السلام عليكم


كيف حالكم ياشباب ؟ شابات^__^
ان شاء الله كلشي تمام


نبارك للي انكتب لهم التعيين


والي لسى ماتعينو نتمنى اننا نسمع خبر يفرحنا بتعيينكم في القريب العاجل باذن الله


المهم ياشباب ..اليوم رحت سويت المقابلة واجتزتها الحمدلله بكل سهوله وماخذت مني ولا نص دقيقة ههه

بعدها طلبو مني اني اجري الفحص الطبي وصراحة مارحت اليوم لاني ماعرف موقع المستشفى وين

الي يقول مخرج 15 والي يقول 16 والي يقول بينا !؟!!


ياريت واحد يوصف لنا بالظبط المستشفى يقع على اي شارع بالظبط ..وش اسم الشارع ؟؟ وبعد كم اشاره اوصل له

علما بان اسم المستشفى هو ::مستشفى الملك سعود بالريــــــاض

ياريت الي يعرف يفيدنا بالموقع بعدها نقدر نقول..الف مليون شكر لمنتدى بطالة من مشرفين واعضاء على كل الجهود المبذولة لخدمة العاطلين ..وأسال الله لنا ولكم التوفيق في الدارين

ملحوظة مهمة ::لاتنسون تجاوبون على سؤالي^___^ ههههههه

مبروك اخوي

وانا كمان اليوم عملت المقابله وسويت الكشف بالحدود الشماليه

لكن بكره اوديه

متى تكون المباشره

بتوطف انا مثلك ياخوي من الادارة المرشحين بالرياض امس كنت عندهم وقالولي اطبع فحص من النت وافحص في مستشفى الي قالولي عنه لاكن قلت له انا من سكان الاحساء هل من الامكان ان اعمل الفحص بالاحساء قال نقبل اي مستشفى حكومي بشرط ان يكون لهم فحص سموم ورجعت للاحساء ولله الحمد ورحت عند لجنه الطبية بالاحساء قالي لازم تكون مختومه على ان الموظف قالي طبعة وسو الكشف وامورك طيبة وهذاني يا اروح فرع وزارة التربية والتعليم بالاحساء يختمونه ان صلح لي او اجيهم من سبت اختم لهم واسي فحص بالرياض

موقع مستشفى الملك سعود في حي السلي

ابوصف لك وانت جاي من علي الدائري الشرقي باتجاه الجنوب كنك رايح جنوب الرياض يجيك مخرج 15

اطلع معه يمين بعدين يمين وبعدين سو يوتيرن امش لين يجيك شارع سعد بن عبد الرحمن خذ يمين تحصله على اليسار

امتداد للموضوع (موضوع الكشف الطبي*)

اليوم وصلت للمستفشى وكان الوضع شوي زحمة وعطوني موعد يوم السبت الجاي؟!؟!؟


استغربت صراحة مو على اساس لازم ننتهي من الفحص من الان على اساس توجيهنا بيكون الاسبوع هذا ؟؟

طمنونا في احد صار معه زي الي صار معي اليوم ولا خطاء من الموظف لانه كان يحسبني جاي من جهة غير الخدمة المدنية ؟!؟!
في احد منكم عطوه موعد ولا كلكم بنفس اليوم سوو لكم الكشف

نفس الشيء
موعد النتيجة السبت بعد الظهر
لكن أحد الموظفين قال لي تعال بكره بعد الظهر

راح اجيهم بكره وان شاء الله تكون جاهزهف

ياجماعة الخير هل لابد من الفحص قبل المباشرة؟؟؟ لأني ما يمديني أودي الفحص قبل السبت وش حيصير ياليت تفيدونا

انتم تتنتضرون نتيجة الفحص السبت!!!!!

. ...لكن انا لسى ماسويت الفحص الان هنا المشكلة..عطوني موعد وقالولي تجي تسويه عندنا تدنا يوم السبت
في احد صار معه نفس الشي؟

انا موعدي يوم الاحد الله يعين عليهم