صباح الخير يابنات

اخت جداويه و اخت الفارس الحمدلله داخل جده بس المشكله بعيده عن بيوتنا

واكثرنا مثلا من الشمال وتعينا ف جنوب كان يراعو ظروفنا من مواصلات ومن حقنا نطالب الاستقرار الوظيفي وما نعيش بقلق كل فترة

انا الى الان ادور ع سواق يوصلني ف جنوب ومالقيت ... او السعر غالي ويتحكم ف سواق ..

وكل وحده عندها ظروف تطالب بحقها سواء تعينت داخل او خارج جده .

والله اني حاسه بمعاناة كل اداريه ومعلمه تعينت بعيد ع الاهل .


جداوايه الله ييحقق لك ف قريب العاجل النقل وتتيسر امورك .

الله يوفق الجميع .

مساء الخير بنات ^^
اللي تسأل عن الثانويه 43 هذي بياناتها

ثانوي عام نهاري
المنطقة التعليمية: جدة
الهاتف: 6208844
االعنوان:
قويزة
المدينة: جدة
تاريخ إنشاء المدرسة: 1413

هي موقعها بالوسط بين حي المنتزهات وحي قويزه وبمنطقه جبلية بعيده شوي عن الشارع العام تدخلي من عند اسواق التوفير وتطولي حتجيكي بيوت قديمه ومصانع تطولي الين تشوفي مبناهاا كبييير على يدك اليسار
المبنى نموذجي وعدد الطالبات 1012
اتمنى اكون افدتك بس نصيحه لوجه الله لاتخرجي من بيتك الا وقاريه المعوذات ومحصنه نفسسك زين ويفضل انك ماتداومي بدري يعني ماتروحي بدري داومي مع الناس احسسن ^_^
بالتوفيييق للكل

اختي درر وسامي هذا رابط توزيع اسماء فقط http://www.al-madina.com/node/402349

يمكن الرقم الوظيفي ناخذوه من مكتب التوجيه

يابنات ياريت تساعدونا ف الرقم الوظيفي

الله يوفق الجميع

مطعونه ارسلت لك ع الخاص مدري وصلت او لا. عموما الف شكر
طموحه. الله يسعدك وين ماكنتي طلع معي ٧ اداريات متعينات

السلام عليكم
الف مبروووك التوجيه وان شاء الله كل وحده ترتاح في مدرستها
الحمد لله على كل حال كلنا الاداريات المتعينات والمثبتات حطونا في الجنوب
طيب الشمال مين فيه؟؟؟!!
مو معقول مو محتاج لانه ملياااان مدارس ومجمعات. هذا الي مزعلنا يا اخواتي يعني لو كان فيه وضوح وشفافيه كان ما احد زعل لكن يستخدمون اسلوب غريب يعطونا رغبات ويحطون فيها احياء الشمال ونختار ونمني انفسنا بالرغبه الاولى لمدة اسبوعين بعدين نتفاجأ انه كلنا في الجنوب ولا وجود لاحياء الشمال !!!!!!!
طيب له كذا قولوا من الاول ما فيه غير الجنوب اش الاسلوب الملتوي دا
وفوق كذا ما فتحوا الرغبات اصلا وزعونا على حسب النقاط فقط بدأوا من احياء الوسط لاعلى نقاط وبعدين نزلوا تحت لاقصى الجنوب والي مو مصدقه تشوف البنات الي معها تلاقي نقاطهم متقاربه جدا

واتحدى احد من الاداره الي وزعونا يثبت عكس هذا الكلام
يعني يا اخواتي ضحكوا علينا بحكاية الرغبات واستخدموا اساليب غريبه وكدسونا كلنا في الجنوب لدرجة وحده من الاخوات تقول معه عشره !!!!!! بالله هل يعقل هذا الكلام مدارس الشمال فاضيه والجنوب مدارسه مكدسين فيها الاداريات بشكل غريب
ما كأنهم عارفين زحمة جده عشان يزيدوها
يعني التوزيع فيه اشياء غامضه وغريبه وغير مفهومه
وانا اتمنى اي احد يقدر يوصل صوتنا للمسؤلين او الصحافه مايقصر معنا وله الدعاء والاجر ان شاء الله
ضروري احد يساءلهم ويحاسبهم على هذا الوضع الغريب في التوزيع

[align=center]أخواتي أخت الفارس وطموحة تسلمولي على ردكم الراقي وعلى الدعاء ربي يبارك فيكم ويعطيكم كل ماتتمنون [/align]

السلام عليكم انا متابعه معاكم من اول صفحه والله يجزاكم كل خير ياارب وانا طلع اسمي في المتوسطه السادسه عشر والحمدلله

لمن قرات الاسماء لقيت يمكن سته او سبعه في مكتب وسط جده فصراحه حاجه غريبه التوزيع ولا يمكن عشان لسى فيه دفعات جايه بيحطوهم في الشمال

ولقيت معايه ثلاثه وانا الرابعه والله يسهل ياااارب والمبنى رحت شفته مبنى مستاجر والشارع الي فيه ضيق وقديييم والله يعين