مبارك التجمع والله يجعله فاتحة خير
طبعا كالعادة جدة غير
بعض الادارات حتى الدفعات الثانية اتوجهو للمدارس واحنا لسى عيدهم ما انتهى
الله ييسر الأمور للجميع ويجي التوجيه بالمكان الي نتمناه وما يشحططونا جالسة اقرأ اسامي أماكن ماعمري سمعت فيها توجهه لها التعليمي والله يستر بس

صحيح يا أخوات حبيت اسأل الان هل ممكن لو جا توجيهي بمدرسة وكانت بعيدة ولقيت وحدة تبادلني هالأجراء عادي ويتم بسهولة يعني هل أحد تم له الموضوع قبلنا انا سمعت بنات المدينة نفذوا او بينفذوا الفكرة فهل هالخبر مؤكد من الادارة وطبيعي ولا اجتهاد من الأخوات ولسى مافي شيء تطبق على أرض الواقع ؟!

احد يبدلني من مكة لجدة؟؟

والله حاسة ماحيدونا خبر الا الجمعة في الليل زي ماعملوا في المعلمات .. يعني كإنه الواحد ماعنده أي التزامات ولا زوج ولا مدارس أولاد .. بس قاعد يستنى الوظيفة اللي ذلونا فيها من قبل مانستلمها ..

شكلوا انا بينكم من الجنووووووووووووووب ...الله يعين لو جاءت مدارسكم بالجنوب وانا بالشمال اتبادل مع مين ... ههههههههههه

المهم انو بداخل جده مايرمونا بالقرى اللي حتى اسمها اول مررا يمر عليا وتلقون طريقها مخيف وكله رمل لا اسفلت ولا شى ..لانو وحده تعليمي حطوها بالليث لا وكمان مو الليث نفسها من قرى الليث امكن حتى طريقها مافيله اسسفلت ..الله يعيين

اليوم حلمت اني تعينت بمدرسه والمديره خلتني اذن بالمايك والبنات يسمعوني بس الحمدالله اذنت للاخير ...وقمت باستعراض تاني كله عششان تنبسط مني وتشوف مواهبي الله يعيين ...

الله يسعدك يامبسم خجل كويس انك خلصتي الأذان هههه
الله يجعل كلمتك مسموعه في المدرسة اللي تتعينين فيها يارب

وعليكم السلام بحر القلم جزاك الله خير على فتح التجمع
انا العزيزية 2 وحولي مدارس كثييير
الاحياء اللي حولي وممكن ابادل فيها الفيصلية والاندلس والروضة وفلسطين والمكرونة ومشرفة والرحاب والصفا وطريق الملك والخالدية
اي مدرسة حول شارع التحلية او قريبة
وياااااارب كل وحدة تتيسرلها مدرسة عند البيت*