<< دورة والمتعينات ما ارتاحوا من عناء السفر

وفيه ادارات ما استقبلوا المتعينات وقالوا أولاء أموركم يروحون للرجال ,, وشوفوا التعقيدات اللي صارت لهم هناك ..حتى انهم يرسلون الأولياء لتغيير مسمى الوظيفة <<< يعني شغلات لكسب الوقت حتى يصحوا ويفهمون الشغلة


و فيه ادارات ما شاء الله عليها مثل ادارة الطائف باشروا المتعينات ووقعوا بكل يسر من أول يوم ورجعوا يرتبوا امورهم



بالله هذا حال وزارة تعليمية ,,, وحال اداراتها ؟

نبي نفهم ايش الفرق بين من انجزوا عملهم بأمانة ومن تكاسل ؟؟ كلهم يصرف لهم راواتب وكلهم عندهم تواصل بالشبكة ,, وكلهم يحملون نفس الأمانة ,, لكن هناك من ضيعها وهناك ما أداها خوفا من الله قبل كل شيء ..

احنا اللي تأخرت مباشرتنا نطالب برفعها مثل باقي الادارات التعليمية النشطة من 7/10

فلا فرق بينا وبين من رفعت مباشرتهم في هذا اليوم ..

عزيزتي احنا متعينات في مدرسة العبيديات في محافظة الحوطة هجرة نائية وصلنا لها بعد عناء سفر فماذا وجدنا وجدنا مدرسة تحت الانشاء بلا ماء او كهرباء مبنى قذر يغطيه التراب ظلام في ظلام والطامة الكبرى التي واجهتنا عدم وجود مديرة اصلا ولا طاقم ادارة لايوجد سوى نحن المعلمات المستجدات بلا مرشد وبلا دليل لاندري اين نذهب او لمن نرفع امرنا وكل مافعلنا كتبنا رساله تفيد حضورنا ووقعنا ادناها بدون اي اجراء او اهتمام من قبل ادارة التعليم والاشراف الذي كان عذره انها منطقة نائية وهكذا تكون الحالة هناك اولم يكفهم ماواجهنا من تعب سفر وترحال لنفاجأ بتلك المهزله وماكان من الاشراف التربوي الا ان يشدد علينا بالحضور للمدرسة يوميا وهي على تلك الحال المزري وعندما حضرنا اليوم تفاجانا بطلب المشرفة التربوية بان ننتخب مديرة مننا ونحن المستجدات في مهنة التعليم لتتولى تلك المديرة المزعومة شوؤن المدرسة دون سابق خبرة وسط تخبط وفوضى عارمة وخيبة امل منا نحن المعلمات
ختاما مازالت الصدمة تلجمني والخيبة تعتريني ولا اقول الا حسبي الله ونعم الوكيل على من ضيع الامانه

الله يكون بالعون

هالكلام اليوم و أمس سمعته بعد في إدارة الشرقية

كله ما جاهم شي لا منقولات و لا تععينات جديدة من إداريات و معلمات

تخيلي الموظفة تقول تفاجئنا إن فيه تعيين إداري نازل

يعني إدارة أقسام الرجال ما عطتهم خبر مع إن قرار التعيين صارد من 18 رمضان

حلا شرقي , رحتي شفتي مدرستك ؟؟ الخوف نكون زيهم

يارب سهلها علينا

روعة ر
المتفائلة للأبد

مانملك لهم ولنا الا الدعاء ان ربنا يسهلها علينا ,
ملينا من التخبط اللي هم عايشين فيه والاستهتار فينا

برضو اسمعوا هذي النكتة واللي ماراح احد يصدق انها صارت في ادارة تعليمية

فادارة تعليم عفيف , وكلنا عارفين مماطلاتها في انزال الاسماء مع أنها قطاع واحد , بس تجيب الطامة

/
نزلوا بيان أن على المتعينات الحضور يومي الثلاثاء والاريعاء لاستلام خطابات التوجية ( مع انا ما نعرف فين حطونا )

لكن يجون بنات لهم يوم السبت ويخلونهم يوقعون على اوراق عندهم , _ماندري ايش قصة هذي الاوراق منهم من يقول كزيارة ومنهم من يقول ترفع مباشرتنا بتاريخها ,<<< ومنهم من يقول تسكيته لهم ؟؟ لهذي الدرجة اصبحت القرارات ارتجالية واللي مو عاجبة الكلام يضربه عرض الحائط

طيب ماعندهم كلمة يمشون عليها ,, ايش ذنبنا احنا اللي سمعنا الكلام ؟؟؟ هل يعتبر تكاسل منا , لا والله بغينا نمشي صباح السبت وما ردنا الا بيانهم,,
أم يعتبر ايش منهم فهمونا ..,