ماغيرك احدن قوى قلبـي وولعني
وغـلاك عندي بوسـط القلب ياكبره

لو بتكلـم غـزير الشوق قاطعني
مكسور خاطر والمكسور وش جبره

‏اتابعك .. من دون لاتدري ولا تشوف
اتابعك .. وان قلت لي ليه ..؟ مدري !؟

اتابعك .. وان غبت يرعبني الخوف
واهتم لأمرك .. كني اهتم ،، لأمري

سطرت أحروف المحبه غـلا وأشـواق
للغالي اللي وسط القلـب ماأخـذ محلـه
ناديتكـ حبيبي لا تتـركـ القلـب يشتـاق
هات الفـرح والبعـد مـا أقـواه خلـه
يانبض شعري يااسم داخل القلب خقـاق
أنت الحبيب اللـي قلبـي مايـوم ملـه
لوأكتب أحساسي تضيـق بـه الأوراق
أنت الشعر وريح العطـر و الغـلا كلـه

تبقى سلام الروح ولا منك أضرار
وتبقى عزيز وعزتك من وصوفــــك

إسمك نقشته بين الأضـلاع تذكار
وقلبي نزعته خوف يزعج حروفـــك

البنت واجب على طبعك تداريها
لو مابكت تخفي الدمع ابتسامتها
واحيان عادي تزعلها وترضيها
لو تشتكي عند خالتها وعمتها
إذا زعلت قصدها وش كثرتغليها
وإذا رضت لا تحلفها بذمتهـــا
مادامهـا اتشوفك الدنيا ومافيها
سوو ماتبي بس لا,,تجرح كرامتها,,

__________________
"لله دُر أمي إذا ابتسمت
تهادت جروح قلبي والتئمت"

::
اليتم يتم الأدب والموت موت الضمير
والحب حب المعالي باختلافاتها

ما للنجوم أوطان دام السما عيونك
بعثرت هالتحنان بلقاك وبدونك*

أجمل الأشياء ابتسامة من تحب
ومن عيونه مكتمل وجه الرضا
ينتشي جوك إلى حد السحب
كأن روحك غيم وأنفاسه فضا*

ضيقتي في غيابك فوق ماني جريح
كنها ضيقة : [اللي فاقد له بلد]

وفرحتي ف وصالك لا بغيت الصحيح
مثل : فرحة [عقيم] بشروه بولد*

غيرتي زادت عليك من كبار ومن صغار
إيه أنا مجنون فيك حتى من حلمك أغار*