السلام عليكم ورحمة الله وبركاته .......... الحمدلله كما ينبغي لجلال وجهك وعظيم سلطانك ....... ياجماعة كل تاخيرة خيرة باذن الله .... وعسى ان تكرهو شيئا وهوا خير لكم ..... صدقوني يمكن رحمة لينا مابدانا الى الان نجهز اولادنا ونهياهم للمدرسة وتعتبر اجازة لنا مو دايما تتكرر ملحقين عالصحوة بدري والكرف اشبعو نوم ووسعو صدوركم بكرة نحلم متى تجي الاجازة وان شاء الله حنكون كلنا وسط جدة باذن الله ......... تفائلو بالخير تجدوه

الله يكون بعون الجميع ان شاء الله والله يسهلنا امورنا ........ والله انا قدمت استقالتي اول رمضان وريحت راسي ... مافيا لوجع الراس ويقولولي مالك حقوق عشان ماقدمتيها اخر السنة والكلام هذا فمن يوم مانزلت اسماءنا في الترشيح استخرت الله واستقلت لانو الواحد مايضمن المكان الي كان فيه ايش ممكن تكون ردة فعلهم من الاستقالة بس الحمدلله ردت فعلهم كانت طيبة الحمدلله ومعتبرة هدي الفترة من الانتظار ااجازة ليا على مجهودي طوال السنين الي راحت رغم وجود علامات استفهام في راسي عالمكان الي حيوجهونا عليه بس متفائلة بالخير والله يعطينا على قد نوايانا وتكون كل واحدة مدرستها جمب بيتها

كيفك اختي ام الرضا

انا معاك نوسع صدرنا بس تعرفي الوحده فينا صايبها قلق غير تجهيزات

ونزلت سوق عشان تشوف نظام مدرسه ولا على كرف الكل مايحب الا شي

سهل وميسر له والادارة تلعب باعصاب بنات كل يوم لهم راي والله مستعان .

يا ادريات جده اعطوني عنوان الاداره في جده
والقسم النسائي قريب من قسم الرجال والا لا?

بنات ما رأيكم نتجمع في يوم كلنا ونشوف نهاية الموضوع مع إدارة جدة !!
يعني خلال هاليومين إذا ماجاءت لنا رسائل فتح رغبات وتوجيه نتفق كلنا ونتجمع في إدارة التعليم يوم السبت مالهم غير كذا لما يشوفونا مجموعة كبيرة راح يحسوا شوي .. من حقنا نطاللب بفتح الرغبات من أجل التوجيه للمدارس و نقابل المسئولة عن وضعنا وتشرح لنا لماذا التأخير !! لأن وحدة ولا اثنين ولا ثلاثة ماراح يطلعوا بنتيجة .. طبعاً تجمعنا راح يكون بطريقة حضارية من غير فوضى ..
وإذا في وحدة تعرف أحد من الصحافة ممكن يكونوا متواجدين هناك يكون كمان أفضل على الأقل إذا أحد ماسمعنا نطرح موضوعنا للصحافة ..

والله يااختي بحر القلم معاك حق نتجمع يمكن لما يشوفونا يخافوا ويعطونا تحديد رغبات

علي الاقل

• معاكم نتجمع بإذن الله بس العنوان فين في مبنى الرئاسة قصدكم ؟؟!!

يا اخواتي ...الوضع مختلف ... انا اشتغل ومرتبطة بعقد مع مدرسة اهلية...لذلك انا ما اقدر اوسع صدري زي ما تقولون وانتظر بكل هدوء وراحة..كل يوم اروح للمدرسة وانا قلقانة وعيني على الجوال..الي تشتغل القلق عندها بيكون مضاعف..طول الوقت افكر كيف استقيل وآخذ إخلاء الطرف وانتم تعرفون نذالة المدارس الاهلية وحسدهمً!!مهما كانت المعلمة مخلصة معاهم لابد من النذالة والتلاكيك اذا جت تطلع خصووووصا اذا جتها وظيفة حكومية!!!لأنهم ما يبغون احد يربك تخطيطهم وتوزيعهم للحصص لأن مصلحتهم فووووووق كل شي!!!لذلك انا جدا جدا جدا متضايقة وقلقانة!!ولا اقدر استقيل اخاف تجيني الوظيفة في قرية وانا ما اقدر اروح برا جدة!!!
الامر عندي مو مجرد انتظار لرسالة من الادارة ...فيه اجراءات ومشاويييير..الله يسهل

صحيح كلامك عبيرص الله يعينك ويسهل امرك وامرنا وانا كمان عندي ولد صغير نفسي اعرف مكان المدرسة الي بيوجهوني فيها بس عشان ادور حضانه قريب من المدرسة لآنه ما عندي احد يمسك ولدي الصغير بصحيح ما اامنه مع شغاله ابدا الله يفرجها من عنده ما ضيق الا وبعده فرج