ايش هالتفكك بين الوزارة والادارات التعليمية التابعة لها ؟؟!!!

هذا والتواصل عبر الشبكة سهل عليهم الكثير ؟!

احنا المتعينات طلعت اسماء تعيننا مع بعض ؟ كيف يحق لادارات تعليمية تأخير مباشرة متعينات عن أُخريات باشروا يوم 7 /10 ؟؟
ماهو ذنب المتعينات اللي ادارتهم مودارية ايش الشغلة ؟؟

ماهو ذنب متعينات انتظروا أكثر من ستة أشهر وآخرتها يماطلونهم بالمباشرة ؟؟؟

غير كذا الادارة التعليمية منعزلة عن المدارس التابعة لها ,, والموظفين اللي في الادارة نفسها مو دارين ايش يسوون مع المتعينات ؟!!!!!

شوفوا نماذج من الاستهتار والمهازل اللي صارت .<< اسميها مواقف مقلبتك يابوي .!!

فيه ادارات طلبت من المتعينات المباشرة على طول في مدرستها ,,, وقلنا ماشآء الله وش هالادارات الصاحية ولما راحوا بعض البنات تفاجأت المديرة فيهم وماعندها سابق معرفة بمباشرتهن
<<< وكأني أرى الادارة تقول لهم مقلبتك يابوي

فيه ادارت ماعرفوا كيف ينقذون أنفسهم من الاحراج وأنهم ماوزعوا المتعينات على المدارس قاموا قالوا لهم على طول ادخلوا الدورة ؟؟<<< دورة والمتعينات ما ارتاحوا من عناء السفر

وفيه ادارات ما استقبلوا المتعينات وقالوا أولاء أموركم يروحون للرجال ,, وشوفوا التعقيدات اللي صارت لهم هناك ..حتى انهم يرسلون الأولياء لتغيير مسمى الوظيفة <<< يعني شغلات لكسب الوقت حتى يصحوا ويفهمون الشغلة


و فيه ادارات ما شاء الله عليها مثل ادارة الطائف باشروا المتعينات ووقعوا بكل يسر من أول يوم ورجعوا يرتبوا امورهم



بالله هذا حال وزارة تعليمية ,,, وحال اداراتها ؟

نبي نفهم ايش الفرق بين من انجزوا عملهم بأمانة ومن تكاسل ؟؟ كلهم يصرف لهم راواتب وكلهم عندهم تواصل بالشبكة ,, وكلهم يحملون نفس الأمانة ,, لكن هناك من ضيعها وهناك ما أداها خوفا من الله قبل كل شيء ..

احنا اللي تأخرت مباشرتنا نطالب برفعها مثل باقي الادارات التعليمية النشطة من 7/10

فلا فرق بينا وبين من رفعت مباشرتهم في هذا اليوم ..